الجزء73 من واش طيبتي؟ابداااااع فحلات الجلفة - الصفحة 94

om mita · 2014-05-10, 21:29

الله الله علا كوزينتك والله تحفة
انا كنت مريضة هبطتلي لاطونسيو والله مقدرت نهز راسي الدوخة قتلتني ادعيولي بالشفاء حبيباتي

ام نوردين · 2014-05-10, 21:36

مساء الخير وبصحتكم العشا عشايا درت ليبروشات تاع الجاج ومعها الفريت والشلاظة الحمد لله نروح نشوف واش فاتنى

اشهد ان لا اله الا الله وان محمد رسول الله

سرور2 · 2014-05-10, 21:42

السلام عليكم لبنات كاشما افكار طيبات للغدي ههههههههههههه راني من ضرك نخمم وش ندير قبل لنحكم بلاستي ضرك نقلكم وش عندي وانتم افكرولي

عندي بطاطة وبصل ثوم شلاطة جلبانة جزر مكونجلي ولفتن ثاني عندي طماطم حب وفلفل قرن غزال بصح رايح شوي للحمورية ربي يحفضكم وشكرا على الاطباق الي تقدموها مشاء الله وشكرا مسبقا للبنات الي رح يساعدوني

ام نوردين · 2014-05-10, 21:51

اقتباس:

المشاركة الأصلية كتبت بواسطة om mita

الله الله علا كوزينتك والله تحفة
انا كنت مريضة هبطتلي لاطونسيو والله مقدرت نهز راسي الدوخة قتلتني ادعيولي بالشفاء حبيباتي

الله يشافيك ويعافيك ويردلك صحتك حنونة كولى البيطراف والخيار والطوماطيش وزيدى العصير وان شاء الله تنوظى من رقدتك

لا حول ولا قوة الا بالله

أم إناس · 2014-05-10, 22:03

مساء النور اخواتي
صح عشاكم.
هذي الكيكة بدون بيض وحشيته بكريمه بيضاء.والفوق بكريمه شمولاطه

omomnia15 · 2014-05-10, 22:04

لباس عليك حنونة كولي الكبدة واشربي اللبن والقهوة تطلعلك كاش نونو في الطريق

omomnia15 · 2014-05-10, 22:06

ام نوردين على سلامتك واش راكي ام ايناس بصحتك الكيكة

soha1987 · 2014-05-10, 22:11

ا مايناس تهبلللل الكيكة مديلي الوصفة

ام نوردين · 2014-05-10, 22:13

[QUOTE=أم إناس;1056352668]مساء النور اخواتي
صح عشاكم.
هذي الكيكة بدون بيض وحشيته بكريمه بيضاء.والفوق بكريمه شمولاطه

ياعينى ياعينى ام اناس تسخف حرام عليك عندى مدة مادرتش حلويات واش حطيتي من فوق

omomnia15 · 2014-05-10, 22:25

شكون مولات الكوزينة الجديدة

sara queen · 2014-05-10, 22:28

مساء الخير اخواتي
صح عشاواتكم كااامل ، اليوم درنا دوبارة حمص واختكم ما تاكلش الحمصصص الور جبدت قرصة بيتزا من الكونجيلاتور طيبتها وكليتها و الحمد لله
صورت غير عشايا هههههه

ربي يشفي اختنا السعيدة بربها سارة يا رب و يثبت حملها
ليلة سعيدة البنات
~~~~~~~~~~~~~~~~~~~~

أم إناس · 2014-05-10, 22:29

سهى. شكرًا. عروستنا وهذا هو الرابط. https://www.djelfa.info/vb/showthread.php?t=1564156
ام نور الدين شكر ا حنونه درت من الفوق كراب دنتال تشريهم. وهم مقرمشين

ام نوردين · 2014-05-10, 22:32

اقتباس:

المشاركة الأصلية كتبت بواسطة ام طيري الجنة

صح غذاواتكم كااااامل يا الفحلات
هذا عشاي البارح خفيف و صيفي طعام باللبن

و درت عصير الكيوي

و هذا غذايا

و للعشيا درت بوتي فور نتاع ام اماني الله يحفظك و ربي يخليك لينا يا ام اماني الوصفة راااااااااااااااااااائعة
هاهو قبل ما نكوليه وقبل الماكياج هههههه

و الحمد لله على نعمه
و الان باي باي راني خارجة ان شاء الله

اقتباس:

المشاركة الأصلية كتبت بواسطة أم ياسين الزهراء

بصحتكم البنات وحدة وحدة دون مانسمي وننسى وتتهرد علي الله يديم عليكم النعمة يارب

المازة الحلوة صح نسيت وماانساني غير الشيطان دوق نقلوهالك ساهلة ماهلة في مقلة ديري الزيت وحطي الفلفل الحلو والحار واقليهم ومنبعد فرغي هداك الزيت باش ماتكثريش المواعن وديري الثوم وقطعي الطوماطيش وغطيهم يتقلاو راح تتطلق الماء انتاعها ومنعد نقي الفلفل واقسميه هكى الاوامر عندي باش يسهال عليهم والله يسهلها علينا الكل وارمي الفلفل على الطوماطيش وخليه يرفد غلي شوي وطفي وبصحتكم

اقتباس:

المشاركة الأصلية كتبت بواسطة الأمنيات

السلام عليكم وصح غداكم
ام طيري الجنة ومنال وام ياسين هاهم الصور
قلب اللوز

جبن او الفرماج للاخت ياسمين 177يعطيها الصحة

معجنات تعشيت بيهم

هاد الحلويات جابهم زوجي من عرس جبت لكم تشوفوا

غدايا سفيرية بالبطاطة للاخت ياسمين177 هايلة والبنه ما عندي مانقول

اقتباس:

المشاركة الأصلية كتبت بواسطة مقدسية

نهاركم طيب اخواتي
بصحتكم ماطيبتو
اليوم درت روز ابض مع سلطة صيفية وعصير تشينة بطريقة فايزة ربي يهنيها جا هااااااايل

بصحتكم ام طير ي الجنة وام ياسين والامنيات ومقدسية يعطيكم الصحة

: 34:

ام مهدي2010 · 2014-05-10, 22:35

اقتباس:

المشاركة الأصلية كتبت بواسطة أم ماجد

الحمد لله لحقت على كوزينة الغالية الحاجة ام اماني

جبتلك عشانا اليوم جلبانة امم بلحم الخروف وكسرة القمح

خفت تسكر الكوزينة وانا ماحطيت والو وماهيش من عادتي لكن نعوضهالك ام اماني الله غالب النت خلاصت وماجد عايب ماسلكناش حتى اليوم هههههههههههههههه:d:d:d:d

الله يبارك عليك يا ام ماجد الطبق يسخف

ام نوردين · 2014-05-10, 22:35

اقتباس:

المشاركة الأصلية كتبت بواسطة lyzzabel

صح فطوركم كااااامل يا حلواااات

اليوم هذا فطورنا ماراجعتش راني رايحة لدارنا و مين نجي نراجع

شوربة فارميسال

سلاطة

المارلان هذا حقنا انا و ن ع و الاولاد نبغوه كيما هاكا en colère

و هنايا صورت غير المقلة الاولى قسمت كل حبة على زوج

و هاذي نص دجاجة لي طيبت بيها الشوربة حرمتها من بعد و تقاسمناها

و هاذو لي فراز مادرت بيهم والو كونجليتهم على طريقة ام ماجد و خلاص الله غالب ما قدرتش نخدم فالفوضى حتى تكاملا الحالة و نشوف شا ندير بيهم انشالله

و الحمد لله على نعمه حمدا كثيرا

ايزابيل يحسن عونك ورب يقدرك على النافسة والغاشى ويجازيك كل خير

اقتباس:

المشاركة الأصلية كتبت بواسطة sara queen

السلام عليكم اخواتي نتمنى تكونو كامل بخير
نحط تصاوري و نحاااول نعلق عليكم ههههه الله يبارك نتوما بزاف وانا ننسى

عشانا تاع البارح

وهاذا الفريزيي

ماتضحكوش خاطيني التزيين

مي الصح فالبنة

شوفو الكريمة امممممممم

نكمل نحمل باقي الصور ونولي

~~~~~~~~~~~~~~~~~~~~~~~~~~~~~~~~

اقتباس:

المشاركة الأصلية كتبت بواسطة sara queen

و هاذو خبيتهم لام ماجد كي تجي علابالي تحب الحوت

~~~~~~~~~~~~~~~~~~~~~~~~~~~~~~~

سارة كويين ملكة حتى فى اطباقك منورة حبيبتى كلشى يشهى