مشكلة أخي ، رجاء أريد آرائكم

[yassminadz]

اليوم أحببت أن أكتب موضوعي هنا ، لأنني بكل بساطة أثق فيكم وأريد أن تنيروني أو بالأحرى تنيرو أخي بآرائكم
لي أخ تقدم لفتاة جامعية وجد فيها من الأخلاق والتربية ما ترك عنده الانطباع بأنها المرأة التي يريد على حسب رأيه
الفتاة تمسكت بمطلب العمل بعد التخرج ، لا يزال سنتين على التخرج، وهدا صراحة ما أغضبني لأنه مرتاح ماديا بالاضافة لأن الكل يشهد له بحسن الخلق والدين (ليس لأنه أخي قلت هدا الكلام لكنها شهادة الجميع)
المطنقي أنه يبحث عن فتاة ثانية لأنه لا يريد العاملة فعقله هكدا أشار عليه، لكنه حسب ما أسر لي -بحكم أنني كنت الوسيط بينهما - يريدها هي بالدات وهدا ما يمليه عليه قلبه ، أظن أنه بدأ يسقط في كيدها والآن هو بين قلبه وعقله ، وقد طرح لي سؤاله التالي : هل أتبع عقلي وأبحث عن امرأة ثانية أم أنساق وراء قلبي وأسمح لها بالعمل ?
الصراحة أنا لم أجد اجابة لأجيبه فهو بين نارين أحلاهما تخرق ان صح الكلام
أنت كرجل وأنت كامرة ، لو كنت أو كنتي مكاني أنا أخته ، ما سيكون قرارك ? أشيرو عليه وعلي جزاكم الله خيرا بدكر الأسباب ، مع العلم أن تخصصها صيدلة

[aymen01]

متربي و مدين و عندو الدراهم و هكاك حابا العمل

ايه يا دنيا

كون جا عاجبها راهي تقبل بيه امبليس وين عمبالها بلي راح تلقى خدمه بعد عامين يقعد يستنى فيها

امبليس قوليلو الخدمة فيها الاختلاط و الخدمه من الصباح للعشيه يروح يشوف وحدا تتهلا بيه مشي راجل ينوض على 8 و يرجع على 5 كخخخ

[سجل أنا جزائري]

في رأيي اذا كان متعلق جدا بها و يصعب عليها يشوف وحدة أخرى و اذا كانت هي مهتمة به فقط المشكلة في العمل يتقدم ليه مبعد بشوي بشوي بالك تبدل رأيهها

أما اذا اعجبته فقط و هي فرضت شروطها و لا تقبل المناقشة و مسبعد تتغير يشوف وحدة أخرى يرتاح ليها خير

بو في الأخير يصلي الاستخارة بزاف و يشوف وش يرتاح و ربي يسهل ان شاء الله

[faraday_dz]

اذا كان هو يريدها و هي لا تريده فلتبحثي له عن اخرى بمواصفات يحبها هو و اقترحي عليه ربما سيغير رايه
كما يقول المثل ما ينسي فلمرا غير المرا

[yassminadz]

المشاركة الأصلية كتبت بواسطة aymen01

متربي و مدين و عندو الدراهم و هكاك حابا العمل

ايه يا دنيا

كون جا عاجبها راهي تقبل بيه امبليس وين عمبالها بلي راح تلقى خدمه بعد عامين يقعد يستنى فيها

امبليس قوليلو الخدمة فيها الاختلاط و الخدمه من الصباح للعشيه يروح يشوف وحدا تتهلا بيه مشي راجل ينوض على 8 و يرجع على 5 كخخخ

راك تشوف ، أنا والله حشمت في بلاستها ، ربي يقدر الخير
شكرا على مرورك

[yassminadz]

المشاركة الأصلية كتبت بواسطة سجل أنا جزائري

في رأيي اذا كان متعلق جدا بها و يصعب عليها يشوف وحدة أخرى و اذا كانت هي مهتمة به فقط المشكلة في العمل يتقدم ليه مبعد بشوي بشوي بالك تبدل رأيهها

أما اذا اعجبته فقط و هي فرضت شروطها و لا تقبل المناقشة و مسبعد تتغير يشوف وحدة أخرى يرتاح ليها خير

بو في الأخير يصلي الاستخارة بزاف و يشوف وش يرتاح و ربي يسهل ان شاء الله

كلامك رزين وفي محله، الاشكال أنو الرد كان على النحو التالي : أنا قرايتي وخدمتي ، لا ندري مقتنعة بيه وشارطة الخدمة ولا بغات تبعدو فقط
سرني ردك

