الجزء 49 من واش طيبتو اليوم بسم تفضلو

[طير الرحمة]

المشاركة الأصلية كتبت بواسطة أم ماجد

هذا عشانا نهار السبت شخشوخة حارة امممممممموزلابية بوفاريك جابها الشيخ من العاصمة باروك كوزينة بروقة
وهاذي حنة شريناها نديروها في المولد سوداء وبنية هايلة هايلة

امممممممم على هده الشخشوخة تهبل
زلابية بوفاريك ماكان كيفها
الحنة روووعة
انا نستعمل روايال ولا المحجبة تخرج هاااااايلة وحى ما طولي بيها

[souma.sousou]

يعطيكم الصحة يا الفحلات محلاها لمتكم ,,حبيت نسقسيكم وحدة متضحك عليا مفهمتش واش راكم ديرو وحدة تحل كوزينة و حبباتها يجيبولها الفطور والعشا ولا راكم متشاركين في كوزينة وحدة بربي فهموني عجبتني لمتكم وحبيت ندخل معاكم وقلولي واش لازمني ندير

[بريق الامل&]

صباح الخير صح قهيوتكم
شكرا لتباريكم نرجعهالكم في الافراح ان شاء الله
ام كوثر هذي غيبة ايقوناتك منورة الكوزينة اسمك لامع
ام ماجد نموت في زلابية بوفاريك نديها نفطر بها
الشخشوخة خليها حتى للغدا ممممممممم
بصحتكم الحنة اول مرة نشوفها وهوذوك ليديدات يهبلو بالحنة الفال ههههههههههه

[Aya69]

المشاركة الأصلية كتبت بواسطة أم ماجد

هذا عشانا نهار السبت شخشوخة حارة امممممممموزلابية بوفاريك جابها الشيخ من العاصمة باروك كوزينة بروقة
وهاذي حنة شريناها نديروها في المولد سوداء وبنية هايلة هايلة

ام ماجد بصحتكم كل شي روعة ربي يعطيك صحتك ان شاء الله

[tokio hotel]

صباح الخير عليكم امبروك الكوزينة الجديدة البارح درت محاجب و جربت 2 عفسات انتاع ام اناس و انتاع زاميلو عفسة الورقة روعة خاصة للمبتدئات تعونك حتى كى ترفديهم بسهولة ربى يرزقهم كل خير

[أم فاطيمة]

صباح الخير و الهنا مبروك الكوزينة الجديدة انشاء الله يسود فيها الحب و الاخوة و الطيابات والقاطويات و الشهيوات الزينة

[أم ياسين الزهراء]

ام ماجد ربي يحني ايامنا

زهرتي شوفي في الحانوت تاع بروقتي واش حطيتلك وادا مافهمتيش نجي نجيف هههههههههههههههههه نتمسخر قوليلي برك وانا واراك

[أم فاطيمة]

المشاركة الأصلية كتبت بواسطة أم إناس

اخواتي المولود وكيته

صباح الخير ام اناس المولود نهار الثلاثاء و راني نحيت الاقتباس و سمحيلي سمحيلي ما عوتش دخل للمنتدى حتى وصلتني رسالتك ماكنتش نحسب نظرك بيه و معذرة مرة ثانية

[طير الرحمة]

• طريقة عمل سويسرول اليقطين بحشوة الجبن
  
  المقادير
• بيض 3
• سكر- كوب
• يقطين- ثلثا كوب
• عصير ليمون حامض- ملعقة كبيرة
• دقيق - ثلاثة أرباع كوب
• باكينغ با- ملعقة صغيرة
• قرفة - ملعقتان كبيرتان
• زنجبيل- ملعقة صغيرة
• جوزة الطيب- نصف ملعقة صغيرة
• ملح - نصف ملعقة صغيرة
• لتحضير الحشوة:
• جبن كريمي - كوب
• زبدة على حرارة الغرفة - 4 ملاعق كبيرة
• سكر- كوب
• فانيليا - نصف ملعقة صغيرة
• سكر بودرة حسب الرغبة
• • الطريقة:

