الى كل جامعي // مستدعى للخدعة

[l'arbitre]

المشاركة الأصلية كتبت بواسطة غليزاني 26 سنة

السلام عليكم
الكل تاكد ان الجامعي في الجزائر اصبح مهمش بدليل ان الوظائف تمنح فقط للاعوان ( الشرطة . الحماية المدنية . و الجنود في الجيش) و الجامعي ممنوع منها بحجة المستوى اعلى
الجامعي لا يقبل في اي عمل لان سنه اضاعه في الدراسة و السن للدخول للوظيفة 25 سنة بمعنى ان الجامعي اصبح شيخا
الجامعي لا يقبل في الجيش و الامن و الدرك لكنه يلزم بالخدعة العسكرية ومن توقف عن الدراسة في الابتدائي يعفى من الخدعة و يوظف في وظيفة دائمة
مما تقدم ارجو من الشباب الجامعي ان لا يدهبو للخدعة العسكرية وجب علينا المطالبة بالمساواة مع الاميين هههههه تبا البلد اصبح بالعكس.
لما الجامعي يتزوج بعد 38 سنة و من لم يدرس يتزوج في سن 25 سنة اهدا حق
قصدي من هدا الموضوع ان يتم التفاهم على عدم الالتحاق بالخدعة العسكرية للجامعيين خاصة من فاق سنه 27 سنة و هو بدون عمل و لا مستقبل
تخيلو انا لن التحق و انت لن تلتحق و الاف مثلنا يوافقو على هدا الراي اكيد سيغيرون موقفهم من الجامعيين و ممكن تتغير نظرتهم اتجاهنا
قضو على احلامنا باستدعاءاتهم المهينة للخدعة بهدف تشغيل البنات
و هناك خونة من من التحقو بالخدعة في مارس الماضي و اكيد سنجد من منهم سيلتحق في شهر سبتمبر القادم
اناا في رايي هؤلاء ليسو رجال و انما ايطارات للسيارات و البني ويوي خدمة الجنرالات اضاعو مستقبلهم و اقول لهم كم انتم جبناء
كونو او لا تكونو لابد من مسيرة فالجامعي ضاع في بلد العزة و الكرامة

واش خانوا؟ ولماذا جبناء ؟
محتاج إجابة من فضلك

[غليزاني 26 سنة]

المشاركة الأصلية كتبت بواسطة nabil ofc

اسمع انا ماقريتش مجانا قريت بالدراهم روح سقسي شحال يتباعو الكتابات والكراريس والملابس وروح سقسي شحال ماتو في المستشفيات لي تسموها مجانية وكي راك تقول تعلمت نغرف ناااااااااس راحو كانوبكري يتعلمو ضك لالا والكلام مرهش خطير مدلم حنا في بلاد الديمقراطية اهدر وين حبيت واش حبيت سقسي قناة الشروق تقولك ولى شيخ شمسو لي درتوه علابالي الخدمة هذي واجب لكن الله غالب فاتنا الوقت رانا كبار والله يبارك بلادنا الحبيبة فيها الشبان تع 23 سنة اروحو افوتوهم لكان راني 23 والله غير نروح لكن الله غالب وخاوتنا لي راحو ولي راح اروحو ربي يسهل بالاك راهم فاريينها عندهم معارف كي يخرجو اخدموهم انا وكاين لي كما انا وللاسف اغلبهم معندهمش غير ربي يتسما كي يروح ازييييييييييييييد اضيع وقت يخرج مكودي مع احترامي الكبير للخدمة العسكرية كل ما اتمناه اقلصوها متل باقي الدول المتطورة يا ريت الشباب يعود يوما ونروح نفوتهم حتى اخدم بلدي الحبيب ونتهنا

+10000000000000000
كما ان الاميين و غيرهم ممن توقفو عن الدراسة لما يعطوهم الاعفاء
لا توجد مساواة في بلد الكرامة كل من التحق بالخدعه يعتبر جبان و سكت عن حقه
ومن يسكت عن حقه شيطان اخرص

[غليزاني 26 سنة]

المشاركة الأصلية كتبت بواسطة l'arbitre

واش خانوا؟ ولماذا جبناء ؟
محتاج إجابة من فضلك

مارايك ان تشاهد الجامعي في سن 31 سنة بدون عمل و بدون مستقبل و ياتيه الاستدعاء لاداء المهزلة
و في نفس الوقت من توقف عن دراسته و من لم يدرس اصلا يعطوه الاعفاء و يعطوه منصب دائم و يتزوج مبكرا
بالاضافة الى المناصب المضمونة للبنات
و هؤلاء تصلهم الاستدعاءات فيدهبو كان لم يحصل شيئ
عش كريما او مت ............

