المتاهلات رسميا الى المسابقة.........والانطلاقة السبت مع صاحب الامل سطايفية وفريولة - الصفحة 15

موجو جوجو · 2014-11-20, 19:20

ام معاذ لو كان درتي حتى تطبيق مصغر لبنتك احسن
حتى انا ماراحاش نلبسو لكن راح نموديفي فيه و نحتفظ بالجزء العلوي
كلش يهون في سبيل التعلم
حتى انا راني خسرت لقماش و زيد ليوم شريت ميترا دونتال تاع تمنين و ماستعملتهاش بصح علابالي بلي نلاقاه في استعمالات اخرى

و انا دراهمي كامل مايبانوش عندي هواية ههههه هي لقماش لي يعجبني و القالون و العقاش لي يعجبني نشريه البلاكار معمر غير بدوزان الخياطة و لي يشوفو يقول عندي اتوليي

على العموم ان شاء الله تكوني من المتأهلات

mystiq1 · 2014-11-20, 19:25

السلام عليكمم
اخ عمر ما عرفتش نبعثلك على الخاص

موجو جوجو · 2014-11-20, 19:29

اختي ميستيك
اضغطي على اسم صاحب الامل تخرجلك 3 اختيارات اضغطي مبارشرة على ارسال رسال لصاحب الامل من بعد عادي انسخي رابط الصورة مباشرة و حطيه
و كانك تبعثي مساركة و ماتنسايش العنوان باه تفوت الرسالة
نتمنى افدتك

mystiq1 · 2014-11-20, 19:31

ما نعرفش نرفع الصور

mimimouni · 2014-11-20, 19:39

اقتباس:

المشاركة الأصلية كتبت بواسطة mystiq1

ما نعرفش نرفع الصور

اختي استعملي مركز الخليج
Gulfup.com
ا

صاحب الامل · 2014-11-20, 19:52

mystiq1

اعتذارك مقبول هاذ المرة

ولكن لازم نعملك المرة القادمة كيفاه تحملي الصور وتبعثيها على الخاص

mystiq1 · 2014-11-20, 20:42

شكرًا ، انشاء الله ما تتكررش

mimimouni · 2014-11-20, 20:56

الحمد لله ميستيك كملتي قبل الوقت

mystiq1 · 2014-11-20, 20:59

صح الحمد الله الأخت mimimouni , المهم كملت هذاك هو الصح

fifiarch · 2014-11-20, 22:00

تمنياتي بالنجاح ليكم بنات ان شاء الله

عن نفسي للاسف ما طبقتش لانو ما لقيت القماش المتناسب مع بعض

املك فقط الدونتال وما قدرتش نوفر غيرو

لانو واش يباع هنا فقط اقمشة القطيفة نتاع الدار وما لقيت حتى شيء يخرج على هاذ المودال

عدى عن انو الاخ عمر خصص الالوان وانواع الاقمشة

في قمة الفضول انو نشوف اعمالكم ونتمنى نشوفوا ابداع يوم عن يوم

rosa sd · 2014-11-20, 22:45

السلام عليكم ورحمة الله وبركاته
نداء للاخ عمر نعرفو بلي قلبك كبير ,من فضلك وكان غير تزيدلنا الوقت ليوم السبت راني نشوف بلي مشي انا برك اللي مكملتش التطبيق
انا عن نفسي عذري هو اني كنت غدا ان شاء الله خطوبة اختي ,كنت مع القاطو ,خيطتلها قفطان باش تلبسو غدا ان شاء الله ,هذو الناس اللي خطبوها جاو الجمعة الماضية وغدا خطوبة çاي الوقت قصير وزيد راني خدامة والاطفال راهم مع الفروض لذلك مقدرتش نوصل للتطبيق مع اني شريت جميع المستلزمات
ارجوك الاخ عمر زيدلنا المهلة ليوم السبت وان شاء نكونوا في المستوى لاني حابة نتعلم من هذه الدورة
ارجوووووك الاخ عمر

rosa sd · 2014-11-20, 22:53

اقتباس:

المشاركة الأصلية كتبت بواسطة fifiarch

تمنياتي بالنجاح ليكم بنات ان شاء الله

عن نفسي للاسف ما طبقتش لانو ما لقيت القماش المتناسب مع بعض

املك فقط الدونتال وما قدرتش نوفر غيرو

لانو واش يباع هنا فقط اقمشة القطيفة نتاع الدار وما لقيت حتى شيء يخرج على هاذ المودال

عدى عن انو الاخ عمر خصص الالوان وانواع الاقمشة

في قمة الفضول انو نشوف اعمالكم ونتمنى نشوفوا ابداع يوم عن يوم

انا تان شريت القطيفة تاع الدار (فتون)لانها رخيصة 450دج
والدونتال 450دج
وسلتان مارك 240دج
تول 60دج
ان شاء الله برك الاخ عمر يزدلنا في الوقت

صاحب الامل · 2014-11-21, 11:49

نتائج المتاهلين

سيتم الاعلان عنها من طرف

stayfiya & فريولة

stayfiya · 2014-11-21, 20:12

السلام عليكم و رحمة الله و بركاته
اهلاً و سهلا بالجميع دون استثناء
بالمشتركات المميزات و صاحبات العزيمه
من بينهم اسماء لمعت معنا في الكثير من المسابقات
و بإراده و تحدي كبير انظمو لينا اسماء جديده
راح يتميزو بأعمال فنيه يقدموها بأناملهم الذهبيه
ها نحن نعود و نجتمع بحول من الله عز وجل لنقدم
مسابقه لا تتخير عن مثيلاتها من المسابقات لي
اثرت منتدى الخياطه طيلة اعوام
تحت اشراف المميز صاحب الامل
و مساعدتين اختارهم بثقه
فريوله ابتسام
و السطايفيه
راح نساعدوكم طيلة التحديات
اكيد راح نستفادو من خبرات بعضانا
و نتعلمو أشياء كثيره تفيدنا حنا و حتى لي يتابعونا
في جو من المرح و الحيويه و النشاط
و بعد انتهاء الفتره النظريه لي تلخصت في خمس دروس
راح نفوتو للتطبيقيه
و بشوي روح ريا ضيه راح يتم الاعلان عن نتيجة المتأهلات معنا
للمرحله الثانيه

فريولة ابتسام · 2014-11-21, 20:24

مساء الخير لكل المتسابقات معنا مساء الخير الاخت سطايفية والاخ المشرف صاحب الامل

اليوم نتائج المتاهلات معنا الى المسابقة وقبل اعلان النتائج

ان شاء الله تكونوا استمتعتم
مع الاخ المشرف بالدروس المقدمة واهم شيئ الاستفادة
واكيد بدون اطالة نبدا النتائج