الجزء 85 من واش طيبتي اليوم يامولات الكوزينة - الصفحة 50

x ام رحاب x · 2014-08-18, 08:43

اقتباس:

المشاركة الأصلية كتبت بواسطة جومانة09

شكرا ام رحاب بارك الله فيك عجبتني فكرة الفور باينة يجي بنين بصح انا حابة نطيبو بلا زرودية

حبيتي اديري اللحم وزيتون وحدو ماتكثريش الماء باه ايك بنينة

إلهام07 · 2014-08-18, 08:44

أم أمنية صباح الفل وبصحتكم في زوج ملاح كي الروز كي المحشي
حقة ريحتي شوية ؟ حتى حنا العين اليوم ماجاتش وكي جات دقيقة وتروح وذليلة خلاص

جومانة اكتبي اسمك في الصور حبيبتي باش مايروحوش وحقة هذا وين شفت المقروط يهبل نعرف يسميوه مقروظ سورية والله عندي مدة سخفانة نجربو حطاتو بشرى موضوع نطل نتفرج فيه

جومانة09 · 2014-08-18, 08:44

الهام ضحكتيني من قلبي اشلوبك في الحكي يدخل للقلب ربي يشفيك وش هي ماركةاالمرهم بلاك نحتاجوه وكفاش درتي زبدة الفول السوداني

اقتباس:

المشاركة الأصلية كتبت بواسطة إلهام07

طبعا كامل ضرك تسقسيوني واش درت البارح

قاعدة نطيب في العسل وطفيت عليه وهو يغلي دخلت صبعي فيه طرت ونزلت والعشية والليل كامل وانا غاطسة صبعي في الماء البارد ولا ندور في الدار هازة صبعي الفوق كيما اللي يشهد وآآآآآآآآآآآآآآآآآه يا صبعي شلفط ويححححححرق

قاتلي أختي هكذا باش تهني روحك

خلاتني حتان طاح الليل قيرب نرقدو باش عطاتني وحد المرهم كي تحطيه على الحريق 5د يحبس الحريق كلي تكذبي

قلتلها من لصباح وانتي تتفرجي فيا لاه ماعطيتيهوليش كون راني كاشما لبزت

المهم تبدل البرنامج ورجع بربوشة بالحليب مع دلاع وأنا تعشيت دلاع وعين بقرة ( فاكهة فقط )

بصح ماتخافوش عليا راني وجدت اللوازم نتاع تلباز اليوم باش نروح نلقاهم واجدين حمصت الكاوكاو في الفرن ورحيت شوية ووجدت لوازم الوصفة نتاع عشاء اليوم غير نروح تبدأ الحفلة المطبخية

وجربت حاجة جديدة فطرت بيها بنييييييييييييينة ماتعرفوهاش انتوما

والله تهبل
نقوللكم واش هي ؟

خدمت زبدة الفول السوداني ( الكاوكاو) يامامي واش بنينة تقولي ناكل البلارة كامل مرة وحدة

مع خبزة كاملة والله بنينة تققققتل وقريت عليها مفيدة جدا جدا جدا للصحة كي عدت ريجيم خدمتها قلت نعود كل يوم نفطر منها
نروح العشية نحوس على خبز الشعير باش ناكلو معها

malek nour hane · 2014-08-18, 08:45

السلام عليكم ورحمة الله
صباح الفل و الياسمين.صباح الخييييير
ليزا فقتيلي هههه والله صح مانقراش وش كتبتو كلش ليه ليه نجري نحط رد ههه...بصحتكم و شكرا حبوبة على لاغوسات
سيماسيم كون شريتيلي برك نبعثلك الجلبانة مسكين قالي امممم عجبتني الجلبانة جاب 3 يام وهو يأكل خخخخ ندم على النهار لي قالي عجبتني
الهام وش ختارعتي البارح ؟؟؟ ماماك كي روحت وش قالت ههههه؟؟؟؟

