تشاراك بالبيمو ذوق هااايل مقادير بسيطة وكمية كبيرة

[حفيظة42]

المقادير:
250غ مارغرين ذائبة
كاس زيت
كاس حليب
حبة بيض
كيس فانيليا
كيس خميرة كيميائية
فرينة
العقدة:
أنا عملت 3 حشو حسب ماكان عندي
حشو بحلوة الترك حشو بالمعجون وجوز الهند وحشو بالكوكاو المرحي والسكر ويتلم بماء الزهر)
التزيين:
شاربات: كاس سكر + 2 كيسان ماء (ملعقة أكل عسيلة اختياري)
علبة بيمو مرحي

التحضير:

(من الأحسن كاس المكيال كاس inox لأنه يرفد 250غ كيلة ذائبة)
في إناء نخلط المارغرين الذائبة والزيت

ونضيف الحليب

حبة البيض

والفانيليا والخميرة

ونلم العجينة بالفرينة حتى نتحصل على عجينة متماسكة

ندخل العجينة فالثلاجة ترتاح

نبسطها بالحلال ونقطع دوائر نعمل العقدة

ونشكل هليلات التشاراك

ندخلها الفرن مدة 25د

بعدما نخرج الحلوى إذا كان الشربات باردة نشرب التشاراك ساخن فالشاربات ونرمده فالبيمو المرحي

هاد الكمية تقطع أكثر من 40 حبة

[إلهام07]

يعطيك الصحة أختي راكي دائما تمتعينا بإبداعاتك
ربي يجازيك خير على تعبك
والله ماعرفت واش نطبق واش نخلي ماشاء الله كل وصفاتك روعة سهولة واقتصاد وبنة وتقديم رائع
يسلم يديك

[ام الاء وسدن]

صباح الورد اختي حفيظة وبارك الله فيك على الوصفة ...تخيلي اني خدمتها واستعملت العجينة السحرية وبدل الشاربات استعملت المعجون المخفف بماء الزهر كان مجرد فكرة وخرجت روعة ..ربي يحفظك لاهلك واحباءك

[Maria dadi]

يعطيك الصحة

[omaymen]

الوصفة هايلة نجربها بإذن الله تعالى يعطيك الصحة على المجهود

[شقراء]

بارك الله فيك فعلا الوصفة صادقة كنت جربتها خرجت اكثر من روعة

[مغتربة uk]

بارك الله فيك على الوصفة الرائعة

[FLEURBLANCHE]

حبيت نشكرك علي الوصفات الناجحة و الاقتصادية الي كل مرة تقدميهم لنا ربي يباركلك في صحتك و راني جربتلك عدة وصفات وراني كل ما نشوف اسمك ندخل على طول

[أم إناس]

بارك الله فيك وطبعا داءما متالقه بوصفتك لي امممممممممم
جزاك الله الجنه

[ام صابرين]

ماشاء الله يهبل يعطيك الصحة

[scorpionoir]

يا سلاااااااااااااااااااااااااااااااااااااااااااااام كلشي من ايديكي غير

[iaman.fr]

يعطيك الصحة

[كاميلياس]

يعطيك الصحة اختي

[sisiya]

أحسنت يا ملكة الوصفات....دائما وصفاتك في القمة....

[nina13]

بارك الله فيك و شكرا على الوصفة