[yassminadz]

المشاركة الأصلية كتبت بواسطة faraday_dz

اذا كان هو يريدها و هي لا تريده فلتبحثي له عن اخرى بمواصفات يحبها هو و اقترحي عليه ربما سيغير رايه
كما يقول المثل ما ينسي فلمرا غير المرا

ما ينسي فلمرا غير المرا، صحيح لكن كيما قلت ما بغاش
مسرورة جدا بمرورك

[Strong Giirl]

c'est son choix , hiya rahi beghya takhdem w mechi me3netha ki ghadi takhdem , ghadi tesmeh fi darha w wledha plus tard, ana mart khali khedama de 8h à 16h30 w wellah yla kayma b darha kima yelzem , propreté , tyab , ma3endna mengoulou !
rabi ysahel

[محبة الله الجزائرية]

يا اختي على حساب ما قلتي دين وتربية واخلاق يعني مشاء الله

و في هاد الوقت يا اختي ولا قلة ما تلقاي وحدة ماشية في طريقها

وزيد قلتي تخصص صيدلة يعني تخصص عادي لا اظن يبت صلة بالاختلاط الا لمن هي ارادت و على ما اظن اذا كانت متربية صح رايحة تعرف كيفاش تمنع الاختلاط من خدمتها

و الا قاعد مصمم شوفي اقنعيه بلاك تعاود تبدل رايها

باسكو كاين بزاف يخممو يخدمو و مبعد يتراجعو

و الاول و الاخير يرجع لصلاة الاستخارة

ربي يجيب اللي فيه الخير يا اختي

[{زهراء}]

اختي الكريمة
هذه الفتاة لم تطلب شيء حرام او مستحيل
هي اجتهدت وتحصلت على معدل جيد في البكالوريا وتقرى 5سنوات في الجامعة في تخصص محترم ويحلم به الكثيرين من الانصاف انها تخدم خاصة اذا كان مكان العمل قريب من البيت
انتي قلتي انها متربية وبنت فميلة وهذا هو المهم
مع البنات اللي قاعدين نشوفوهم اليوم (مع احترامي للبعض) خوك عندوا الزهر كي طاح في طفلة قارية ومتربية
مذا تعنين انه يسقط في كيدها ارى ان الفتاة واضحة معه وهو يختار موافق اولا
اتعجب من اخاك هذه الحيرة ما سميته انت صراع بين العقل والقلب
في البداية قصد فتاة تخصص مليح كالصيدلة من الطبيعي انها تطلب العمل
وانا شخصيا لو كنت في مكانها لاتخذت نفس الموقف
ويبقى رأي شخصي

[yassminadz]

المشاركة الأصلية كتبت بواسطة محبة الله الجزائرية

يا اختي على حساب ما قلتي دين وتربية واخلاق يعني مشاء الله

و في هاد الوقت يا اختي ولا قلة ما تلقاي وحدة ماشية في طريقها

وزيد قلتي تخصص صيدلة يعني تخصص عادي لا اظن يبت صلة بالاختلاط الا لمن هي ارادت و على ما اظن اذا كانت متربية صح رايحة تعرف كيفاش تمنع الاختلاط من خدمتها

و الا قاعد مصمم شوفي اقنعيه بلاك تعاود تبدل رايها

باسكو كاين بزاف يخممو يخدمو و مبعد يتراجعو

و الاول و الاخير يرجع لصلاة الاستخارة

ربي يجيب اللي فيه الخير يا اختي

والله يا أختي شاهد على ىواش راني نقول ، بشهادة الجميع
المشكل ما نعرف وين تقدر تخدم لي عندها تخصص صيدلة، في الصيدلية برك أم في أماكن خلاف ، لأنو ادا كان في الصيدلية برك لربما نقدر نقنعوه بأنو ماكاش اختلاط
والله ما فهمت نقنعوا هو يخليها تخدم أو نقعنها هي ما تخدمش ، عنيدين في زوج
ان شاااااااااء الله يا رب تولي ترجع في كلامهما وما تخدمش
بارك الله فيك على النصيحة

[ailemak]

