|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الطبعة التاسعة "دورة الرقي لمدبرة منزل مثالية"
|
أدوات الموضوع | انواع عرض الموضوع |
2012-10-24, 08:47 | رقم المشاركة : 106 | ||||
|
ايه اختى اريج تلمسانية .......... كدلك ربي يجيبلك راجلك على خير احنا عندنا كى نفرحوا بواحد جاى اول حاجة نديرو لحريرة ونزيدو اما برقوق ولحم ولا زيتون اخضر مع اللحم والشونبينيو او اللبيا خضراء زيد سلاطة عن نفسي هدا فطور مغرب غدوة ان شاء الله لانو الكل يكون صائم
وربي يحفظك راك شاطرة انا نضت صليت ورجعت ما فقتش حتى ضروك
|
||||
2012-10-24, 08:55 | رقم المشاركة : 107 | |||
|
حبيبتي ام ملوكة ماشاء الله عليك راكي قايمة ربي يكون في عونك
حبيبتي ام اريج ماشاء الله عليك انت تاني راكي قايمة بالنسبة للحجاج ان شاء الله كي نكلمهم راني نقلهم يدعولك ويدعو لكامل لبنات بالنسبة للخطبة لالا مانيش مخطوبة هاكي فولتيلي هههه بالنسبة لطياب غدا حنا في عادتنا هنا في لمسيلة اكيد صيام يعني نديرو لفطور برك انا غدوا ان شاء الله رح ندير شربة فريك باللحم مرقة جلبانة بالجاج السلاطة الفلفل وراح نزيد الرولي المالح على خاطر عجبهم و للسهرة كرام كرمال واكيد مع الديسار حبيبتي وفاء كيف حالك ليك وحشة انت و كمال لبنات راهم غايبين |
|||
2012-10-24, 08:58 | رقم المشاركة : 108 | |||
|
من فضلك اختى سندس حطيلي كيفية الكريم كراميل |
|||
2012-10-24, 09:31 | رقم المشاركة : 109 | |||
|
طريقة الكرام كراميل
اتفضلي
المقادير : "ل5اشخاص" 5بيضات نص كاس سكر احرش 3 فاني 2كيسان و نص حليب في اناء تخفقي البيض مليح ثم تضيفيلو السكر و تخفقيه ثم الفاني ثم الحليب و تواصلي الخفق تحضري الكراميل في طاوة تحطي السكر "انا ندير 2كيسان " على حساب البلا اللي راح تديري فيه تحطيه على النار مع التحريك حتى ولي كراميل تصبيه فوق المول و تحركي المول باه يتوزع الكراميل الا كان المول نتاع اينوكس ولا زجاج بالاك راح يكون سخون هزيه بفوطة والا كان تاع سيليكون عاد "انا نستعمل السيليكون يجي هايل" و من بعد تحطي فوقو خليط البيض و تحطيه في سينية الفور و تملايها بالماء لغاية المنتصف ولا فوق بشوي المهم مايقيسش الماء الخليط نتاع البيض و تحطيها في الفور حتان يطيب ومن بعد تديريه في الثلاجة لمدة من 1ساعة الى 2.30 ساعة و تقطعيه وتقدميه و تقدري تديريه في قوالب فردية بالتوفيق حنونة |
|||
2012-10-24, 09:35 | رقم المشاركة : 110 | |||
|
صباح الخير البنات انا ام امجد |
|||
2012-10-24, 10:05 | رقم المشاركة : 111 | |||
|
الرولي المالح
الوصفة لام رامي السلام عليكم ورحمة الله وبركاته هذا رولي مالح لذيذ جداا من مطبخي وينفع كمقبل للضيوف انا ماكنش عندي لحم مرحي استعملت اسكالوب رحيته وتبلته مليح وطيبته إضغط هنا لرؤية الصورة بحجمها الطبيعي. ملعقة كبيرة بصل +ثوم + زيت + طماطم حب ومصبرة وهريسة + فلفل حار مقطع + دبشة وملح وفلفل اسود وكمون وجوزة الطيب على نار هادية اكيد مع السكالوب المرحي حتى طاب ونشف مليح إضغط هنا لرؤية الصورة بحجمها الطبيعي. جهزي زيتون اخضر مقطع دوائر +وريقات دبشة + فرماج في كيس مثقوب للتزييين إضغط هنا لرؤية الصورة بحجمها الطبيعي. اخفقي ثلاث بيضات + ملعقة قهوة فرينة + قبضة خميرة كيميائية +ملح فلفل اسود جوزة الطيب ودبشة مقطعة رقيق سخني مقلاة تيفال او شواية وادهنيها بالزيت ونقصي النار واسكبي خليط البيض بمجرد ما ينشف ضعي الفرماج ثم اللحم ثم الفرماج ولفي إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. حطيه في صحن اقسميه كيما الرولي وزيني بالفرماج ودوائر الزيتون ووريقات الدبشة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ملاحظة لازم كمية اللحم تكون كثيرة باه الرولي يجي مرتفع وشكله جميل شهية طيبة لكم |
