هذا المساء.......ينطلق العرض الخاص بالقفطان

[loudjeine2000]

صح عشاكم وش راكم تهدرو على القفطان ؟؟؟؟؟؟
تاعي جا كي مكلاه نهدر المهم بعتو بصح ما كملتوش كامل جاني واقف بزاف وش ندير اما على الحزام ما درتش رايحة نضفرو برك مناه ستيل شاوي ههه راجلي شبع ضحك عليا قالو وش هدا القفطان هذي قندورة هههههههههه المهم كملت وخلاض مع انو مش كامل بكل من ورا نكملو عندي امتحنات تاع اللولاد

[stayfiya]

ربي يعاونك لجين خيتي وقداش ستقاملك انا الكتان 1100 شريت ثلاث ميطرات و الدوبلير. ميطرتين ب 900 و القالون ب 80 شريت 8ميطرات و ليزيستراس تاع الميطره شرت زوج بوبينات البوبينه ب 700 صافي 1400 و لي بوني. و الفيزلين و السانتوره مانهدروووش دوبل لبري .. يعني جبده ياختي كون ماتلبسوش نشويها

[fatma1977]

السطايفية ولجين صح عشاكم والله يا السطايفية كيما قلتى كى نتفكر كيفاش الغاشى متمرمدين عند الخياطات وكيفاه مرات تجيهم حاجة شابة ومرات لالا نحمد ربى نقول الحمد لله أنا رانى نخير ستيل لروحى ونخيط لروحى وقت ما نحب الحمد الله كيراه الواحد يخدم بيديه مى المشكل نتاعى فىاللوازم نتاع القفطان الستا لقيت فى السوق كامل أحسن نوع هو القومى والسفيفة عادية والزيتونات عولت نصنع بالحمراء درت عليها السوق كامل مرتين اللى نروح على جالها لقيت غير الذهبى وراجلى مكر فيا قالى إلى رحتى لمواد الخياطة وحدك نديك وأما باش نشريلك مستحيل بالصح لقيت عندو الحق أنا كى ندور وما نلقاش علاش نحوس نقلب حاجة أخرى وهو والو ما هوش الدومان نتاعو والله حتى الخياطة للكليونات نتاعى قالى اللى جابتلك الكلفة نتاع مودالها خيطيلها واللى ما جبتشى ما تفصليلهاش حتى التفصال رانى كى نعود نهدر ننسى روحى رانى كسرتلكم ريسانكم

[OM AYA]

ما نهدرش خير شحال ستقاملي كي نتفكر برك نعيا السفيفة ب 230دج للمترة شريت 6 او7 نسيت قالك زعما زعما نتاع الشعرة و الكوردون ب130دج للميترة شريت 17 م و العقاد دج150 شريت 2 وو القماشات ساتان فالنتينو 550 دج× 2,5 م موسلين 450 دج ×3 م سحقيت غير نص برك " لعوج" تول 1700 دج× 1 م و خصني منو خدمت غير يالحيلة "كون لي زدتها فالموسلين درتها في تول" وخلي لعقاقش سوغتو لي يلصقو بلابليكاتور مغرف بعشرالاف وخلي المشتريات بلا صالحة بصح معليش راهم مازالو الجايات اكثر من الرايحاااات هههه

[fatma1977]

يا ريت أنا وكان لقيت علاش نحوس حتى غالى أم آية أنا درت السوق كامل على ستا زوين ما لقيت غير الستا قومى درتو وخلاص ب40ألف شريت 3 م والدونتال لقيت نوع واحد فى السوق الكل شريت 2.5 ب 60الف للمترة والسفسفة 12م ب7000للميترة والفزلين والسوتاج الذهبى والاحمر والاحمر ممزوج مع الذهبى والسفيفة مخدومة بالمجبود ما علاباليش واش أسمها والزيتونات ب45الف المهم لوكان حتى جي على خاطرى راهو لابساتو الخزانة وين نهدر عليه تحكمنى القنطة المهم اديها وهاتها أنا الى خصنى اللوازم ما جاتش على خاطرى

[OM AYA]

صبااااااااااااااااااح الخير

مام انا فاطمة ما لقيتش على خاطري بصح كي طلعتو عجبني عادي برك شوية ديفوات مثلا لاالجهة الامامية اليسرى للسفيفة تكمشت شوي راني ضرك نفتق في الكوردون باه نعاود نلصقو بيدي خير سينو نلبسو ونزوخ بيه عادي ههههه

[OM AYA]

دودا جوري و البقية وينكم ارواحوووووووووو قارعو معانا

[fatma1977]

واش بيهم البنات تودرو غير غير أنا وأم آية وسطايفية كيما قالت السطايفية والله غير صح المسابقة هذى ماسطة لا تقرقيج لا والو

[OM AYA]

معليش فطووووووم ما تتقلقيش راهم مدوخين من القفطان

[ام ادم11]

السلام عليكم كامل اختي السطايفية راني فرحانة يشفت مشاركتك

[stayfiya]

السلام عليكم مساكم بالخير واشراكم اهلا ام ادم ختي مرحبا بيك واش راكم كاااالم ماراهش عاجبني الحال ؟؟ تحيرت حتى فريوله واقيل ولات للسبيطار ؟؟ حسها ماكانش ؟ ربي يشفيها و اخي عمر واالو مابان عليه يادرا ؟؟ خير!

[nadia dadi]

السلام عليكم
والله غيرتوني تمنيت لو سجلت قبل وراني معاكم
لكن الجايات ان شاء الله
موفقين

[OM AYA]

عالسلامة ام ادم نادية سطوووف
فريولة ربي يشفيها ان شاء الله تدخل و تطمنا عليها
اما السي عمر ان شاء الله يكون المانع خير انا نقول راه يوجد في الخلايع و لي بوان هههه

[loudjeine2000]

مساء النور و السروووووووووووور واش ركم تهدرو علي السوما تاع السلعة اوكييييييييييييييي
القماش لي درتو ستان قومي رااه عندي من قبل عندو قرن هو مخبي و شريت التول ميترا 250 و تول بياتي ميترتين ونص 18الف للمتر وعقاش و السفيفة لون بدنجاني شريت 7 مترات و الدوغي 5 مترات ولافيزلين و و القيطان شريت 4 بوبينات 3دوغي وحاحد نورمال باش لصق بيه لقفايل و زيتونا 3 الوان هذا مكان سقامتلي السلعة 7 مئة الف

[sakura be]

مساء الخير
راني متابعة وديما معاكم لكن النت ثقيل نقلق باه نحط ردود
ان شاء الله ربي يوفقكم راكم باين تعبتوا ماديا ومعنويا لكن كوراج بنات راكم خلصتوا ومابقاو كان النتائج وان شاء الله بما انو الاخ عمر طولها مايكون غير الخير وتكون نتائج ترضي الجميع