ما الفرق بين المرأة الجزائرية و الغربية ومن تفضل للزواج ؟

[ailemak]

ياااااا أخ العرب, ياك يلا بغيت تكسب ثواب راهم كاينيين الماليات مساكن, أسترها ربي يسترك, أنتم بيكم الجمااااااال, إلى جانب أنهم القاوريات رخاس في السومة, ني مهر ني دراهم و لاهم يحزنون, خاتم و بس,لكن أحنا الله الله علينا كلش بالطبع و الشان, كلش réglo,
لكن الأدهى أنه هو ماشي شباب و رايح يحوس على شابة, رحم الله إمرء علم قدر نفسه,
و الأخ لي قال الرجل يأثر على المرأة,و يدخلها الإسلام, يا القاوري كون مايدخلش بإرادتو للإسلام ما يسلمش خلاص, ماشي أنتم لي دخلوهم للإسلام , هذي الفئة تدخل للإسلام بدافع حب ذاك الرجل(علاقة محرمة قبل الزواج بدافع الحب و يدخلها للإسلام), لأنها كون ماتبغيهش ما تدخلش على جالو للإسلام,أفطنو شوي يا أخوتي; على من راكم تتقعدو!!!!!!
راه عندنا مثالين في عايلتنا, mes cousins, تزوجو هكذا, روحو شوفو دروك, واحد إكتشف أنها كانت تاكل رمضان ههههه و الثانية نحات الحجاب لي دارتو و راهي دور في البحر, هذا كله لأن دخول الإسلام كان من أصله بدافع الحب المحرم ماشي خالص لله , و تقول تأثرو على المرأة !!!!
و نزيد حاجة, أنتم الرجال كي تنتقدو المرأة العربية عامة و الجزائرية خاصة , حتى أنتم خرابيبكم وحدها, أنا كل مرة نسمع العجب عليكم واش دايرين, عند الطبيب يااااااي, النساء كي يقعدو يهدرو كل وحدة على راجلها, مخي يحبس, حتى نخاف, زميلاتي المتزوجات الأستاذات, إلخ, وحدة قاتلي أخطيك من الزواج , هكا راكي غاية, إذن خلاصة القول رانا كيف كيف كل طرف و مساوؤه, و هذي دنيا, تخاف تروح تكحلها تعميها, القاورية ماتحملش الذل و الضرب و الزعاف,en plus القاورية ماترفدش, يلا مرضت راهي ترميك و تشوف وحداخر, رانا شفنا شحاااال من مثال, إذن إحذروووووا الذل يا رجال الجزائر, و لي بغا الجمال و الأجر يدي سورية, و لي بغا االأجر فقط يتزوج مالية, بركاونا ملقاورية, ديرو في سبايب على جال les papiers, المرأة الجزايرية تخرجولها قلبها عل جال ماتعرفش طيب و القاورية تقولو ماعليش مسكينة ماتعرفش تطبخ, les papiers واش دارو فيكم, و تفكرت حاجة generalment لي يروح منا, يعني شبعة جديدة في الخارج زوجاتهم متشقلبات, لي كبيرة عليه, و لي و لي ولي, جارتنا كي شافت مرت ولدها طلعلها سكر ههههه شوي وتنعمى, قالت شحاااال و أنا نربي و نكبر و في الأخير تديه هذي الشعطوطة هههه
,و نصيحة أخرى بنت البلاد كي يطلعها راجلها للخارج تاني تدير القرون من قطة تولي سبع إلا من رحم ربي طبعا

[نورة أسماء]

مكانش كي العربية بنت عمك الله يهديكم برك

[اصيل الشرق]

المشاركة الأصلية كتبت بواسطة التلميذ.

لا انا قلت افضلها غربية فقط
لكن هناك حل اخر انك تديها عربية و تبرحها ضربا حتى تعود الى رشدها
لان الضرب هو الحل الوحيد

هههه ليس حلا اخي العزيز المراة اذا حبت دير حاجة جيوش العالم وما توقفهاش الطبع يغلب التطبع ومن شاب على شئ شاب عليه تشكر مرة اخرى لك مني كل الاحترام

[اصيل الشرق]

المشاركة الأصلية كتبت بواسطة ebusiness

أنا بكل صدق ناوي نديها من كوكب أخر إن شاء الله، ربما استشهد قبل أن أتزوج وكم سيكون ذلك جميل وهكذا أتزوج من حور العين في الجنة!!!