أم ياسين الزهراء · 2014-08-18, 08:45

نسيت نصبح عليكم صباح الورد

الهام تستاهلي كاشي وحدجة دير صباعها في العسل ياعسل هههههههههه

جمانة المعقودة امممممممممممممممممممم

غدايا مقرونة بلحم مرحي

lyzzabel · 2014-08-18, 08:47

صباح الفل ميمتي الغالية و جومانة و ام أمنية و لهلووووبة
ام أمنية مين عندك الشغل ديري الروز خاطرش الفلفل المحشي يدي الوقت و ربي يعاونك حبيبتي
لهلوووووبة يالله قري واش لبزتي البارح رانا قاع نستناو
جومانة شكرا على وصفة المقروظ راه روووعة تسلمي حبيبة
ميمتي الحنينة طريقتك في طاجين الزيتون تشبه لتاعي
جومانة الزيتون كي يجيك مر اعرفي بلي راه مازال خصه يزيد يترقد فالما تاعه
مين تغليه ديري معاه عصرة ليمون و زيدي ارمي معاه الليمون لي عصرتيه و طبعا غليه مرة او مرتين او ثلاثة حسب الملح لي فيه و صفيه
و في كوكوطة رابي حبة بصل و ديري معاها شوية مارغرين و زيت الزيتون و قلي و زيدي اللحم اي نوع و قلي ،، تبلي بالفلفل الأسود و عود قرفة و زوج ورقات رند ولا ثلاثة حسب الكمية تاع الزيتون و شوييية زعفران و سكنجبير ما تديريش الملح خاطرش الزيتون مالح حتى مين يطيب ذوقي و شوفي ،، و زيدي قلي على نار هادية و من بعد ضيفي م ك مشي معمرة بزاف فرينة و زيدي قلي و حركي حتى تولي ما تبانش ،، مرقي و ارمي الزيتون و الزرودية مقطعة دوائر و خلي المرق يغلي بلا ما تغلقي الكوكوطة خاطرش الفرينة غادي تفيضلك الحالة ،، خليها وحد ربع ساعة و نقصي النار و أغلقي و طيبي ،، و اللحم لاكان تاع جاج مين يطيب نحيه و حمريه اما فالفرن او فالمقلة و شهية طيبة حبيبتي

جومانة09 · 2014-08-18, 08:47

اقتباس:

المشاركة الأصلية كتبت بواسطة أم ياسين الزهراء

جومانة هدي طريقتي

نحط الجاج انا الماكلى البيضة نحبها بالجاج خير وندير الزيت ونخليه يحمار مليح منبعد ندير عليه حبة بصل مرحية مليح مع شوي ثوم ونص حبة طوماطيش نرحيهم مليح ونلوحهم على الجاج ونخليهم يتقلاو شوي وندير التوابل شوي فلفل اكحل وشوي زنجبيل والفاح ونمرق ماتكثريش الماء ونخلي الجاج يطيب والزيتزن نشري ليلة قبل ونديرو يبات في الماء خير ماتغليه وساعات نشري كمية كبيرة ونخليها يومين في الماء ونغسلها ونكنجليها في صاشي نجبد كينستحق ونقلي البطاطا مكعبات ونرميها في المرقة طيب عايلتي الله يبارك كبيرة نزيد البطاطا كيكنت غير انا وزوجي مانديرهاش وطبعا في الاخير عصير القارص مع المعدنوس الطوماطيش حب ماتخافيش ماتحمرش الملرقى بالعكس تتطلق بنة المهم ارحي كلش مليح

يعطيك الصحة باينة بنينة

x ام رحاب x · 2014-08-18, 08:47

الهام الحمد لله الي جاتك سلامات وبصحتك زبدة والخبز
ام ياسين صباحك سعيد حبيت انقولك التدبيرة تاع الزيتون اندير فيها بصح انا نزيد انحط مع الماء براج قارص باه تنحلك المرارة والملوحية ماتقعدتش خلاص

omomnia15 · 2014-08-18, 08:47

يسال عليكم الخير حبيباتي الهام قتلتيني بالضحك على صباعك والله التلباز ساكن فالدم معليش اليوم واخلفيها ومتزيديش تلحسي ياخي اللحيس تع ام تاج ان شاء الله تكون بخير وبصحتك الزبدة بصح ماشي قلتي راكي ريجيم

جومانة09 · 2014-08-18, 08:50

اقتباس:

المشاركة الأصلية كتبت بواسطة lyzzabel

صباح الفل ميمتي الغالية و جومانة و ام أمنية و لهلووووبة

ام أمنية مين عندك الشغل ديري الروز خاطرش الفلفل المحشي يدي الوقت و ربي يعاونك حبيبتي

لهلوووووبة يالله قري واش لبزتي البارح رانا قاع نستناو :d
جومانة شكرا على وصفة المقروظ راه روووعة تسلمي حبيبة

ميمتي الحنينة طريقتك في طاجين الزيتون تشبه لتاعي

جومانة الزيتون كي يجيك مر اعرفي بلي راه مازال خصه يزيد يترقد فالما تاعه
مين تغليه ديري معاه عصرة ليمون و زيدي ارمي معاه الليمون لي عصرتيه و طبعا غليه مرة او مرتين او ثلاثة حسب الملح لي فيه و صفيه
و في كوكوطة رابي حبة بصل و ديري معاها شوية مارغرين و زيت الزيتون و قلي و زيدي اللحم اي نوع و قلي ،، تبلي بالفلفل الأسود و عود قرفة و زوج ورقات رند ولا ثلاثة حسب الكمية تاع الزيتون و شوييية زعفران و سكنجبير ما تديريش الملح خاطرش الزيتون مالح حتى مين يطيب ذوقي و شوفي ،، و زيدي قلي على نار هادية و من بعد ضيفي م ك مشي معمرة بزاف فرينة و زيدي قلي و حركي حتى تولي ما تبانش ،، مرقي و ارمي الزيتون و الزرودية مقطعة دوائر و خلي المرق يغلي بلا ما تغلقي الكوكوطة خاطرش الفرينة غادي تفيضلك الحالة ،، خليها وحد ربع ساعة و نقصي النار و أغلقي و طيبي ،، و اللحم لاكان تاع جاج مين يطيب نحيه و حمريه اما فالفرن او فالمقلة و شهية طيبة حبيبتي

يعطيك الصحة اكيد رائع نجرب كامل الطرق تاعكم شكر

اسماء47 · 2014-08-18, 08:51

صبــــــــــــــــــــــــــــاح الخير و الفل و الياسمين
ان شاء الله نهاركم مبروك
واش راكم ناوييين ديرو فطور

malek nour hane · 2014-08-18, 08:51

حتى بعثت و كملت لقيت رديتي الهام ههههه مليح كي تذوقي لعسل بصبعك
وش خممتو لغدا نبدأ نعاند...مش الجلبانة برك خخخخ

oum anas 69 · 2014-08-18, 08:53

صباح الخير على وجوه الخير
دخول سريع و خروج أسرع مشغولة بزاااااااف الدار راهي مرونة واااااااع
جبتلكم باش تصحصحو درت البارح بسبوسة بالنواد كوكو ممممممم مشربة تسخف

هذا طبسي لجارتي و الباقي فرقتو على الأولاد يلعبو ههههههه والفو منين يشوفوني يفرحو هههههه
طبعا خليت لزوجي حبات باش فطر اليوم

حقى إلهام سقسيتيني واش خدمت قاطو للعيد ماكثرتش هذا هو

و راه عندي طبوزة هههههه و بإذن الله زوجي يسميها هديل لعقوبة نهار نفرحو بيك و ببشرى و أنوار الإيمان و لمسة حنية عندها مدة مابانتش و كل العازبات يارب

واااااااااع الشغل الشغل الشغل مايخلاصش وااااااعيارب أعنا جميعا

x ام رحاب x · 2014-08-18, 08:57

صباح النور والسرور ام انس كل حاجة من يديك تحفة ربي يخليك لزوجك واولادك وربي يعينك على شغل الدار

omomnia15 · 2014-08-18, 08:58

ام انس واش راكي مع الحمل راني نخمم كي نلحق للشهور الاخيرة روحي للدردشة نسالك