[طيب القلب]

يا أخي صاحب الموضوع لماذا تضيع في وقتك شوف معريفة في المدرسة الي بعثوك ليها يديروك فائض او سبب طبي ويتهنى الفرطاس من حكان الرأس

[badis senfour]

خونة؟ مالا يسنا 30 سنة ويضيع عمرو و ميدير والو بركاك بلا خرطي متروحش متخلطش في الرجال خويا راه رايح غدوا يعني خاين لالا ماهوش خاين مغلوب على أمرو و ميخليش عمرو يضيع بسبب الخدمة تاع الشكوبي هادي يروح مادامو راهو صغير و ينحي عليه ماش يقعد روشارشي و ميدير والو في حياتو خمم بالمنطق كون جات عندو معريفة كون او مراحش اي بايتة غير في الزوالي

[abbes21]

المشاركة الأصلية كتبت بواسطة badis senfour

خونة؟ مالا يسنا 30 سنة ويضيع عمرو و ميدير والو بركاك بلا خرطي متروحش متخلطش في الرجال خويا راه رايح غدوا يعني خاين لالا ماهوش خاين مغلوب على أمرو و ميخليش عمرو يضيع بسبب الخدمة تاع الشكوبي هادي يروح مادامو راهو صغير و ينحي عليه ماش يقعد روشارشي و ميدير والو في حياتو خمم بالمنطق كون جات عندو معريفة كون او مراحش اي بايتة غير في الزوالي

hada howa laklam badi

[salim blida]

انا عمري 28 ومتخرج 2010و لن اذهب للخدعة الوطنية

[kurosaki1990]

بارك الله فيك أخي على أقل يرجعوه أقل من 6 أشهر الدولة خداعة

[l'arbitre]

المشاركة الأصلية كتبت بواسطة غليزاني 26 سنة

مارايك ان تشاهد الجامعي في سن 31 سنة بدون عمل و بدون مستقبل و ياتيه الاستدعاء لاداء المهزلة
و في نفس الوقت من توقف عن دراسته و من لم يدرس اصلا يعطوه الاعفاء و يعطوه منصب دائم و يتزوج مبكرا
بالاضافة الى المناصب المضمونة للبنات
و هؤلاء تصلهم الاستدعاءات فيدهبو كان لم يحصل شيئ
عش كريما او مت ............

راني جامعي وإذا ما ديتش إعفاء نفوتها بإذن الله على خاطر مانيش مخصوص مشاكل مي نتمنى لوكان يكون تخفيض في المدة
شوف أخي أنت قريت ودفعت الثمن سنين الدراسة وخاصة الجامعية ، صحبك لي حبس قبلك بسنين خسر الديبلوم وربح الوقت الي ربما استغلوا وقدر يوجد حق الزواج وعربون السكن نهار أنت ديت ديبلومك ، وتلقاه تقلب في عدة مهن طابلة دخان أو كروسة خضرة أو حيطست قبل أن يجد مهنة عساس أو عامل نظافة بصفة دائمة كا تقول أو أي مهنة أنت لن ترضاها لأنك ديبلومي وربما تحوس تخدم في بيرو وكيما تعرف كثير يحوسوا عليها
وفيما يخص قبول ذوي المستويات التعليمية العالية وإعفاء الآخرين ذلك لأنه يوجد الكثير منهم أما الجامعيين فيحتاجونهم لبعض الأعمال التي تتطلب دراسة ببعض الأمور مثل الكتابة بلا أخطاء أو ربما اللغة الفرنسية

وأخيرا أخي أنصحك بعدم نعت الآخرين بالجبن ، لا تنسى أنك تكتب متخفيا من وراء شاشة الكمبيوتر
وتقبل اعتذاري

[mechakou]

