|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الاعلان عن افتتاح الطبعة العاشرة من دورة الرقي
|
أدوات الموضوع | انواع عرض الموضوع |
2012-11-17, 09:14 | رقم المشاركة : 121 | ||||
|
اختي ام مريم ربي يشفيلك البنات راهو موسم الفيروسات انا تاني مارقدتش البارح من السخانة تاع الاولاد ولازم نستحفضو بيهم من البرد والهواء المفاجئ يعني يكونو سخونين ويخرجو للهواء البارد
|
||||
2012-11-17, 09:19 | رقم المشاركة : 122 | |||
|
اختي اريج باينة عندك وصفات ملاح انتاع الاعشاب انا ولادي عندهم السخانة والقراجم لكان عندك وصفة ربي تعيشى اعطيهالي انا نعرف القارص والعسل الحر ولا الزعتر والسخانة قالولى ديري الخل في الرجلين ولبسي التقاشر او ادهني بماء كولونيا والكاتالجين الجسم كامل راني كرهت من الدواء عمبالي الفصل هدا يهبلوني بالمرض |
|||
2012-11-17, 09:31 | رقم المشاركة : 123 | ||||
|
اقتباس:
فيك بركة ربي يحفظك |
||||
2012-11-17, 09:34 | رقم المشاركة : 124 | |||
|
ام مريم و وفاء سعاد ربي يشفي بناتكم و يعافيهم و يعينكم عليهم كثرولهم الزعتر المغلي يخف عليهم |
|||
2012-11-17, 10:20 | رقم المشاركة : 125 | |||
|
اللهم بك اصبحنا وبك لمسينا وبك نحيا وبك نموت واليك النشور |
|||
2012-11-17, 11:18 | رقم المشاركة : 126 | ||||
|
اقتباس:
ارواحي نحطلك وش يحب خاطرك و اكثر بصح من هدرتك ماكيش بعيدة على جوايه بسكرة/المسيلة /باتنة قولي الصح ربي يخليك هههه مانقدرش نصبر |
||||
2012-11-17, 12:09 | رقم المشاركة : 127 | |||
|
صباحكم بالخير و الهناء
والله يا مينة غير دخلتيني بالدراع عليا أولا راني أختك ليلى ، أم أريج و ياريت تقعدي تهدري معانا هك عجبتني بزاف هدرتك ....و راني اليوم متقلقة شوية و حاسة بالدموع ماليين عيني ... والله غير نتكلم امعاكم و بدراع ماني حابستهم مانيش حابة انبين قدام لبنات برك المهم خلينا من الغم و ياله نروحو للتمسخير أول حاجة ماراكيش من الشرق و لا من الوسط و لا من الصحراء.... صح و إلا لا ؟؟؟ و تانيك ماضنيتش إذا راكي من تلمسان شوفي هاد قوايمي سمعتها في مليانة و الشلف أما الحلاقم فأول مرة نسمعها و راني راح انموت بالضحك اعليها عجبتني بززززززززززززززززززززززززززززززززززززززززززززززززز زززززززززززاف أما يليقلك اتفوتي فسمعتها في وهران و في مستغانم و في معسكر ..... و في الحقيقة هاد هوما برك بلدان الغرب الي نعرفهم إذا كنت منهم قوليلي....... و إذا ما كنتيش منهم راني راح نرفع الراية البيضاء mad: و ما عليهش المهم ربي يحفظلنا الجزاير الحبيبة و و يبعد عليها الظلام و ولاد الحرام و ربي يمتعنا بالهناء و الرخاء في بلادنا آمين: أختي سعاد إن شاء الله يكونو الإمتحانات خرجولك و راني مستعدة نعاودهملك كان ما خرجولكش بالنسبة للحلاقم على راي مينة فأنا نعرف الزعتر و القارص و الليمون كيما قلتي .... و انحب انقولك راهوم بناتي في الصغر كانو تقريبا كل شهر عند الطبيب حتان قاتلي هاد الطبيبة الروسية بلي الزكام سواء عالجتيه أو خليتيه راح ياخذ تقريبا أسبوع باش يرتاح على هك ما عدتش ناخذهم للطبيب و نخلي جسمهم يعتمد على نفسه و على مناعته و إنما انساعدهم بالتيزانة يوميا حتى بدون مرض في الشتاء يوميا تيزانة أو شراب حليب بالشيكولا و العصائر تاع الدار فقط مثلا درك راهو القارص رخيص و مازال يرخص ... وش اندير