les beignets البينيي من مطبخي ناجح 100%

حفيظة42 · 2014-02-02, 10:58

المقاديـر:
حبة بيض
كاس آتاي سكر
كاس آتاي زيت
ملعقة أكل خميرة الخبز
2 كيسان كبار حليب دافئ
500غ فرينة
زيت للقلي
للتزيين:
مربى المشمش
سكر عادي

التحضير:

نخلط الحليب الدافئ والسكر

نفرغ الزيت

نضيف حبة البيض و الخميرة ونخلط جيدا حتى تذوب الخميرة

نضيف الفرينة شيئا فشيئا

حتى نكمل 500غ من الفرينة ونتحصل على عجينة طرية(تبانلكم خاصتها فرينة)

نعركها براحة اليد بالكف غير بلعقل (مانعجنوهاش نذرو عليها شوية فرينة باش ما تلصقناش لأنه تبانلكم خاصتها شوية فرينة بصح ما تكثرولهاش حتى تيبس هي تجي طرية وتلصق ) لمدة 10 دقائق

نغطيها ونتركها تخمر لمدة 40د حتى تضاعف حجمها

لاحظوا تضاعف حجمها

نرش طاولة العمل بالفرينة ونمرر العجينة فوقها ثم نحلها بالحلال ونقطع بالكأس
أنا قطعت فالأول بقطعة صغيرة وبدلتها بقطعةأكبر منها

نضعها في صينية نغطيها ونتركها تخمر للمرة الثانية

ثم نقليهم في زيت ساخنة وعلى نار قليلة لاحظوا يتنفخو وحدهم

ونمررهم في السكر من المقلاة للسكر باش يلصق

ثم نحلهم من الوسط ونضع لهم المعجون.
لاحظوا يجو منفوخين وفارغين من الداخل مايجوش معجنين

جربت أكثر من ثلاث وصفات وما تحصلتش على نتيجة مرضية خير من هذه الوصفة الوالد نتاعي قالي شحال تبيعي فيهم للواحدة جاو خير من لي يتباعو برا
أنصحكم بتجربتها