1- ضعي في الخلاط الكهربائي البيض والسكر واخفقي جيداً حتى تحصلي على ما يشبه الكريمة.
2- حمّي الفرن على حرارة 180 درجة مئوية وغطّي صينية بورق زبدة.
3- أضيفي عصير الليمون الحامض واليقطين مع الخفق المتواصل حتى تتجانس المكوّنات.
4- في وعاء آخر، ضعي الدقيق والبايكنغ باودر والملح والزنجبيل وجوزة الطيب والقرفة واخلطي المكوّنات ثمّ أضيفي المزيج على خليط البيض معت الخفق المستمر حتى تحصلي على مزيج متمتسك.
5- أسكبي المزيج في الصينية وأدخليها إلى الفرن لحوالى 15 دقيقة.
6- أخرجي الصينية من الفرن وضعي الكيكة على فوطة منثورة بسكر البودرة واتركيها لحوالى 10 دقائق حتى تبرد كلياً.
7- لفّي الكيكة على المنشفة مثل السندويشواتركيها جانباً حتى ترتاح.
8- لتحضير الحشوة: أخفقي في الخلاط الكهربائي جبن الكريم مع الزبدة.
9- أضيفي إلى الخليط السكر والفانيليا وتابعي الخفق حتى تتجانس المكوّنات.
10- إفتحي الكيكة ومدّي عليها الحشوة بالتساوي ثمّ لفّي الكيكة من جديد بدون الفوطة.
11- غطّي السويس رول بورق بلاستيكي ثمّ أدخليه إلى الثلاجة لساعة على الأقل حتى يبرد.
12- قبل التقديم على سفرتك، أنثري على وجهه سكر البودرة بحسب رغبتك

[أم ماجد]

اهلا ام ياسين
شكرا لبنات ربي يفرحكم

[سعيدة8888]

صباح النور عليكم جميعا
بروقة الف الف مبروك الكوزينة حنونة

[lyzzabel]

الحمد لله فات الرد نتاعي هذا وين حتى هبلنيييي على كل حال صباح الخيرات و الأنوار على أحلى عضوات وأخوات. توووووتة وينتا تحطيلي الصور تاع الصابلي الي دارته أختك. بغيت نشوفه راني غير نقارع أم أناس الله يخليك كيفاش نحط الصور راني نخدم بالاي باد أنا تاني اليوم خدمت كوكتال الفواكه مع قهوة الصباح و مازال ما قررته واش ندير للفطور

[سعيدة8888]

بنات متضحكوش دونسقسيكم واشنو اليقطين

[طير الرحمة]

المشاركة الأصلية كتبت بواسطة souma.sousou

يعطيكم الصحة يا الفحلات محلاها لمتكم ,,حبيت نسقسيكم وحدة متضحك عليا مفهمتش واش راكم ديرو وحدة تحل كوزينة و حبباتها يجيبولها الفطور والعشا ولا راكم متشاركين في كوزينة وحدة بربي فهموني عجبتني لمتكم وحبيت ندخل معاكم وقلولي واش لازمني ندير

مرحبا بيك اختى بيننا
هده اللمة هى لتجمع كل يوم واش طيبتي اليوم
ندخلو ونحطو فطورنا وغدانا وعشانا واي حاجة جديدة نتشاركو بيها ليستفيد الجميع
هى اجزاء كل جزء فيه 100صفحة من لمة الاحباب
وكل مايخلص جزء تعطيه لوحدة من الاعضاء مع صور حصرية لكوزينتها هههههه
المشرفة على الموضوع العضوة المميزة بريق الامل
يلا ادخلى وشاركينا بسفرة بيتك

[ام الهضاب]

صباحكم فل و ياسمييين
بصحتكم واش طيبتو كاااامل ، غدايا ع د س و سلاطة وربي يستر ههههه
ام ماجد شخشوختك امممممم و الحنة تهبل