الله يجازيك بما تتمنى اخي شكرا

[اصيل الشرق]

المشاركة الأصلية كتبت بواسطة aymmen

السلام عليكم اخي
يا و حمى كاس عالم اثرت عليك شوية وفي انتظار موضوع 2 في رمضان واش تخير جزايرية ولا سورية.
ديها جزايرية وريح راسك ولا تنسى تساقط الشعر واسنان بعد الزواج لكن يوجد حل وعليه ابحث عن الحل
تحياتي

وعليكم السلام

اخي نقص شوي من الهدرة الزايدة ورد حسب محتوى الموضوع لكي لايخرج عن سياقه
لا حمى ولاهم يحزنون نحن نناقش في ظاهرة انتشرت في بلادنا وان شاء الله نلقى حل لها وانا ماذبي ندي بنت بلادي لكن اذا لقيت وحدة قاورية وادخلتها للاسلام راح نتزوجها حتى ولو كانت زوجة ثانية لي

[اصيل الشرق]

المشاركة الأصلية كتبت بواسطة رحيق الروح

السلام عليكم.ماشاء الله شبابنا راهم مدينين تاع الصح و قادرين ياثرو على القاوريات و يدخلوهم للاسلام..................والله العظيم حاجة مليحة تاع الصح..............ربي يقدركم على فعل الخير تصيبوها قدامكم راه فيها اجر كبير...............ناس ماتصليش و باغيين يموتو ساجدين ................انا لا اقصد اي احد بكلامي هذا

وعليكم السلام

الاعمال بالخواتيم يا اخت الاسلام ...شكرا

[اصيل الشرق]

المشاركة الأصلية كتبت بواسطة بلسم غرام2018

حتى وان دخلت الاسلام
تبقى المراة المسلمة افضل منها
ومهما يكن والله العظيم متلقاو خير من بنت البلاد
صح تغرهم القاوريه واوراقها مي اسالوا المجربين وش صاري وصرى فيهم
واصلا هوما شكون تلقى واحد تلاتين سنة مدي عجوز سبعين سنة
وتضل الجزائريه المسلمة افضل
مع احتراماتي

المغزى من موضوعي ليس كما تفضلتي اختي انا قلت الي قادر يدخل مراة اروبية للاسلام هل هو مستعد للزواج بها ام حتى وان ادخلها الاسلام هل يختار بنت بلادو ؟
ولك كل الاحترام

[يونس معبدي]

السلام عليكم ورحمة الله
نشكرك على الموضوع اخي الكريم لكن ما يلاحظ من خلال الردود ان هناك تعميم من طرف البعض
كل شخص حر في تفكيره وتصرفه

المشاركة الأصلية كتبت بواسطة bayzi

بكري كانت هك بصح الشباب درك كون يلقا قاورية مايقولش لا لا خاصتا اذا ادخلها للاسلام شكرا اختي المحترمة

وهل تظن ان كل الشباب الجزائري يحلمون بالزواج من غربية ؟
انا عن نفسي لن اقبل الزواج بأجنبية ولو كان مهرها دينار فقط
اما عن ادخالها للاسلام فيكفيني هذا الرد :

المشاركة الأصلية كتبت بواسطة رحيق الروح

السلام عليكم.ماشاء الله شبابنا راهم مدينين تاع الصح و قادرين ياثرو على القاوريات و يدخلوهم للاسلام..................والله العظيم حاجة مليحة تاع الصح..............ربي يقدركم على فعل الخير تصيبوها قدامكم راه فيها اجر كبير...............ناس ماتصليش و باغيين يموتو ساجدين ................انا لا اقصد اي احد بكلامي هذا

وطبعاً كما قلت سابقا من دون تعميم لأننا لا نشك ان هناك شاب من شبابنا
قادر على ادخال اجنبية للاسلام