المشاركة الأصلية كتبت بواسطة yassminadz

اليوم أحببت أن أكتب موضوعي هنا ، لأنني بكل بساطة أثق فيكم وأريد أن تنيروني أو بالأحرى تنيرو أخي بآرائكم
لي أخ تقدم لفتاة جامعية koun daha machi jami3iya, pske ljami3iya mata9rach bech teg3od fi dar, w en plus pharmacie وجد فيها من الأخلاق والتربية ما ترك عنده الانطباع بأنها المرأة التي يريد على حسب رأيه rabbi ysahelou nchallah
الفتاة تمسكت بمطلب العمل بعد التخرج ،elle a raison, ma9retch pharmacie w ta3bet bech teg3od fi dar, yaw rahoum li9raw 3 ans w yechertou khedmethoum لا يزال سنتين على التخرج، وهدا صراحة ما أغضبني لأنه مرتاح ماديا بالاضافة le travail machi 3la jel rajel morteh madiyen ou pas, le travail c ke lemra ma9ratch ga3 hyatha pour rien , aumoin testekhdem l3ilm te3ha fi haja tfid, w thes ke ma9ratch w ta3bet 3la walou لأن الكل يشهد له بحسن الخلق والدين (ليس لأنه أخي قلت هدا الكلام لكنها شهادة الجميع) ya khti rabbi yzidlou men khirou, mais wech dakhel hadou sifet fi le travail te3 tefla???
المطنقي أنه يبحث عن فتاة ثانية peu etre , en cas mabghahech tekhdem لأنه لا يريد العاملة فعقله هكدا أشار عليه، لكنه حسب ما أسر لي -بحكم أنني كنت الوسيط بينهما - يريدها هي بالدات وهدا ما يمليه عليه قلبه ، rabbi ykamelou nchallah أظن أنه بدأ يسقط في كيدها :1: ohhhhhhhhhhhhhhh kaydouha w ga3 ?????, wa3lech kaydouha, hiya wech daret, hiya juste chertet khadmetha, w li fi awelou chart akhirou nour, hiya makhad3atouch dèe le debut gatlou wech rahi baghiya, donc ni kayd ni walou, w houwa galbou li bghaha, hiya 3lech???? والآن هو بين قلبه وعقله ، وقد طرح لي سؤاله التالي : هل أتبع عقلي وأبحث عن امرأة ثانية أم أنساق وراء قلبي وأسمح لها بالعمل ? normalement hada l9arar YAKHDOU wahdou mayssa9ssikch, pske houwa li ghadi yetzawej biha w yediha fi darou machi nti, donc lazemlou houwa li ykhamem, eske ya9der 3la l3amal te3ha ou pas?
الصراحة أنا لم أجد اجابة لأجيبه فهو بين نارين أحلاهما تخرق ان صح الكلام
أنت كرجل وأنت كامرة ، لو كنت أو كنتي مكاني أنا أخته ، ما سيكون قرارك ? أشيرو عليه وعلي جزاكم الله خيرا بدكر الأسباب ، مع العلم أن تخصصها صيدلة
goulilou hadi la decision nta wahdek lazem tediha, machi ana li ngoulhalek, en plus saydala machi 3amal fih ikhtilat, yek 9rat fi ljami3a m3a rjel, donc 3aref ke ljami3iya haka, wa3lech t9ademelha ?????

dir istikhara w rabbi yatih wech rahou baghi nchallah

[yassminadz]

المشاركة الأصلية كتبت بواسطة {زهراء}

اختي الكريمة
هذه الفتاة لم تطلب شيء حرام او مستحيل
هي اجتهدت وتحصلت على معدل جيد في البكالوريا وتقرى 5سنوات في الجامعة في تخصص محترم ويحلم به الكثيرين من الانصاف انها تخدم خاصة اذا كان مكان العمل قريب من البيت
انتي قلتي انها متربية وبنت فميلة وهذا هو المهم
مع البنات اللي قاعدين نشوفوهم اليوم (مع احترامي للبعض) خوك عندوا الزهر كي طاح في طفلة قارية ومتربية
مذا تعنين انه يسقط في كيدها ارى ان الفتاة واضحة معه وهو يختار موافق اولا
اتعجب من اخاك هذه الحيرة ما سميته انت صراع بين العقل والقلب
في البداية قصد فتاة تخصص مليح كالصيدلة من الطبيعي انها تطلب العمل
وانا شخصيا لو كنت في مكانها لاتخذت نفس الموقف
ويبقى رأي شخصي

من خقها تشرط كيما بغات، قصدت من كلامي أنو جد مقتنع بيها لكن مسألة الخدمة هي لي ماكاش متوقعها

رأيك أسعدني وعلى عيني وراسي

[○•ميسون•○]

إذا كنتم متأكدين من اخلاقها فلم الإعتراض على العمل

عادي جدا انها تعمل

[yassminadz]

المشاركة الأصلية كتبت بواسطة ailemak

[/b][/size][/color]

dir istikhara w rabbi yatih wech rahou baghi nchallah

واش رايحة نقولك غير بارك الله فيك وفي أمثالك