حمرولي وجهي

tiramisu · 2014-09-09, 20:17

يااااااااااااااااااااااااااااااايييييييييي يااااااااااااااااااااااااااااييييييييييييييي
راني في امس الحاجة ليكم
علابالي تقولولي المنتدى مليان بالوصفات لكن لالا
نحتاجكم تدبرو عليا
رايحة ندير عزومة لدار راجلي كااااااااااااااااااااااااااااامل
11 فرد الله يبارك
و راني حاصلة لانو كاين اللي مراض بالسكر و ماياكلوش العجائن في الليل
و كاين اللي مياكلوش بالدجاج
و انا الحق منعرفش وش نطيب
منيش موالفة
تعيشو اعطيوني menuمتكامل
و زيدو قولولي وش من نوع لحم لازم
لانو زوجي قالي وش من لحم تاع رقبة و الا الفخض و .......
انا منعرفش
و هاد العزومة تقررلي مصيري في وسط عائلة زوجي
اي يا نخرج منها خايبة يا شاطرة
و انتم ميهونش عليكم بنت المنتدى يدحكو عليها
ااااه و الا وش قال
و للسهرة وش نوجد
و علي قداش نبدى الاعدادات علما انو عشاء
راني منرقدش خاصة و انو نسا سلافي الكل دارو عزومات فووووووووووووووووووور
انا خايفة
ماما تقسيتها قاتلي سقسي في المنتدى
متخيبونيش

عطرالذهب · 2014-09-09, 20:28

اختي ربي يعينك
وقتاش العزومة باش نعرف واش ندبر عليك يعني اذا مازال عندك وقت والا قرييييييب
رجاا نحي الاحزان اللي في البروفيل بنت منتدانا الغالي مستحيييل تكون حزينة ههههههههه
لي عودة ان شاءالله

صوفيا2000 · 2014-09-09, 21:13

ديري شربة فريك وديري معاه كلمار محشي ونوعي في السلكة من اجل الناس المرضى بالسكر
للشربة تحتاجي الرقبة تع الخروف

tiramisu · 2014-09-09, 21:15

منقدرش ندير اطباق بالحوت لاني منعرفش للتوابل تاعهم
و زيد ناس شيخي يفهمو للحوت نتاعي يجي سامط
انا نعرف روحي باللي في الحوت 0
يعني لازم حوايج خرين

عطرالذهب · 2014-09-09, 21:47

اختي طيبيلهم شربة بيضاء بكريات اللحم المفروم ومعاها سوفلي او ميني كيش بالطون والفورماج يخرجو هايلين والدوزيام بلا ديري كتف غنمي روطي محشي بالروز مرفوق بالخضار مفورة وسوتي مثل زرودية وجلبانة ولوبيا خضرا ومعاهم طاجين لحلو وكثري السلطات والتحلية اخدميلهم تاي ومكسرات محمصة والتحضير ابدي نهار من قبل فرشي الصالون وبيت لقعاد وفوري الخضر وفوحي اللحم وبيتيه في الثلاجة واغسلي حوايج السلاطة خليهم في القطارة وطيبي طاجين لحلو وحمصي المكسرات واخدمي ليبولات نتاع اللحم المفروم وهكاك الصباح تلقي كلش ساهل نوضي بكري حطي لماكلة تطيب ونظمي روحك واتدوشي واستيكي روحك ووجدي صينية القهوة واذا عندك اولاد نظميهم مليح واذالقيتي وقت ريحي شوي باش تقدري تسهري معاهم ناشطة وابتسمي واستقبلي ضيافك بوجه بشوش هاذي اهم حاجة
موفقة وبعد العرضة احكيلنا واش درتي ههههههه

jojo dj · 2014-09-09, 21:56

ديري شربة فريك بلحم الخروف طبعا وديري حلو عادي البرقوق ومشماش والزبيب ولوز حمرية ولوحيه فالاخير ههههه وزيدي ديري مثوم وجلبانة بالقرنون هاذي اطباق الناس كامل تحبها وطبعا اوردافر ومن رايي زيدي ديري لي شوصون كمقبلة والسهرة وجدي كرام باتسيير راها تتباع في ساشيات زيديها الحليب والسكر فقط ديريها طبقات مع الفاكهة وزينيها بكرام شونتي او لوز ايفيلي واشري بقلاوة ومكسرات حطيها مع لاتاي والخبز اشريه يكون خبز مدور هههههه ونقي دارك من قبل وجدي روحك مع الاواني لي تحطي فيها ليلة من قبل. وريحي روحك المهم تكون نظيفة المهم تكون طريقة التقديم مليحة يعني لي تحطي فيه تكون في حيوية مع طراشينو نفس اللون وراكي عارفة عادي انت لي عليك ديريها والباقي على ربي وماتنسايش الاهم تكوني انت اللبسة لي ظيبي فيها ماهيش هي نفسها لي تعشاي معاهم فيها يعني اخلعيهم ههههه

يسمينة البجائية · 2014-09-09, 22:39

السلام عليكم واش راكي الشاطرة . شوفي راني نحب نساعدك بأفكاري نتمنى تستفيدي ...

اولا ابداي بالحميص . وجديه لعشية قبل الغدوة . و ديريه في الفريجيدار داخل بواطة . ديري كمية قاسح و كمية حلو و الغدوة كي تقدميه زينيه بالبيض المسلوق و التونة و زيت زيتون .

ثانيا . ديري سلاطة خفيفة اللي تحبيه يعني بالروز ولا سامبل

ثالثا - ديري معقودة و انا انصحك بها على خاطر يحبوها كااااع الناس . ديريها بالبطاطا و التون و لا بالافيوند اشي..... زيدي هريسة و مايونيز ...

رابعا - عندك الطبق الرئيسي و هذاك الطبق لازم ديري بكمية كبيرة . و لازم ما تراطيش .
شطيطحة جلبانة

او دولمة

ولا شوربة بالفريك

مع ديسير . كوكا كولا . جو . فواكه

الماسة النادرة · 2014-09-10, 13:40

لوكان انا ندير الشربة فريك مع البوراك وندير الكباب باللحم وندير لوبيا سوتي بالشونبنيون والمعدنوس وندير اسكالوب محشي اذا حبيتي نعطيك الوصفة وديري حميش وشلاضة ورق وديري ميني بيتزا بالعجين المروقة والسهر ديري سيجار بالديول وشري قلب الوز وديري الفلان والفواكه والشاي اذا عندك تساؤل قوليلي راني هنا