الجزء 85 من واش طيبتي اليوم يامولات الكوزينة - الصفحة 104

دائمة الحمد · 2014-08-21, 21:02

مساءالخيرات بنات وان شاءالله راكم بخير وبصحتكم واش طيبتو
انا الصباح حطيت الفرينة باش نعمل البيزا وجاني تلفون وليت بل عقل
خرجت نجري لدارنا ماما مسكينة من امس في حالة وما حبوش يفجعوني حتى شافوها تحسنت راهي مسكينة طلعت ليها لاتونسيون قاتلي اختي تكلاتو ليها العروق تاع لي فاريس لي في رجلها الدم قاتلي كي الجي دو ماحبش يحبس
راني نهار كامل وانا ثم وزادت جت اسينات وكل خواتاتي وراهي عملت التحاليل نهار السبت يخرجو
حبيناها تروح لتونس ما حبتش قالت نشوف الساعة هنا ادعولها حبيباتي بالشفاء الليلة راهي اختي لي تسكن بحذاها بايتة ثم وكي تروح هي نروح انا واختي الصغيرة نباتو معاها يارب اشفيهالنا وارفع ضرها

أم ياسين الزهراء · 2014-08-21, 21:03

ربي يشافيلك الوالدة الكريمة يارب قلبي معاك دائمة طمنيننا اختي

أم محمد تاج · 2014-08-21, 21:11

يا ربي دائمة الحمد والله فجعت معاك الله يشافيها ويعافيها يارب وماتشوف شر

أم ياسين الزهراء · 2014-08-21, 21:13

ام اناس الله يكملك على خير وربي يشافيك

ام محمد الله يخليك يااحلى طباخة

ماري شكرا حبيبتي وربي يشافيك انت والوالدة

عشانا كان كاشير وبيض وفرماج والحمد لله

أم ياسين الزهراء · 2014-08-21, 21:14

لبنات كنت راح نفتح الكوزينا بصح الصور عند بنت اختي ومانعرف وقتاش تبعثهملي اللي حابة تفتح غير تحلها وربي يفتحها علينا الكل

ام هاديل وياسين · 2014-08-21, 21:14

اقتباس:

المشاركة الأصلية كتبت بواسطة om hadil

السلام عليكم

الله يبارك فيكم اخواتي ولله يجعل كوزينتكم ديما عامرة بالخيرات عندي طلب ليكم اذا حبيتو

راه عندي عرس وحابة ندير قاطو التاج بشكولة البيضاء وخفت لامتحكمليش على الحبة لخاطرش درتو في العيد

وشكولة بدات تذوب حتى حطيتو في ثلا جة وكي نخرج حبة تقعد شوية برك تبدا و تذوب

من فظلكم اخواتي الي راهي مجربته باي قلاصاج اخر تفيدني وربي يجازيكم كل خير

راني نستنى فيكم حابة نديروهذي العشية

لبنات مزال نستنى في كاش وحدة فيكم تجاوبني

idron0 · 2014-08-21, 21:14

رب يشفيلك الوالدة اختي دائمة الحمد و يخفف عليها مغفرة الدنوب ان شاء الله.

أم محمد تاج · 2014-08-21, 21:16

نسيت فطور زوجي ح شوربة فارميسال سخف عليها وحميص وخميرة وفريت اوملات وديسار عنب وعين بقرة وبقاولي زوج خوخات صامتين ارحيتهم ودرتهم عصير بلاكرام شونتيي يااااي يهبل يهبل والحمد لله حمدا كثيرا طيبا مباركا
ام ياسو الغالية بصحتكم

أم محمد تاج · 2014-08-21, 21:19

حنونتي ام هديل ماجربتوش خسارة وراهي روزا بنت ام ماجد هي لي داراتو في العيد وخرجلها روووووعة وخسارة النت مقطوعة عندها ونصيحتي مادامك جربتيه وخفتي الشيكولا البيضاء فماتريسكيش وتعاوديه ويفسدلك ولا يبهدل بيك بدلي النوع وخلاص واذا حابة نعاونوك في كاش نوع رانا هنا حنونتي

أم ياسين الزهراء · 2014-08-21, 21:20

ام محمد بصحتو وصحى فطور ويعطيك الصحة راكي فووووووووووووووووووور في العصائر سخفتيني في المطلوع السميد اللي عندي عيان وتوحشنا مطلوعة

ام هديا اسفة ماجربتوش ونصيحتي بدلي النوع تاع القاطو خيرلك

أم شيماءْ · 2014-08-21, 21:27

اقتباس:

المشاركة الأصلية كتبت بواسطة إلهام07

الحمد لله غير كي رضيتي ................. نقدر نروح نرقد ؟

روحي برك لحبوبك راهو أنقذنا اليوم :d

هههههههههههههههههههه ياشريرة راني وليت وين راهي وصفة البيتزا :d:d

ام هاديل وياسين · 2014-08-21, 21:33

شكرا ليكم اخواتي المشكل انو مولات العرس شافتو عندي وعجبها وطلبتني

نديرلها منو على ذاك حبيت نشوف اذا كاش وحدة جرباته باي قلاصاج

على كل حال بارك الله فيكم وجعل كل هذه الاعنات في ميزان حسناتكم بتوفيق لكم سلام

أم محمد تاج · 2014-08-21, 21:45

بالتوفيق ام هديل حنونتي
ام ياسو يطيبة والله كون جيتي بحذايا نبعثلك ثلاث قرصات هههههههههه حقة كاش اخبار على ام ماجد????????

شاوية حرة 05 · 2014-08-21, 21:56

دائمة الجمد ربي يشافي يماك ويرفع ضرها يااااااااااااااااااااااااااااااااااااااااارب ربي يحفضها اختي ويطول في عمرها

chez biba · 2014-08-21, 21:58

السلام عليكم، مساء الخير وصح عشاكم
ليزا قاطوك هايل عجبني وباين باللي خفيف ويذوب في الفم، يعطيك الصحة
ام محمد ، تعيشي الوصفة تاع لغريبية اللي حطيتيها البارح
دائمة الحمد ربي يشفي الوالدة ما تشوف شر ان شاء الله
سيماسيم، ليزا،ام محمد ، ام رياض لحنينة ربي يخليكم وشكرا على النصائح، بارك الله فيكن حبيباتي