نشري بززززززززززززززززاف نغسلو و انحي منه 3 حوايج أولا الزاست يعني نبرش القشرة و نحطها في علبة و على المجمد كي نحب اندير قاطو حتى في الصيف نلقى الزاست ينفعني بزاف راكي علابالك بلي قارص الصيف غالي و ما تنحي منه والو ثانيا نعصرو شوية انفرغهم في علبة المجمد الي نعملو بيها حبات لقلاص "عرفتيها و إلا لا" و كي يجمدو نعاود انحطهم مربعات مربعات في ساشي الكونجيلاصيون و انخبيه في المجمد نلقاه في الصيف للماكلة البيضاء روعة و الباقي ندير بيه عصير القارص مع النعناع فايدة و بنة و نظافة و ثاني الزرودية يعني الجزر انفورو و نرحيه مع علبة ياغورت و شوية عسل و حليب يجي عصير هيلولة كبيرة و خاثر و ما ننساوش الشينة طبعا لأنه المشروبات و خاصة السخونة منها مفيدة للزكام أختي أم ملاك يعطيك الصحة على التصبيحة روووووووعة ربي يجيبلك الشفاء راكي قتلتيني بلضحك على الطابلية الي لبستيها للميكرو ... راكي فكرتيني في والدتي ربي يشفيها و يحفظها راهي أول ماتدخل للكوزينة و قبل ما تلقى وش اطيب تشعل على الطابونة و تقعد اتخمم إتزمي يعطيك الصحة على العرضة و لكن قوليلي وش معنها الضحكة الي ضحكتيها كي قلتي عجبتها عجوزتي و تعيشي أختي أعطيني رابط هاد الحنيفيات خليني نجربهم و نحي الدمار و الغش بالقضية مريم ياله تقولينا على البرنامج و إلا انديرو انقلاب عليك هيهيهيه |
|||
2012-11-17, 13:55 | رقم المشاركة : 128 | ||||
|
اقتباس:
مافهمتكش وش تقصدي بالضحكة ياريت توضحي اكثر بش نقدر نوضحلك هههه هاكي الرابط جربيهم و بربي يجيو هايلين https://www.djelfa.info/vb/showthread.php?t=537538 |
||||
2012-11-17, 17:34 | رقم المشاركة : 129 | |||
|
اختي اريج غير الخير واش بيك متقلقة يخى راكي الحمد لله الاولاد راهم لاباس والزوج انتاعك راهو في الخدمة امالا راهي قلقة من الشيطان استغفري وشهدي واقراي المعودات اتروح ان شاء الله غير لكان امر قلقانة منو ربي يفكهولك شوفي اختي اريج اناالسيارة انتاع زوجي فزد الخيوط تاع لبواط فيتاس مالف الميكانيسيا يخدمهم دقيقة والان قالنا 3ملاين وهوما يديرو 8الف برك وزيد الاولاد في حالة بصح والله ماحاطة والو في قلبي قاعدة نخبز في الكسرة ودرتلهم عشاء مليح باه مايحسوش بالي كاينة حاجة وقاعدة نخدم نورمال والحمد لله |
|||
2012-11-17, 21:27 | رقم المشاركة : 130 | |||
|
والله يا اريج ضحكتيني ضحكة هادي شحال ما ضحكتها جاو ولادي يجريو ماما ياك غير الخير ربي يفرج همك هاد السمانة حتى انا كنت غير نبكي من الضيقة لكن يبالي راهي بدات تروح والفضل يرجع ليكم |
|||
2012-11-17, 21:29 | رقم المشاركة : 131 | |||
|
اختي وفاء ربي يشافيلك لوليدات وحتى السيارة ربي يجيبلها الشفاء مين تمرض دواها غالي وزيد قعدي كما راك راك تفرحي بطول بالك |
|||
2012-11-17, 21:30 | رقم المشاركة : 132 | ||||
|
اقتباس:
|
||||
2012-11-17, 22:25 | رقم المشاركة : 133 | |||
|
ربي يشافيكم و وليداتكم انشاء الله ، |
|||
2012-11-18, 14:46 | رقم المشاركة : 134 | ||||
|
اقتباس:
والله غير نيشان راني مالغرب بصح وييييييييين؟؟؟؟ مرحبا بناس الغزوات خيار الناس |
||||
2012-11-18, 15:15 | رقم المشاركة : 135 | |||
|
السلام عليكم |
|||
الكلمات الدلالية (Tags) |
الاعلان, الرقي, العاشرة, الطبعة, افتتاح, دورة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc