لازم تدخلوا ارحموني: دواء للتسمين

bouchra hakerz · 2012-08-17, 20:26

السلام عليكم : اما بعد
عزيزاتي العضوات انا رايحا نطلب منكم طلب بصح متردونيش تعيشو انا رقيقة فوق اللازم و شربت بعض الاعشاب و الادوية نتاع سمانة لكن دون جدوى انا حبيت اندير موضوع اهنايا باش كل وحدة تمدلي كشما اسم نتاع دواء يتباع عند الفارماسيان و لا العشاب اعطولي اسمو و ربي يجازيكم خير وماذابيكم يكون دواء مجرب و اذا كانو فيه اعراض جانبية قولولي عليها و شمكرا مسبقا و متقولوليش برك هيبتاجيل على خاكطر بزاف الي يقولولي عليه و شربتو بزاتف المرات بصح والو ماكان ماكان
المهم متنتساونيش و سقسو كشما وحدة ولا المهم انا راني وفي طوعكم ربي يحفظكم ولكم مني فائق الشكر الاحترام او التقدير
*
*
*
*
*
*
*
اختكـــــــــــم في الله بشرى هاكرز

bouchra hakerz · 2012-08-17, 20:27

شكرااااااااااااااااااااااااااااااااا مسبقاااااااااااااااااااا

bouchra hakerz · 2012-08-17, 20:40

رااااااااااااااااااني ننتاظر في ردودكم

amina260 · 2012-08-17, 20:42

siroup ta3 lhalba 3and lpharmacie

lidouch · 2012-08-17, 20:57

انا اختي تشرب gross et vite ثاني هايل جربيه و رديلي

staifia · 2012-08-17, 21:23

قولولي مكانش كاش دوا باش نرقاق هههههههههههههه,, منيش سمينة بزاف مي حبيت نولي رقيييييييييييييييييييييقة
اما الدوا والله ما نعرفو

djazia94 · 2012-08-17, 21:36

اقتباس:

المشاركة الأصلية كتبت بواسطة staifia

قولولي مكانش كاش دوا باش نرقاق هههههههههههههه,, منيش سمينة بزاف مي حبيت نولي رقيييييييييييييييييييييقة
اما الدوا والله ما نعرفو

الدواء تاع السمنة ساهل ماهل هو خل التفاح
انا امي جرباتو
و قاع لي جربوه شيانو
تشربي مغرف تاع خل التفاح في كاس ماء
مرة الصباح على الفراغ و مرة قبل النوم
جربيه و رديلي بل الخبر

bouchra hakerz · 2012-08-17, 21:39

اقتباس:

المشاركة الأصلية كتبت بواسطة djazia94

الدواء تاع السمنة ساهل ماهل هو خل التفاح
انا امي جرباتو
و قاع لي جربوه شيانو
تشربي مغرف تاع خل التفاح في كاس ماء
مرة الصباح على الفراغ و مرة قبل النوم
جربيه و رديلي بل الخبر

وانا نسيتي باش تمديلي دواء نتاع سمانة؟

آلاء النايلية · 2012-08-17, 21:47

هههههههههههههههههه
عجبتني تاع ارحموني
ياختي راني كيما انت مكان حتى حاجة رحمتني هههه

تاخدي رايي اخطيك من الدواوات عندهم تأثيرات جانبية واذا مابانتش ضرك بالاك تبان من بعد
اشربي حليب لحظة كل يوم راه مليح ... انا نشرب فيه ديما تقول راني لاباس خير من كنت
و النووووم

بنت الحاج · 2012-08-17, 21:48

السلام عليكم ورحمة الله وبركاته
يا أختي ليس هناك أفضل من الأشياء الطبيعية، الأدوية يجب أن تكون تحت إشراف طبيب وليس من تجارب الآخرين، فما يصلح لـ س من الناس لا يصلح لـ ع، بالإضافة إلى الأعراض الجانبية لها وآثارها السيئة على الصحة.
الله أعلم، لقد سمعت مرّة طبيبا يتكلم عن هذه الأدوية، قال أنها تعمل على حبس الماء في الخلايا فقط مما يجعل الشخص يكتسب وزنا.
الحلبة أفضل مسمّن، تحمّلي الرائحة لكي تحصلي على مرادك ( مع أدوات الاستحمام لن تشعري بشيء ) عن تجربة سابقة.
كنت أتناولها كالتالي:
اشتري حبوب الحلبة من النوع الجيد (لونها مائل للبني) فهناك نوع يميل للون الأصفر تكون أكثر مرارة لا أنصحك به، المهم اغسليها وجففيها في الفرن مع تركها تتحمص قليلا ( ليس لدرجة الاحتراق فقط لون بني خفيف )، اتركيها تبرد واطحنيها وأضيفي لها عسل النحل بكمية كافية، وتناوليها صباحا ومساءا.
طالعي الموضوع التالي للاستفادة:
علاج النحافة
بالتوفيق أختي، تقبل الله منك الصيام والقيام.

امبراطورة الجزائر · 2012-08-17, 21:51

حطي الحلبة في قارورة واتركيها يومين في ثلاجة ومبعد اشربي كل يوم منها
الحلبة تسمن

djazia94 · 2012-08-17, 22:03

اقتباس:

المشاركة الأصلية كتبت بواسطة bouchra hakerz

وانا نسيتي باش تمديلي دواء نتاع سمانة؟

ههههه اسمحيلي
انا ثاني كنت كيما انتي بصح دوكا جبت روحي بلا مادرت والو
الحلبة هي فاتحة للشهية تقدري تستعمليها بصح ماشي منيح لي يكثر منها
و الادوية الكيميائية بالاكي منها
وثاني على حساب السن تاعك

مريم الصابرة · 2012-08-17, 22:09

السلام عليكم اختي شوفي انا ممكن كنت الرقيقة فالجزائر رقم 1 سور من المرض والدواء نصحوني بدواء شريتو لو نقولك ما ننخليش السعر نتاعو 200 دينار يعني 20 ألف ونصحت صحاباتي شربوه وجاب فايدة انا الصراحة حبستو لانو سمنت وما نحبش نسمان
الدواء واسمو لابيتي هي كاشيات تشربيه فالاول دوخك ومن بعد عادي تولي تاكلي بزاف ما تجيش تقوليلي وريلي دواء نرقاق ما نعرفش ربي يوفقك

AMOLAS45 · 2012-08-18, 02:27

و الله اختى عندى نفس المشكل و قاتلى صاحبتى على عقدة تباع عند العطارين اسمها المسمنة السريعة فيها برك حوايج طبيعية لى ما ضركش هى سمنت شوفتها بعينى قاتلى لازم تاكليها شهرين على الاقل راهم كاتبين عليها فى المنتدى انا للاسف ما زال ما لقيتهاش و نقولك بعدى على المواد الكيميائية راهى تعلكك

انغام المنى · 2012-08-18, 15:52

اختي الجيسنق الصيني والله عن تجربة يتباع ب 300 الف من عند العطار اختي ما نفع فيها والو غير هو 5 كيلو في شهر