[اصيل الشرق]

المشاركة الأصلية كتبت بواسطة ailemak

ياااااا أخ العرب, ياك يلا بغيت تكسب ثواب راهم كاينيين الماليات مساكن, أسترها ربي يسترك, أنتم بيكم الجمااااااال, إلى جانب أنهم القاوريات رخاس في السومة, ني مهر ني دراهم و لاهم يحزنون, خاتم و بس,لكن أحنا الله الله علينا كلش بالطبع و الشان, كلش réglo,
لكن الأدهى أنه هو ماشي شباب و رايح يحوس على شابة, رحم الله إمرء علم قدر نفسه,
و الأخ لي قال الرجل يأثر على المرأة,و يدخلها الإسلام, يا القاوري كون مايدخلش بإرادتو للإسلام ما يسلمش خلاص, ماشي أنتم لي دخلوهم للإسلام , هذي الفئة تدخل للإسلام بدافع حب ذاك الرجل(علاقة محرمة قبل الزواج بدافع الحب و يدخلها للإسلام), لأنها كون ماتبغيهش ما تدخلش على جالو للإسلام,أفطنو شوي يا أخوتي; على من راكم تتقعدو!!!!!!
راه عندنا مثالين في عايلتنا, mes cousins, تزوجو هكذا, روحو شوفو دروك, واحد إكتشف أنها كانت تاكل رمضان ههههه و الثانية نحات الحجاب لي دارتو و راهي دور في البحر, هذا كله لأن دخول الإسلام كان من أصله بدافع الحب المحرم ماشي خالص لله , و تقول تأثرو على المرأة !!!!
و نزيد حاجة, أنتم الرجال كي تنتقدو المرأة العربية عامة و الجزائرية خاصة , حتى أنتم خرابيبكم وحدها, أنا كل مرة نسمع العجب عليكم واش دايرين, عند الطبيب يااااااي, النساء كي يقعدو يهدرو كل وحدة على راجلها, مخي يحبس, حتى نخاف, زميلاتي المتزوجات الأستاذات, إلخ, وحدة قاتلي أخطيك من الزواج , هكا راكي غاية, إذن خلاصة القول رانا كيف كيف كل طرف و مساوؤه, و هذي دنيا, تخاف تروح تكحلها تعميها, القاورية ماتحملش الذل و الضرب و الزعاف,en plus القاورية ماترفدش, يلا مرضت راهي ترميك و تشوف وحداخر, رانا شفنا شحاااال من مثال, إذن إحذروووووا الذل يا رجال الجزائر, و لي بغا الجمال و الأجر يدي سورية, و لي بغا االأجر فقط يتزوج مالية, بركاونا ملقاورية, ديرو في سبايب على جال les papiers, المرأة الجزايرية تخرجولها قلبها عل جال ماتعرفش طيب و القاورية تقولو ماعليش مسكينة ماتعرفش تطبخ, les papiers واش دارو فيكم, و تفكرت حاجة generalment لي يروح منا, يعني شبعة جديدة في الخارج زوجاتهم متشقلبات, لي كبيرة عليه, و لي و لي ولي, جارتنا كي شافت مرت ولدها طلعلها سكر ههههه شوي وتنعمى, قالت شحاااال و أنا نربي و نكبر و في الأخير تديه هذي الشعطوطة هههه
,و نصيحة أخرى بنت البلاد كي يطلعها راجلها للخارج تاني تدير القرون من قطة تولي سبع إلا من رحم ربي طبعا

شكرا سيدتي

لقد عدلت في موضوعي اسف ....لا انا لااقصد زواج المصلحة اوكما عبرت عليه بزواج les papier قلت لما لايقوم الشاب الجزائري بادخال غربية للاسلام ثم يتزوج بها هذا في ظل ارتفاع تكاليف الزواج بالمراة الجزائرية وارتفاع نسبة البطالة في اوساط الشباب هل هذا يعتبر حل ؟انتضر رايك ولك كل احترامي

[بلسم غرام2018]