|||
2012-10-24, 11:59 | رقم المشاركة : 112 | |||
|
شكرا اختى سندس ربي يحفظك |
|||
2012-10-24, 13:00 | رقم المشاركة : 113 | |||
|
هاااااااااااااااااااااااى انا ام امجد |
|||
2012-10-24, 13:13 | رقم المشاركة : 114 | |||
|
السلام عليكم لبنات واش راكم الفحلات |
|||
2012-10-24, 13:14 | رقم المشاركة : 115 | |||
|
اهلا ام امجد واش راكي الله يبارك راكي مراة ونص و 25 ربي يدومها عليك |
|||
2012-10-24, 13:16 | رقم المشاركة : 116 | |||
|
السلام عليكم
كي راكم خواتاتي لعزيزات أنا راني طايحة بالأربعة راح انموت بالتعب هذا وين كملت .... و لكن الدار ماعندي مانقولكم نظيفة و نقية و ريحة البخور في بيتي و ريحة ...... في الصالة و الغرف الأخرى و الكوزينة ما حبيت انديرلها حتى ريحة لاخاطر عجبتني ريحة الجافيل الرغوي الي استعملتو بالمناسبة الي مش متعودة عليه ننصحها تستعملو ينقي روعة و ريحة مليحة و ما يخليش ريحة النتانة تاع الجافيل العادي يعطيكم الصحة على ردودكم و استهلاي يا سندس توصي الحجاج ... راني نهدر معاك تاع الصح عندك تخذليني .... و مشكورة حبيبتي أم ملاك ربي يبارك فيك و يهنيك راكي فكرتيني في الزيتون رب البيت يحبو يموت عليه راح انطيبو مع الرشتة لأنه نحنا في بسكرة مازال شادين في عادات بكري يعني في المواسم نبعثو لبعضانا "الذوايق" يعني نذوقو بعضانا من أكلاتنا و الرشتة تصلح باش نبعثها لجاراتي لعزيزات و لوالدتي ربي يحفظها و طبعا معاهم السلاطة و في الليل ندير الكراميل راهي فكرتني فيه سندوسة و اليوم إن شاء الله راح اندير كيما سندوسة راح اندير جاري فريك باللحم و نجرب الرولي المالح إذا صلحلي راني نعاودو غدوة .... غير ربي يكون في عوننا و يعطينا الهناء و السعادة في هذا العيد لينا و لكل أمة محمد صلى الله عليه و سلم آمين أيا انخليكم على خير درك و إذا مازدتش بنت غدوة صح فطوركم و ما تنساونسيش بدعوة زينة ليا و للأولاد بالنجاح و التوفيق ... أنا مانيش صايمة استهلاو انتوما حق انسيت ... أنهنيك عزيزتي أم أمجد و إن شاء الله تداومي على النهوض بكري راهو فيه براكة كبيرة و كي تخلصي شغلك بكري تلقاي وقت لنفسك با تستهلاي فيها ربي يدومها عليك نعمة و يحفظها من الزوال اللهم آمين السلام عليكم |
|||
2012-10-24, 15:30 | رقم المشاركة : 117 | |||
|
البسملة1 كي راكم حبيباتي؟ انشاء الله كامل بخيرانا راني مع حلوة العيد بالنسبة للتنظيفات راني كملت باقيلي غير الla salle de bainنديرها غدوة لعشية يلا كتب ربي(حتى يدوش زوجي وابني هاكداla vapeurتساعدني نمسح لحيوط بلخف) اما الجانب الديني الحمدلله ورانامع الصيام ربي يتقبل منا ومنكم واما الجانب الجمالي ادعوليربي نقدر ندير السيشوار لشعري غدوةهاهاها "مهمة صعبة "هاداك ما نكره ولكن زوجي يبغي شعري مكوافي |
|||
2012-10-24, 15:34 | رقم المشاركة : 118 | |||
|
ahla les filles wech rakom |
|||
2012-10-24, 15:35 | رقم المشاركة : 119 | |||
|
nsit bekri dert model ta3 gateau esmo ""les oursis"" |
|||
2012-10-24, 15:38 | رقم المشاركة : 120 | |||
|
l9it had le sujet f wahd l forum 3jabni habit nhato hna |
|||
الكلمات الدلالية (Tags) |
"دورة, لمدبرة, مثالية", أوسم, التاسعة, الرقي, الطبعة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc