هذا المشكل شائع جدا هذه الأيام كثر بسببه الطلاق

[*سيرتا *]

على البلاص في دار الحوانة???? لم افهم "" البلاص في دار الحوانة"

[sarl02]

المشاركة الأصلية كتبت بواسطة وليد1990

وانت ماذا كنت تفعل مع خوك يخي ترقدوا بالدالة
الزواج مسؤولية كببيرة الي مهوش قادر يخطي أمه ق مكالاه يتزوج حتى الزاوش فاهمها كي يجنح يطير و يخلي عش أبويه مالا الي خايف مفارقة والديه وخايف من المسؤولية هداك الوعيل خير منو

نستعرف بلي يوقف في وجه باباه ويقلو شوفني حتى انا قادر نبني دار وندير عايلة مش ق نتا وحدك على الاقل خير من الخواف الي يتحجج بطاعة الوالدين ويخلي بنت الناس تتمرغ في العيال وهو في الشارع اغلب وقتو من الليل للليل

من حيث المبدا معك حق ...ما من احد الا ويحلم بعش مستقل ياويه عاجلا ام اجلا....شكون عاش في دارهم الدهر كله؟لكن الشيء الغير طبيعي هو اشتراط السكن المستقل منذ البداية وانا اعتبره اهانة وقراءة نقص في حق اهل الرجل دون معرفتهم وساسرحها ولو كانت اخر نساء الارض ...للعلم السكن الخاص متوفر ولا اقبل ولن اقبل بمن تشترطه من اول وهلة ووفق الله الجميع.

[hodayena]

المشاركة الأصلية كتبت بواسطة مناع

ديرلي داري وحدي ,,,,,, وهي كانت مدابزة مع خواتاتها على البلاص في دار الحوانة

مافيها والي كي تقولو ديرلي داري وحدي لخطرش هي الي راهي متحملة هو يخرج صباح في الضلمة ويولي في الضلمة
وكلش عليها والراجل الي يخمم في حياتو يعرف كيفاه يسير ويقود السفينة نتاعو ماشي 100 قايد وهو في البحر يعوم
وماشي الصحة في الكبر الدار الصح في قلوب الناس الي عايشة معاهم انا كنت عايشة في f3وحنا زوج بنات ورحت للناس شيعة ساكنين في فيلا بصح تشوف بنيانها والله غير القوربي خير منها وقلوبهم معمرة غير بالحسد ومن بعد الجوع وصلو للشبعة وبناو فيلا اولاو يزوخو بيها قدام الناس ونساو انو كلش تاع ربي ايملا f1.f2.f3في نفسي عندي خير من الفيلا نتاعهم والجوع الي عايشين فيه يحبو كلش باطل

[مناع]

المقصود من هذا الموضوع هو :
لما تكون الزوجة عالمة مسبقا بعسر زوجها لا تضع شروط هي أصلا عالمة ان زوجها لا يستطيع تحمل كل هذه الاعباء
فما مقصودك بديرلي داري وحدي !!!! حابة الطلاف ؟الله أعلم
حتى وإن كنت تعاني بعض المشاكل مع أهله لكن اصبري شوية تومري يفرج ربي المهم متفركتيش داركلا سيما انت عالمة لو كان قادرا ما تأخر خلاص إذن لماذا لا تفهمون يا بنات المسلمين
والله والله هذه القصص غير كاينة ونعرف أصحابها والمشكل ليس حالة واحدة الكثير والله غير مشكل
لم تكن هكذا

[وليد1990]

المشاركة الأصلية كتبت بواسطة sarl02

من حيث المبدا معك حق ...ما من احد الا ويحلم بعش مستقل ياويه عاجلا ام اجلا....شكون عاش في دارهم الدهر كله؟لكن الشيء الغير طبيعي هو اشتراط السكن المستقل منذ البداية وانا اعتبره اهانة وقراءة نقص في حق اهل الرجل دون معرفتهم وساسرحها ولو كانت اخر نساء الارض ...للعلم السكن الخاص متوفر ولا اقبل ولن اقبل بمن تشترطه من اول وهلة ووفق الله الجميع.