المشاركة الأصلية كتبت بواسطة bayzi

المغزى من موضوعي ليس كما تفضلتي اختي انا قلت الي قادر يدخل مراة اروبية للاسلام هل هو مستعد للزواج بها ام حتى وان ادخلها الاسلام هل يختار بنت بلادو ؟
ولك كل الاحترام

وكيف هدا
خلي الطابق مستور والسلام
ادا واحد ميعرفش يصلي باه يدخل اجنبيه للاسلام
انا لا اعمم
ربي يهدي والسلام

[اصيل الشرق]

المشاركة الأصلية كتبت بواسطة يــونس

السلام عليكم ورحمة الله
نشكرك على الموضوع اخي الكريم لكن ما يلاحظ من خلال الردود ان هناك تعميم من طرف البعض
كل شخص حر في تفكيره وتصرفه


وهل تظن ان كل الشباب الجزائري يحلمون بالزواج من غربية ؟
انا عن نفسي لن اقبل الزواج بأجنبية ولو كان مهرها دينار فقط
اما عن ادخالها للاسلام فيكفيني هذا الرد :



وطبعاً كما قلت سابقا من دون تعميم لأننا لا نشك ان هناك شاب من شبابنا
قادر على ادخال اجنبية للاسلام

وعليكم السلام اخي
انت تعلم ان نسبة البطالة في اوساط الشباب مرتفعة وان تكاليف الزواج بالمراة الجزائرية باهضة للغاية اخي المحترم ...وفي ظل انتشار مواقع التواصل العالمية اصبح الشاب الجزائري قادر على ادخال اروبيات للاسلام وهذا ليس كلام نضري بل هناك العديد من اقاربي من اخل العديد من الاروبيات للاسلام وهنا المغزى من موضوعي هل يتزوج هذه الاروبية المسلمة ويجد حل لشبح العنوسة الذي يلاحقه ام يصبر ويدي بنت بلادو ربما يكون في عمره 35 او 40سنة باش يتزوج .......انتظر ردك ولك كل احترامي

[اصيل الشرق]

المشاركة الأصلية كتبت بواسطة نورة أسماء

مكانش كي العربية بنت عمك الله يهديكم برك

الله يهدينا ويهدي كافة المسلمات

[Soufiane2130]

السلام عليكم..من خلال تصفحي مررت بهذا الموضوع و اعجبني..ارى ان زواج المسلم من اجنبية مسلمة ممكن بشرط العيش في دولة اسلامية لانو صعب التاقلم في بيئة جديدة عنك في اوروبا..

[assia81]

السلام عليكم ورحمة الله وبركاته
يا اخي الكريم كيف ستثق في غربية ادخلتها الاسلام وانتم معشر الرجال تقولون انكم لانتزوجوا ممن لها ماضي حتى وان تابت فمابالك من كان ماضيها انها كافرة هذا اولا ثانيا يعني انكم تتخلون عن شرط من شروطكم فقط بسبب المهر لا اظن ان هذا هو السبب فهناك من العربيات المسلمات من لا يطلبن مهرا كثيرا ولا واحد سامع بيهم فنحن نعرف السبب الحقيقي فلاداعي ان تصب كامل اللوم على المراة والرجل مظلوم مسكين ههههه

[إكليل]

ههههههههههههه ضحكتوني لأنكم فكرتوني ببعض من أقاربي و حياتهم مع الغربيات .

أحد أقربائي تزوج غربية و هو شاب وسيم جدا و ذهب معها لبلادها و بعد عام رجع لبلاه و الله صار شعر رأسه أبيض .اما عن تأثير الرجل في المرأة الغربية وهدايتها للإسلام فهذا كان قديماإضافة إلى ان هداية شخص ما للإسلام ليست بالسهلة ( إنك لا تهدي من أحببت ولكن الله يهدي من يشاء وهو أعلم بالمهتدين)أما الأن للأسف بعدما يتزوج الرجل المسلم بأجنبية هي من تفرض عليه أفكارها حتى تسمية الأولاد تسميهم بأسامي أجنبية .و كثيرا ما يحدث الطلاق بسبب إختلاف الأفكار و العادات