الافخاذ الكاذبة انتاع ليليا وفلون الهام

محبة الكتاب · 2014-07-19, 22:30

اليوم طبقت الافخاذ الكاذبة انتاع الاخت ليليا الله يجازيها كل خير ويبارك فيها الله غالب ماعنديش كيفاش نصور بالصح جو هايلين عجبوا كامل الدار كنت مزروبة لاني بديتهم روطار مالصقتش البطاطا كيما قالت هي خليتهم بلا ذراع بالصح الكمية راهي تجي الله يبارك يمكن 16 حبة كبار بالصح فعلا راهو كثرة الفرماج فيهم ايدير فرق كبير لانو كاين اللي زودتلهم الفرماج وكاين لا من الزربة
https://www.djelfa.info/vb/showthread.php?t=1372005
وطبقت ثاني فلون القفرويط تاع لهومة يعطيك الصحة ياالفحلة جاء روووعة الله يبارك ودرت فوقو وصفتك انتاع كرام شونتي مع ياغورت الكراميل والقيت حبة بتسويس بطعم الفراز في الفريجيدار ههههههههههههههه قلتلها جابك ربي طلعت بيها ثاني لاكرام شونتي وحطيت فوق بعضاهم جاء عالم ثاني ربي يبارك فيكم ويخليكم لينا يارب
صحة فطوركم

hadjer mascara · 2014-07-19, 22:36

مشكورة مام انا سييتهم مي درت لابات تاع بسملة فرح. أخت معليش رابط و صفة الفلان تاع لهومة

محبة الكتاب · 2014-07-20, 11:19

https://www.djelfa.info/vb/showthread.php?t=1600615
استعملت كيسان واستعملت ثاني اصحان صغار انتاع الفلون عجبتهم الوصفة في الاصحان خير لانو كياكلو تجيهم طبقة رقيقة من الفلون مع القوفريط مع طبقة رقيقة لاكرام شونتي جتهم ابن وابن ووين تزودي القوفريط وتفتفيه مليح خير وخيرراهي فعلا هايلة يعطيك الصحة يالهومة
صحة فطوركم

فايزة1207 · 2014-07-20, 13:45

يعطيك الصحة ..

sara safae · 2014-07-20, 19:56

الله يسلمك و بالتوفيقققققققققققققققققققققققققققققققق

محبة الكتاب · 2014-07-20, 21:55

الله ايسلمكم ,اليوم طالب الجمهور نعاود الافخاذ الكاذبة ونزود الكمية واختي بعثتلها البارح منهم صقصتني اليوم على لاغوسات راجلها هبل اعليهم قاللها اخلاص ماتزيديش اتديري البوراك هاذوم في بلاصتهم