الحقيقة ان لكل منا رأيه الخاص اكتسبه من خلال تجاربه وظروفه فطالما كانت تجاربنا وظروفنا مختلفة فحتما ستكون أراءنا مختلفة كذلك
أخي الكريم
ما سمعت أبدا في حياتي (الصغيرة ) رجلا متزوج ساكن مع اهله يشكوا السكن مع الاهل أو يشكواالمشاكل في بيت اهله
ولم عليه ان يشكوا ؟ ولم من المفترض ان يشكوا ؟ أليس يخرج إلى الشارع كل يوم واغلب حياته فيه ولا يدخل منزله عفوا غرفته إلا للنوم أو الأكل آنى له أن يحس أو يشعر او يدرك .....مجرد تبدا المشكلة يقفز إلى الباب ليخرج ويفر من الصراخ والهرج
نعم اخي الكريم هذا المخلوق لا يمكن ان يحس ويدرك وكيف يفعل هذا وفاتورة الكهرباء يخلصوها بالنص نص فتأتي خفيفة ظريفة وكذلك الغاز والماء والمصروف حتى أبناءه لا يشقى بتربيتهم وحتى اذا مرضوا يمكن ان ينوب عنه احد اخوته وينقلهم للمستشفى
نعم اخي الكريم انه لا يحس لانه فاقد للمسؤلية تحكمه الرعادة والخلاجة لمجرد انه يفكر في ترك حضن أبويه ليعيش وحيدا بعيدا
بعد كل هذا من الطبيعي أن يتعنتر وينفخ صدره وريشه على زوجته وكذلك يحتج بطاعته لامه وغيرها من الاسباب الواهية التي تخفي جبنه على مواجهة الحياة ومسؤلية الزواج فيكون الزاوش والطير أرجل منه بكثير
أدعوك أخي أن نفكر قليلا للحظات فقط كالنساء فقط للحظات ماذا نجد
ام تضن ان الزوجة القادمة في آخر العمر سرقت وليدها
اخوات اناث تعتليهن الغيرة من هذه الزوجة لانها تزوجت ونالت حظها بينما هن عوانس لا حظ لهن وان لم يكن عوانس فقد يغرن منها لانها طبيعة البنات لا غير ربما لانها تطبخ احسن او تتجمل احسن
اغرفة كعلبة الكبريت لا تكفي لشخص ما ادراك بشخصين ولا حرية لها في كامل المنزل بينما سائر المتزوجات يملكن منازل اوسع واكبر كالملكات
ستجد عيال يفوت 10رقاب مسؤولة على الطبخ لهم يوميا وبالتشناف والصراخ
وغيرها من المشاكل الكثيرة والمتراكمة التي تحل عليها لانها شخص اضافي في المنزل

[mohazi]

السلام عليكم
ليس هناك رجل لا يتمنى ان يستقل ببيته لكن الجميع يعرف مشكل السكن اليوم حتى وان قام بتأجير بيت فيبقى دائما قلقا من ناحية اليجار من جهة ومن ناحية مطالبة صاحب البيت بالخروج من بيته او رفع مبلغ الايجار .................................................. ....................

[وليد1990]

المشاركة الأصلية كتبت بواسطة mohazi

السلام عليكم
ليس هناك رجل لا يتمنى ان يستقل ببيته لكن الجميع يعرف مشكل السكن اليوم حتى وان قام بتأجير بيت فيبقى دائما قلقا من ناحية اليجار من جهة ومن ناحية مطالبة صاحب البيت بالخروج من بيته او رفع مبلغ الايجار .................................................. ....................

انا معك اخي في هذا الرأي
لكن المشكلة ان الاخوة يربطون السكن مع الاهل بطاعة الام لا أدري لم؟

[مناع]

لا يخفى عنكم اننا في مجتمع جزائري

[azzouza19]

أي امراة من حقها دار وحدها باه تكون مرتاحة مع زوجها و يتجنبو المشاكل

[fatna zahra]

السلام عليكم بعد قراءة التعليقات استغربت من ان الرجل يعتبر شرط السكن انقاص من رجولته ........ ( من استطاع منكم الباءةفليتزوج )
وبالدارجة الي قادر على شقاه يتزوج والراجل الصح هو اللي من الاول يحاول بكل جهده تامين سكن ولو بالايجار تفاديا للمشاكل ويبقى العزيز عزيز واذا اضطر وتزوج في بيت اهله فليكن رجل وما يظلمش بنت الناس بمعنى العصا في يديه قادر يوازن بين اهله وبين زوجته غير بالكلام وخصوصا زوجته بالكلمة الطيبة فقط .................... للاسف احنا الجزائرين دائما نلجأ للعنف الكلامي والتجريح بدون فايدة

[LOUNIS HOUAS]

المشاركة الأصلية كتبت بواسطة وليد1990

وانت ماذا كنت تفعل مع خوك يخي ترقدوا بالدالة
الزواج مسؤولية كببيرة الي مهوش قادر يخطي أمه ق مكالاه يتزوج حتى الزاوش فاهمها كي يجنح يطير و يخلي عش أبويه مالا الي خايف مفارقة والديه وخايف من المسؤولية هداك الوعيل خير منو