أنا هاد العام نكمل قرايتي و إذا مالقيتش خدمة مليحة نروح نجوز لارمي نورمال منضيعش وقتي و نبقى نبريكولي
أما بخصوص الجماعة لي راحو الله غالب عليهم زوالية و هادوك همى الرجال ماشي خونة و جبناء
و درك نقولك علاش رجال
واجهو مشكل و كانت لهم الشجاعة لتأدية الخدمة الوطنية أما ليبقى يتهرب هاداك هو ........ مانقولهاش خير
أنا حاب نفهم لي لحق حتى 28 سنة ماداير والو في حياتو و قاعد غير يشكي وين ضاعو هاد السنين حسب رأي المشكل فيه ماشي في البلاد
رانا عايشين في جزاير و رانا نشوفو صح المعيشة صعابت و الفساد و المعريفة ......إلخ لكن لكل مجتهد نصيب لي يتعب ينال المهم الإنسان يكون إيجابي و يبتعد عن السلبية قدر المستطاع

[جمال شكيب]

اذا أنت خديت قرارك ،قولي لو سمحت وين ندير رايي أنا ،quote
والله كرهنا من الونسه هاذي تاع لارمي كل واحد يبات يبلاني ويجي يكذب على الناس راكم حطمتيو ليجان ربي يهديكم ونقولكم كرهنا كرهنا كرهنا من الهدره هاذي

[bilel0522]

مشكلتنا بقينا نسبو و نعايرو في بعضانا و الرابح الأكبر دولة الفساد الذي هز العالم بأسره الكل على حق لكن أن نقول هذا مقابل مجانية التعليم فهذا أقل ما يقال عنه بأنه غباء كبير فمثلا البات قراوا معانا كيفاه الحل معاهم و لا هما معليش مجانا حنا لا لا و الناس كل واحد واش راه يضيع كاين الي راه ما شاء الله عليه يخرج من العسكر يلقا المصروف و الخدمة تاع باباه لذلك حبسو علينا الهدرة تاع الخدمة الوطنية ماهيش مضيعة وقت لا لا راهي مضيعة وقت و يمكن تحريمها بكل بساطة كاين ملتح ينحوهالو باش يرضيو الغرب شوفونا الجيش تاعنا كيفو كي البنات خاصتو غي نيفيا يديرها في وجهو و الصلاة والله مكاين الي صلى الصلاة كامل و لو يضيع يوم أو يصلي و هو ليس على طهر و كاين الي يعقب الاعياد الوطنية في الرقص الماجن و سقسيو الي عقبها يحكيلكم نسكتو خير منكملوش واش كاين تاني في الخدمة الوطنية

[سامي سطي]

بإذن الله لن اخدع بالخدعة العسكرية
جاري انفجرت فيه قنبلة فمات
واصحابة بترت اقدامهم
ماذنبهم

[جندع]

اديتها بعد ماذا ؟؟؟؟؟ بعد ما ماتلي سورسي و تحرمت من قداه نكونكور بقيت عاجز طرقت كل الابواب موصدة والحمد لله جبتها بدراعي ماخدمت على حتا واحد كيما راك تقول دركا مهما مادت بيها والو مي مانرخس روحي حتى لواحد

وكيما رلااك تقول خونة هادي كل واحد يضرب على معريفتو كون لقيت معريفة يا سي الغيليزاني كون راك تقوووووول راهي جنة كي مالقيتش راك تهدر في هدرة زايدة

يا اخي ماتروحش انت وربي يسهل على لي راح كل واحد يشوف مصلحتو وين


وربي يهديكم يا ناس

[mechakou]

المشاركة الأصلية كتبت بواسطة جندع

اديتها بعد ماذا ؟؟؟؟؟ بعد ما ماتلي سورسي و تحرمت من قداه نكونكور بقيت عاجز طرقت كل الابواب موصدة والحمد لله جبتها بدراعي ماخدمت على حتا واحد كيما راك تقول دركا مهما مادت بيها والو مي مانرخس روحي حتى لواحد

وكيما رلااك تقول خونة هادي كل واحد يضرب على معريفتو كون لقيت معريفة يا سي الغيليزاني كون راك تقوووووول راهي جنة كي مالقيتش راك تهدر في هدرة زايدة

يا اخي ماتروحش انت وربي يسهل على لي راح كل واحد يشوف مصلحتو وين


وربي يهديكم يا ناس

راجل رني معاك خويا الجزائرين هادهي عقليتهم في كل المجالات نهار يسلك خيوطو يقولك بلادنا مكاش ماخير منها و نهار يحصل يدورها سبان و تمنشير