السلام عليكم.هذه قصيده لاحد الشعراء من مدينة البيرين لا اذكر اسمه لضروف خاصه لكنه مريض واتمنى من كل من بقرا هذه القصيده ان يدعو له بالشفاء.
يا قاصد وطن الدزاير عنو سال000دير الخير ادي جوابي صفيه
سال على بحر و برو و الجبال000سال على الصحرا و التل وما فيه
سال على غربو جنوب و شمال000سال على شرقو ولي يسكن فيه
سال على البيضاء البهجه عنها سال000مزينها بعلام انا ياسر نبغيه
اسال على سكانها نسوى ورجال 000اسال على الاطفال كل واحد باسميه
قلو يا وطني فراقك عني طال 000من وحشك قلبي النار شعلت فيه
ما تحلى الحياة عن بعدك محال 000ما يهنالي خاطري حين نهنيه
حب الوطن صعيب ما عندو مثال000ما يهنالي خاطري حين نهنيه
قصدنا وطن فرانسا طمعه فالمال000نحسب نلقا واش كنا متمنيه
غرونا باخبار عنها قال و قال 000مالجنه جعلونا منها تشبيه
شفت بعيني ما بقالي ذرك نسال000ما نامن من جاب خبرو ينشر فيه
يا خويا نوصيك كون من الرجال000وطنك يسناك لابد ترجع ليه
امه كل صباح فالبوساط تسال 000خبر وليدي طال ما نعرف وش بيه
من وحشك في كبدها ثاقب مشعال000نارو شعاله حظورك لي يطفيه
و الزوجه في لونها دايم تذبال 000محتاره في حالها لمن تشكيه
هم الفرقه زادها هم الاطفال 000كل واحد بسوال منو تسمع ليه
يا ماما بابا فراقو عنا طال 000وينا يوم اجي و نروح نهنيه
مسعد ذاك اليوم ما عندو مثال000يوم يتلم فراقنا ربي ابقيه
ياربي ياخالقي زين لحوال 000يرجع كل غريب لاهلو وماليه
بجاه الرسول محمد و الال 000مفتاح الجنه نتوسلك بيه
لولاد البيرين نهدي ذ المقال000نحاحين الضيم على من ضاقت بيه000
قوللهم خوكم طالت بيه علال000ادعولو ربي من الضر اشافيه
( تقرير عن مشاركة سيئة )، و الموجودة أسفل كل مشاركة .
2012-12-25, 18:33
الغربه
العرض العادي
