لي تعرف للقرنطيطه

[الفايق]

يا النسا صحيتوو توحشنا مكالتكم شووفو لي تعرف لقرنيطيه تفهمي يااونحوس على لي جربتها مش تجيبوهالي من قوقل هانني نعرف نحوس وحدي

[/زهرة عصفور الجنة/]

https://www.djelfa.info/vb/showthread...E4%D8%ED%D8%C9اليك رابط موضوعي مجربة من عندي

المشاركة الأصلية كتبت بواسطة الفايق

يا النسا صحيتوو توحشنا مكالتكم شووفو لي تعرف لقرنيطيه تفهمي يااونحوس على لي جربتها مش تجيبوهالي من قوقل هانني نعرف نحوس وحدي

[ياسمين177]

سلام اختي هذه كرنطيطا نديرها دائما تقريبا كل اسبوع تاكل ما يبقى منها والو باطة حمص ملح + كمون فنجان زيتوحكي مليح +2 لتر ماء و خلطي و خليها لازم ترتاح ساعة ثم خبطي 4 بيضات وضيفهم للخليط و ديريها في صينية و دخليها طيب و جربيها وردي الخبر

[ام احمد]

السلام عليكم
هذه القرانطيطة تاعي 2 كيسان فارينة +6 كيسان ماء +مغرف قهوة ملح +فنجان زيت + حبة بيض
الطريقة
ناتي بالماء +البيض +الملح +الزيت نضربهم جيدا بالمضرب ثم نبدا في تفريغ الفرينة قليلا قليلا حتى تكمل ثم نضعها في الكوشة حتى تنضج و تحمر و شهية طيبة

[الفايق]

يا تل ها كي مسيتو صحيو صحيو ها هي النسا بلحق بصح لقرنطيطه متجيش بالفرينه تجي بالحمص يا ام احمد ونت يا المشرف لحليب ميفسدهاش أنا لقرنطيطه لي نعرفوها هنايا كيما قالت التيارتيه اليد العامله تجي قا بالحمص والكمون سه سه

[&أسيل&]

4كؤوس من الماء+كاس من دقيق الحمص+حبة بيض3ملاعق زيت ملح وكمون نخلط كل هذه المقادير بالخلاط الكهربائي ونتركه برتاح على الاقل ساعتين وندخله في فرن ساخن
وشهية طيبة

[soltana]

سلام هذه وصفتي و مجربة 100 بالمئة
نأخذ 03 أكواب من فرينة الحمص زائد 2 لتر ونصف من الماء تحرك جيدا جيدا جيدا جيدا بالمضرب نضيف 4 ملاعق من الزيت و ملعقة صغيرة من الملح توضع في صينية و توضع في فرن مسخن جيدا على 280 درجة ومدة الطبخ 1 ساعة و نصف و انها مجربة 100 بالمئة

[هبة الكوثر]

مساء الخير
انا كي نطيبها تجيني هايلة وهادي الوصفة تاعي
باه تديري بلاطو محيطه حوالي 120سم باه ماتجيكش عالية وناشفة كيما الموسكوتشو
2 كيسان لحميصة مرحية وبنفس الكاس لي تكيلي بيه الحميصة كيلي بيه الماء ديري 8 كيسان ماء بارد وخليها ترتاح لمدة 4 سوايع
كي تجي باه تدخليها للكوشة احكمي طبسي كسري حبة بيض وربع كاس زيت وخلطيهم مليح عاودي ارميهم فلخليط اللول وحركيها ديري شويا ملح ونص مغرف خميرة تاع لقاطو
ادهني لبلاطو بالزيت وارمي الخليط رايح يجيك كي شغل ماء بزاااف جاري ودخليه للكوشة
سخني الكوشة مليح قبل ماتدخلي لبلاطو وديريها على نار قوية باه تطيبلك مليح ماتدريهاش نار ضعيفة تجيك كيما الموسكوتشو
كي تطيب رشي عليها شويا كمون
وشهية طيبة
ان شاء الله تنجحلك وكي تجربيها قولينا ماتنسيناش

[الفايق]

يا تلا هاي صحيتو هاني طيبتلكم القرنيطييييييطه جات هيا زينا زينا حياااا بصح منوريكمش الوصفه سر سر سر ههههههههه

[الفايق]

[الفايق]

يلاكم تضربوني بالعين عينكم راها واعره يا النسا

[ليساء11]

سلام عليكم .....................اولا نجيب الحمص المطحون نضع الماء حسبا الباكى تاع الحمص ثم نضع الحمص وراكى تشوفى عينك هى ميزانك ثم نضع فنجان زيت ثم نضع نصف باكى خميرة القاطو ثم نضع 2بيضات والملح و الكمون ثم ضعيها في الفرن عندما تطيب اجبديها من الفرن ودرى الكمون فوقها ...............شهية طيبة

[/زهرة عصفور الجنة/]

الحليب ما يفسدهاش يا اخي

المشاركة الأصلية كتبت بواسطة الفايق

يا تل ها كي مسيتو صحيو صحيو ها هي النسا بلحق بصح لقرنطيطه متجيش بالفرينه تجي بالحمص يا ام احمد ونت يا المشرف لحليب ميفسدهاش أنا لقرنطيطه لي نعرفوها هنايا كيما قالت التيارتيه اليد العامله تجي قا بالحمص والكمون سه سه

[noor hassenl]

شكرا على الوصفات

[لؤلؤة الغرب الج]

السلام عليكم إلى الأخت لي تبحث عن الكرنتيكة
المقادير : 500غ حمص مرحي حبة بيض تقريبا كأس شاي زيت شوية ملح حرور (فلفل أسود) كمون 2 لتر من الماء
خلطي كل المقادير في وعاء واتركيها ترتاح على الأقل ساعة قومي بتسخين الفرن في صنية مدهونة اسكبي الخليط وأدخليه إلى الفرن دون تهدئة النار أي النار تكون قوية وحبذ لو تكون مشعولة من السفل والأعلى حتى تستوي جيدا شهية طيبة هذه الوصفة كل شهر نديرها أي مجربة نتمنى أنك تنجحي فيها
أنتظر ردك بعد ما تجربيها