اقتباس:
المشاركة الأصلية كتبت بواسطة اريج المسك
نبض الفؤاد و بصيرة صباحكم بالخير و الهناء
راني هاد وين كملت شغالاتي قضيت قضية انتاع كل يوم برك و راني نخمم وش انطيب للغداء بديت بالعشا درت جلبانة سوتيه كيما ام ملاك امبارح و الغداء راني نخمم وش اندير نفسي جايتني على سباقيتي و ما نعرف؟؟؟
أختي بصيرة قوليلي الحوش الي في طاج التحتاني كبير؟؟؟ و مسقف يعني فيه سقف ؟؟ بلاك راني لقيتلك الحل
و ديري في بالك بلي الصحة و العينين و الهناء و التقى راهم ابجل من كل حاجة في الدنيا و راهم خير بياسر من الوسع .... و كيما انقولو الضيق في القلوب وسعي ببالك مع عايلتك و حاربي نفسك باش ما تتكليش على الشيطان و تسويفه لأن التسويف يجي من الشيطان يلعنو و يخزيه
و زيد اكي درتي حاجة امليحة كي انضميتي لينا لأن الرسول صلى الله عليه و سلم دعا للجماعة و قال فيما معناه البركة في الجماعة
بالنسبة للنواض بكري فأولا تفكري بلي الرزق تاع الإنسان يتوزع بعد الفجر فهل تخلي رزقك و ترقدي؟؟؟ و زيد البركة كل البركة في البكور مالي جربي مرة نوضي بكري و اقضي قضياتك تلقاي روحك في سع تكملي تقولشي زوج حراير يعاونو فيك
و باش تنوضي بكري عاوني روحك بالرقاد بكري و إذا ما عملتيش هك عاقبي نفسك و اقضي كل الشغالات في الليل .... راني عارفتها شوية صعيبة خاصة مع برد باتنة ... و لكن جاهدي نفسك حتان توالفي
و تفكري رسول الله صلى الله عليه و سلم لما روحو من غزوة بدر الكبرى وش قالهم ... فيما معناه .. انهينا الجهاد الأصغر و رانا رايحين للجهاد الأكبر... يعني مثل جهاد النفس بأكبررررررررر من جهاد السيف و قتل الأرواح ... راكي متخيلة شحال من جهد و قوة و عزيمة تمديها باش تحاربي نفسك؟؟؟؟
توكلي على ربي حبوبة و استعيني به ... و راني عارفة الباتنيات شاطرات و فحلات و ملتزمات ماشاء الله بدينهم
يعني مش راح انجي انا البسكرية و نقول للباتنية اشطاري .... هاي تعود تمسخيرة هيهيهيهيهيه
حق قوليلي وش السر في الخميرة انتاعكم كليتها عند شحال من باتنية و لقيتها تلوح بالصفورة و زيد تقولشي عليها سفنج طالعة و خفيفة
|
ربي يعيشك وسلمك اختي اريج المسك والله كلامك جا علي قلبي كي المسك فعلا كي يشمو الواحد ويحس بالراحة والاسرخاء انا فعلا مشكلتي هي النوضان بكري و مشكلتي العويصة
انا قلتلكم باني مهملة ومسيبة بصح ماشي في كل شيء فروضي والحمد لله كلها ناديها في وقتها الا الصبح احم احم
نقرا الا>كرا تقريبا دائما وخاصة الاستغفار لاني جربت افضال الاستغفار
واجباتي نحو زوجي اناديها كما يجب لبست ديما مغسولة ومحددة ماكلت الخاصة بيه ديمة واجدة
ابنائي ديما نضاف ولباسهم نضيف ومرتب مع ه>ا دائما نحس بالنقص ونحس بالي ما قمتش بواجبي جيدا
مانك>بش عليكم مهملة في نفسى كثيرا مهملة في التسياق والنفيض مهملة في الاشغال اليدوية انا عندي هوايات بزاف من بينهم الكروشى الخياطة نوعا ما الرسم على القماش نعمل حتى افرشة السموك العام الي فات عملت تروسو لاختي راحت عروس يعني عاونوني خواتاتي فيه وزيد راسى خفبف اي حاجة نتعلمها بالخف بالرغم من ه>ا ما نحاولش ندير حاجة ليا ولا لبيتي ولا لبنتي ولحقت لموضوع التسويف اي حاجة نبغ نديرها نقول سوف
رايحة ندير ورايحة ندير بدون جدوي
مثلا نقول غدوة نسيق غدوة يضمن في غوة حتى تفوت سمانة
مثلا يكون عنديطرف قماش نقول ندير بيه حاجة غير اليوم غير غدوة ومانديروالو ربما حتان ترشا وماندير بيها والو
مثلا نقول ندير الحلوة الفلانية حتى يفوت شهر او شهرين او مانعرف
المهم ه>ا هو المشكل نتاعي الرئيسي الي نعاني منو اسمحولي يالبنات الى كثرت عليك وصدقوني صدقوني صدقوني ها>ى اول مرة نحكي حكايتي لحد
وياحبيبتي اريج المسك الحوش نتاعي ما هوش مسقف والكسرة نتاعنا كل وحدة كيفاش تديرها كاين الى يدير فيها الزيت وكاين الي يديرها بلا زيت المهم يكون السميد من الوع الممتاز تبليها تحطيها شوية و مبعد تعجنيها حوالي 10 داو اكثر تقرصيها وتخبزيها وتحطيها تخمر كي يكون الحال سخون تطلع بالخف ويعود بارد لازم تحطيها في بلاصة سخونة وتطيبيها لازم يكون الطجين سخون اما السفورية من السميد كي يكون مليح والى حبيتي اي حاجة انا في الخدمة