2 تطبيقات فاشلين والله هبطلي المورال خلاص

إلهام07 · 2013-02-10, 11:49

السلام عليكم ،

جربت 2 وصفات و كانت النتيجة أكثر من مريعة :

* الوصفة الأولى : نتاع الأخت الأمنيات نتاع كيكة هشة و مجربة ، الخليط اللي تزين بيه الكيكة جا جاري خلاص لما حطيت الخليط فوق الكيكة سال كامل و لات الكيكة تسبح في هذاك الخليط وليت نشف في الصحن بورق المطبخ، تبهدلت في الدار قاقولي واش هذا ، قلتلهم لاصوص نتاعها هكذا جي
قالولي ما عجبتناش .
شوفو الكيكة في الصورة الثانية راهي في الوسط فيها ثقب يعوم في خليط الكاكاو ،

هذا هو رابط الوصفة:
https://www.djelfa.info/vb/showthread...t=%DF%ED%DF%C9

* الوصفة الثانية : نتاع خبز مثل الكريب للأخت أم ساجد ، كنت رايحة نديرو البارح للعشاء بشكل ساندويشات مثل الشاورما وليت رميتو و دورتها عيش و غميتها .
العجين ما حبش يتنفخ و بقا معجن في المقلاة رميتو كامل

وهذا رابط الوصفة :
https://www.djelfa.info/vb/showthread.php?t=1210970

والله هبطلي المورال خلاص ، 2 ضربات في الراس توجع

amina nourhanne · 2013-02-10, 12:15

ما عليش حبيبتي mème تكوني professionnelle و ما تنجحش الحاجة، عاودي قراي مليح la recette و عاوديها و إن شاء الله تنجح

إلهام07 · 2013-02-10, 12:52

اقتباس:

المشاركة الأصلية كتبت بواسطة amina nourhanne

ما عليش حبيبتي mème تكوني professionnelle و ما تنجحش الحاجة، عاودي قراي مليح la recette و عاوديها و إن شاء الله تنجح

والله يا أخت amina راني حطيت الوصفات قدامي و خدمتهم بالضبط كلمة كلمة ، بصح ما فهمت والو

zhor1970 · 2013-02-10, 13:06

معليش اختييضهرلي كانشي مانسيتي حاجة وليكرلب يضهرليماهمش طالعين بلاك انسيتي حاجة من المقادير المهم انت جربتي

نانا الحيرانة · 2013-02-10, 13:07

نورمال أختي أنا ثاني قداش مرة نخسر في حوايج مي لازم العزيمة والاصرار حتااان تجيبيها

قوليلها يا أنا يا إنت ههه

الكعكة عجبتني فصحن التقديم

ربي يوفقك

amina nourhanne · 2013-02-10, 13:12

اقتباس:

المشاركة الأصلية كتبت بواسطة إلهام07

والله يا أخت amina راني حطيت الوصفات قدامي و خدمتهم بالضبط كلمة كلمة ، بصح ما فهمت والو

ساعات وصفات نكون حافضتهم و هاكداك و الوصفة تخسرلي و نتبهدل!!!! و ساعات défaut في الفرينة و كل مرة كيفاه!! ربي يوفقك المرة الجاية و تنجحلك و حطيلنا التطبيق

ام ولي · 2013-02-10, 13:12

معليش أختي رانا نتعلمو ساعة تصلح ساعة ما تصلحش خيرها في غيرها

إلهام07 · 2013-02-10, 13:27

شكرا لكم جميعا على التشجيع ، أحسن منتدى وأحسن عضوات ، ديما توقفو معانا في المليحة و الحايرة ، قبلة كبييييرة

أم ياسين الزهراء · 2013-02-10, 13:41

عادي اختي مرة تصلح ومرة 0000000000000 شحال من مرة مايصلحليش تطبيق

أم هداية · 2013-02-10, 14:13

تصرا اختي نورمال ديري الكوراج وعاوديهم حتان يصلحو

أم ماجد · 2013-02-10, 14:23

صممي علي الاعادة واسالي صاحبتي الوصفتين ممكن يفيدانك الهام ما تتقلقيش

ام ملاك. · 2013-02-10, 14:24

ماتقلقيش روحك
انت المرة الجاية كي تحبي تجربي حاجة جربي بكمية قليلة ونهار مايكون حتى واحد قدامك باش مايبهدلوكش
عاودي جربي حاجة واحدوخرى

*أم كوثر* · 2013-02-10, 14:58

معليش شكون ما صراولهاش هد الفضايح؟؟ههههههههههه كلنا كي بدينا تبهدلنا وشكرونا وكل مرة كفاه
علبالي المرة الجاية تخرجلك هايلة

نورسان2014 · 2013-02-10, 15:17

معليش اختي حاجة نوغمال احنا لبنات ديما تصرالنا سورتو كي تولي حاجة جديدة واش نحكيلك عليا انا واش صرالي مع الجينواز جربتها 4 مرات ماتطلعليش مليحة بصح قعدت نعاود حتى سقسيت الاخت فلة هنا قاتلي لازمك تخلطي ملييييييييييييييييح وفعلا عاودت وخلطت مليح طلعتلي وخرجتلي هايلة

ماتيسيش حنون لازم تغلطي باه تتعلمي

ام ساجد · 2013-02-10, 15:29

اختي الهام راني حاشمة منك ما تزعفيش عليا انا عجبني وما حطيتوش في المنتدى غير كي خدمت
وصلحلي جربت قداه من نوع تاع خبز بصح كان يجويابسين شوي بصح هو كان مليح ويبقى طري حتى كي بات
انا ما فهمتش وش صرالك انا قلت بلاك عملتي الخليط خاثر على بيها ما طلعش
ومعليش اختي اي وحدة تصرالها مهما تكون مختصة نتمنالك النجاح والتوفيق في المرات الجاية