نستعرف بلي يوقف في وجه باباه ويقلو شوفني حتى انا قادر نبني دار وندير عايلة مش ق نتا وحدك على الاقل خير من الخواف الي يتحجج بطاعة الوالدين ويخلي بنت الناس تتمرغ في العيال وهو في الشارع اغلب وقتو من الليل للليل

حنا يا أخي في العلمة f3 بمليار و نص و 100 متر دار ب 3 ملايير و الكراء f3 ب 2 مليون شهريا و ين حابني نسكن يرحم والديك و بيناتنا ادا كان عندي مليار نجيب روسية تسكن مع بابا و امي خيرمن الموسطاشة اكي حنوني انت باين لا علاقة و زيد الخيانة الزوجية ماكش تسمع في بنات اليوم لامان مانش الناس اليوم يسكنها مع باباه با يعسهالو متقدرش تروح تخدم و تخليها وحدها في الدار يخي انت راجل و تفهم

[hodayena]

المشاركة الأصلية كتبت بواسطة lounis houas

حنا يا أخي في العلمة f3 بمليار و نص و 100 متر دار ب 3 ملايير و الكراء f3 ب 2 مليون شهريا و ين حابني نسكن يرحم والديك و بيناتنا ادا كان عندي مليار نجيب روسية تسكن مع بابا و امي خيرمن الموسطاشة اكي حنوني انت باين لا علاقة و زيد الخيانة الزوجية ماكش تسمع في بنات اليوم لامان مانش الناس اليوم يسكنها مع باباه با يعسهالو متقدرش تروح تخدم و تخليها وحدها في الدار يخي انت راجل و تفهم

الله يلعن الرجلة الي راك تهدر عليها كي خايف من الخيانة متتزوجش واش ظمنك انو ابوك مايغروش الشيطان وعرف قصدي الي عارف روحو شريف ومربي يعرف مرتو والي رخيس دايمن الزاوش يلعب في مخو

[وليد1990]

المشاركة الأصلية كتبت بواسطة hodayena

الله يلعن الرجلة الي راك تهدر عليها كي خايف من الخيانة متتزوجش واش ظمنك انو ابوك مايغروش الشيطان وعرف قصدي الي عارف روحو شريف ومربي يعرف مرتو والي رخيس دايمن الزاوش يلعب في مخو

في الحقيقة يا اختي
هذو العباد يحيروني
اذا كان فاهم الزواج كما هاك أدعو الله اذن ان يبعد عليه بنت الحلال ومولات النية
قالك لوكان جا عندي مليار روح نجيب روسية على اساس انها تقبلو تسكن في دار باباه وعلى اساس انها شريفة ماتخونوش
قتلك يحيروني راه فاهم الزواج بيع وشراء زعما لوكان عندو تحت المليار يشري جزائرية واذا عندو اكثر من مليار يشري روسية

زايد راني شايفو صغير تاع فيس بوك ....موسطاشة وحنوني وهذا السخافات ....مزال صغير من المفروض ما يدخلش هذا القسم

[وليد1990]

المشاركة الأصلية كتبت بواسطة lounis houas

حنا يا أخي في العلمة f3 بمليار و نص و 100 متر دار ب 3 ملايير و الكراء f3 ب 2 مليون شهريا و ين حابني نسكن يرحم والديك و بيناتنا ادا كان عندي مليار نجيب روسية تسكن مع بابا و امي خيرمن الموسطاشة اكي حنوني انت باين لا علاقة و زيد الخيانة الزوجية ماكش تسمع في بنات اليوم لامان مانش الناس اليوم يسكنها مع باباه با يعسهالو متقدرش تروح تخدم و تخليها وحدها في الدار يخي انت راجل و تفهم

أنا الحمد لله منيش خادم الشر حتى تجيني وحدة خاينة وزايد منيش موسوس مريض معقد من النساء نعس فيهم ...راني نعرف وش نخير يالي تقول لاعلاقة انا منعسش مرتي

[مناع]

المشاركة الأصلية كتبت بواسطة وليد1990

أنا الحمد لله منيش خادم الشر حتى تجيني وحدة خاينة وزايد منيش موسوس مريض معقد من النساء تعس فيهم ...راني نعرف وش نخير يالي تقول لاعلاقة انا منعسش مرتي

انت ماكش موسوس ومعقد حاشة ,,,لكن نية بزاف ,,,,,, نحن معقدين وموسوسين هههه ,,, يا صاحبي وليد مازال تدخل حياة وين تبدأ بالبحث عن زوجة وغادي تشوف ,,,