الجزء 73lن واش طيبتي اليوم كوزينة النجاحات

[دائمة الحمد]

اليزون ربي يشفيلك بنتك وتفرحي بيها وترجعلها صحتها
ام رياض متالقة كالعادة بحلوياتك
زهرونة بصحتكم وربي يخليكم لبعضاكم
ام ماجد حتى انا تقريبا كملت مازال ميناج كبير نعملو بالجمعة وخلاص والحمدلله
ربي يخليلك لبنات راهم نعمة
انا كانت اسينات مدلتني ماتحبنيش نتعب
وبنتي لخرى مسكينة راهي معايا في الميناج منلي تنوض
ربي يفرحنا بيهم ويكمللهم في دراستهم وحياتهم

[kiya]

ربي يخليلك بناتك حنونة
ربي يعاونكم يالحراير

[دائمة الحمد]

الله يخليك عزيزتي كيا
نروح نكمل اشغالي منبعد ان شاء الله

[ladymillion]

اليسوووووووووووووون الله يكون معاك ويقويك وتوقفي مع بنتك الله يشافيها ان شاء الله شفاءاً لا يُغادر سقما ويحفظهالك يارب

ام ماجد يعطيها الصحة روزا وصلاة فحلاااااااااااااات بنات لفحلة ياختي صلاة صغيرة خلاص والله يبارك تعرف دير كيكة ماشاء الله والله كانو متزوجات ومايديروهاش هههههه الله الله عليكم سلميلي عليهم بزاف

حتى حنا شرات الحكومة نعناع حطيتو قبيل يجف ،،، والمعدنوس والدبشة نقطعهم اذا قدرت ونخبيهم في علب مقطعين

[R I A D]

عزيزتي دائمة الحمد الله يسلمك ... تعرفي ...كيما نشوفكش عشية و لا نهار نتوحشك... ربي يفرحك ببناتك امين
تعرفي انا دك كي كبرت عرفت واش معناتها تكون عندك بنت ....بكري نخدم كل شيء و ما نغلبش لكن الان ... ربي الي عالم
والحاجة الي ما نقدرش نديرها في ساعتها تبقى تستنى فيا انا حتى نديرها ,,.. ما عندي علمن نعول ...
و اكي تعرفي البنات مش كيما الذكور حتى حاجة تاعهم ما يرتبوها انا الي ندير لهم كل شيء ..و يعولو عليا في كل شيء ... حتى نولي نقول كون جات عندي بنت كون تغسلي يا لو كان المواعن برك فيها ميات نبراكة ...و الحمد لله على كل حال


ام ماجد بصحتكم التحضيرات حنونة و يعطيها الصحة صلاة على كيكة الدانيت تهبببل...ربي يحفظهم لك


عشايا جلبانة بالغنمي و الحمد لله

سبحان الله و بحمده سبحان الله العظيم

[tokio hotel]

ليدى رانى بدلت الجبن جابولى متيجة مانيش عارفة الا مليح و لا لالا كين فرق فى السعر و اشريت شيدار انتاع الجزاير اول مرة نشريه ما صبتش انتاع الخارج
عشانا شكشوكة ام محمد و غراتلن بطاطا

[kiya]

اليسون ربي يشفيلك بنتك وتشوفيها عروسة وتفرحي بيها
ايمان شكون هي الحكومة

[islam1aya]

سلام حبيباتي كيفكم لاباس توحشتكم
مبروك افتتاح الكوزينة اختي كية ومبروك النجاح لبنت اختك
اجواء رمضانية رائعة
راكم عاملين جو رائع
اسمحولي انقطعت عليكم راني مشغولة وعندي ظروف
جبتلكم ريحة رمضان وبعض المشتريات اشريت شوية شوية كيخلاصو يرحمها ربي مانحبش التبذير والمشتريات الكمالية اوالكمليات غير الضروريات
بالنسبة للاجبانوالكرام فراش نشريهم اخر الاسبوع




سيد التوابل الرمضانية الفلفل عكري




طماطم محضرة خاصة بالشربة

هذه صلصة طماطم تع بيتزا

هذا المجمد قاتلي ام ماجد صوريهولي
ماحبيتش نبقيها في خاطرها وصورتهولها
اموااااح ام ماجد


اللهم بلغنا رمضان

[أم ماجد]

الله يخليك ويجبر بخاطرك كيما جبرت بخاطري
حتى انا قضيت الرفيتايما العادية تاع كل شهر وهاذي روتينية وزدت شوية حوايج فقط

[islam1aya]

ام ماجد ولو رانا اخوات وبصحتكم المشتريات وين الصور في اي صفحة
رانيا حبيبتي شكرا والله عندي ظروف بيتي راه كامل سيما اواسمنت عودت الجدران تع الكلوار والصالون كانو بالجبس ودرتهم سيما والسباغ راه مهبلنا كل يوم اقولنا اليوم انجي زعم راجل اختو واعععععع هبلنا اول مرة تصرالنا
وراني في بيت اهلي ماريحتش راني اندير في النتوايج لامي الدار 3طوابق غدا نكمل ان شاء الله
على هذيك ماقدرتش ندخل ونشارك معاكم
المهم حبيبتي رانيا وكلكم نحبكم في الله

[tokio hotel]

ربى يعينك حبيبتى على الخدمة و الصباغ نتمنى افهمتينى ههههههههههه

[دائمة الحمد]

اام رياض والله غضتيني ربي يقويك وان شاءالله الاولاد يتزوجو ويجيبولك لبنات وتلقيهم يعاونوك
انا بناتي كانو يروحو لامي يعملولها النتواياج تاع كل سمانة
ام اسلام بصحتك المشتريات ورمضان كريم

[ladymillion]

كيا هههههههههههه الحكومة هي يما كيعاد الاوامر كامل منها خخخخخخخخخخخ

تحكيو على سيرة لبنات ،، لبنات ملاح حنا يما مادير واااااااااااااالو غير انا وطومة نخدمو كلش و هي تقضي برا

[~عبق الجنة ~]

ربي يشفي بنتك و جميع مرضى المسلمين و المسلمات ، و يعافيهم يااارب

[دائمة الحمد]

ليدي ربي يخليها ليكم وتشوفكم في دياركم متهنيين