garde malade

نجوى لحلوة · 2014-01-20, 15:43

السلام عليكم يا خواتاي رانا نحوسو على وحدة تبات مع عمتي في السبيطار ونعطيوها حقها المهم عمتي مريضة بالمينانجيت يعني ما تعرفش وش تدير مهمت هذي اللي تبات معاها تعسها برك وراهم يربطوهالها يعني ما يخليوهاش هكاك عمتي في مستشفى قسنطينة اين باديس الرجاء الرد سريعا لي رعف وحدة يقولي

نجوى لحلوة · 2014-01-20, 17:08

جاوبوني بارك الله فيكم

rebahsada · 2014-01-21, 12:10

عسيها انتي وادي دعوة الخير ياك قالك الاقربون اولى بالمعروف

safiro · 2014-01-21, 14:36

الله يشافي عمتك و يسهلك في البحث

mounaminou · 2014-01-21, 23:58

....يا اختي المينانجيت مرض معدي ....c'est une maladie transmissible نضن صعيبة تلقاو اللي تقبل....خايفين تعديكم ولا ماعندكمش الوقت باه تباتو معاها ...مافهمتيناش مليح ....واش معناتها يربطوهالها

نضن هي تحتاج un soutien moral ماعندها ماتدير بوحدا تعسها ....واش تعس فيها اصلا ...و مام تلقاو مرا مايش رايحة تخدمها و توقف معاها كيمما توقفو معاها نتوما ..... لازملها وحدة تعرفها و ثقة باه يطلعلها المورال و تحس بالسند العاطفي ماش مرا من طرف باينة مايش رايحة تعاونها خلاص .....

سلام

سحر البيان · 2014-01-22, 00:11

لو كان جات عمتي نبات تحت رجليها و ندي دعوة الخير ، بصح واش نقولو : القلوب ولات قاسية بزاف
ولو كان كنت في بلاصتك نحشم باش نطلب حاجة كيما هاذي
ربي يشفيلك عمتك و يعافيها اللهم آمين

نجوى لحلوة · 2014-01-23, 08:34

الاخوات لي راهم يهدرو في الهدرة الزايدة وكيلهم ربي انا راهي عمتي وراني معاها من 7ونص تع الصباح حتى ل6ونص تع الليل نوكلها ونبدللها ومانيش خايفة تعديني هذيك راهي عينيا وكيل ربي كل وحدة جرحت بالكلام
يصح في الليل ماخلانيش والدي هو صعيب شوية وسمع على السبيطار يصراو فيه حوايج مش ملاح خاف علينا انا واختي
مالا لي هدرو هذاك الكلام قبل ما تزيدو تهدرو افهمو سع يا ناقصات الفهم

نجوى لحلوة · 2014-01-23, 08:36

اقتباس:

المشاركة الأصلية كتبت بواسطة سحر البيان

لو كان جات عمتي نبات تحت رجليها و ندي دعوة الخير ، بصح واش نقولو : القلوب ولات قاسية بزاف
ولو كان كنت في بلاصتك نحشم باش نطلب حاجة كيما هاذي
ربي يشفيلك عمتك و يعافيها اللهم آمين

حسبي الله ونعمل وكيل فيك هذا وش نقدر نقولك او ربي كاين ويجيبهالك على الكلام تاعك هذا مناه ربي شافني راني معاها ديما ونهز كلش تعها وحاطتها في عينيا بصح في الليل ظروف
عسي روحك ربي قادر على الكل والمرة الجاية قبل ما تهدري افهمي سع

نجوى لحلوة · 2014-01-23, 08:37

اقتباس:

المشاركة الأصلية كتبت بواسطة safiro

الله يشافي عمتك و يسهلك في البحث

الف شكر ليك وان شاء الله ربي يسهلنا كيما قلتي

محمد نسومة · 2014-01-23, 09:47

اقتباس:

المشاركة الأصلية كتبت بواسطة سحر البيان

لو كان جات عمتي نبات تحت رجليها و ندي دعوة الخير ، بصح واش نقولو : القلوب ولات قاسية بزاف
ولو كان كنت في بلاصتك نحشم باش نطلب حاجة كيما هاذي
ربي يشفيلك عمتك و يعافيها اللهم آمين

يا اخي الكريم لو كنت تعمل و مسؤال عن عائلة هل تكون فعلا مستعد للمبيت تحت رجليها ام تبحث على المساعدة ؟
لو كنت تدرس هل تفرط في دراستك و تبات تحت رجليها ؟ ام تبحث عن المساعدة ؟
اخي الكريم لكل شخص ظروفه الخاصة و الله وحده هو الدي يعلم نيات العباد

ربي يشفيلك عمتك و يقدركم على هدا الحمل و يجازيك الله كل الخير
نيتك في المساعدة تأجرين عليها ان شاء الله اختي الكريمة ، ناس فرطت في والديها و ما أدراك العمة؟؟؟؟

نجوى لحلوة · 2014-01-23, 11:09

اقتباس:

المشاركة الأصلية كتبت بواسطة محمد نسومة

يا اخي الكريم لو كنت تعمل و مسؤال عن عائلة هل تكون فعلا مستعد للمبيت تحت رجليها ام تبحث على المساعدة ؟
لو كنت تدرس هل تفرط في دراستك و تبات تحت رجليها ؟ ام تبحث عن المساعدة ؟
اخي الكريم لكل شخص ظروفه الخاصة و الله وحده هو الدي يعلم نيات العباد

ربي يشفيلك عمتك و يقدركم على هدا الحمل و يجازيك الله كل الخير
نيتك في المساعدة تأجرين عليها ان شاء الله اختي الكريمة ، ناس فرطت في والديها و ما أدراك العمة؟؟؟؟

الف شكر لكي على الرد انا مفرطة في كلش على جالها وربي لي يعلم بقلبي على جالها رايحة نهبل والله العظيم بصح في الليل ظروف بابا ما يسمحليش حتى لو كان مع امي محال مستعد يجيبلها وحدة بالدراهم بصح في الليل لا
ماشي الناس كامل يفهمو

نجوى لحلوة · 2014-01-23, 11:11

اقتباس:

المشاركة الأصلية كتبت بواسطة mounaminou

....يا اختي المينانجيت مرض معدي ....c'est une maladie transmissible نضن صعيبة تلقاو اللي تقبل....خايفين تعديكم ولا ماعندكمش الوقت باه تباتو معاها ...مافهمتيناش مليح ....واش معناتها يربطوهالها

نضن هي تحتاج un soutien moral ماعندها ماتدير بوحدا تعسها ....واش تعس فيها اصلا ...و مام تلقاو مرا مايش رايحة تخدمها و توقف معاها كيمما توقفو معاها نتوما ..... لازملها وحدة تعرفها و ثقة باه يطلعلها المورال و تحس بالسند العاطفي ماش مرا من طرف باينة مايش رايحة تعاونها خلاص .....

سلام

مستعدة تعديني المهم ترتاح هي ولاشتات نمرض انا معليش على جالها نفرط في حياتي كاملة ونقول قليل

nadal3omr · 2014-01-23, 14:50

كل انسان وظروفه لا تستطيع الحكم على انسان لا تعرف ظروفه و لكن الاخت كي طرحتي المشكل ما فهمتيش مليح لذلك فهموك الاخوة والاخوات خطأو الله المستعان اللهم انا نسالك الراحة لكل مريض يتألم لا تعلم وجعه الا انت و انشاء الله تلقاي الي يعين عمتك يا رب

chouchou.24 · 2014-01-23, 14:53

ان شاء الله يشفي عمتك يا ربي والله اني حاسة بيك

سوسو الطموحة · 2014-01-23, 16:18

يمكن تلقاو ممرضة تطلبو منها البقاء ....وتعطوها حقها.....او زيدو فكرو يمكن جارة كبيرة شوي تقدر تبات.