حصريا هريسة حااارة وعلى اصولها من مطبخي وبالخطوات المصور ....للمبتدئات

أم المعتصم بالله · 2013-11-15, 12:42

السلام عليكم ورحمة الله تعالى وبركاته
والصلاة والسلام على سيدنا محمد وعلى آله وصحبه اجمعين

اليوم جبتلكم حااااجة فووووور وخاصة اني شفت انوا العديد يحوسوا على خدمتها ...اليوم جبتهالكم على الاصول وبالشان والطبع كيما نديرو حنا في بوسعادة في شتاء ماكانش دار معدهاش الهريسة الحمراء اااااام ...والحرارة الله الله
نبداو مع طريقة التحضير بسم الله
اتجيبو كونتيتي مليحة تاع فلفل الاحمر انت وحسب العائلة تاعك لا كبيرة ولا صغيرة ومن الاحسن تغسليه وهو هك>ا ك جعبات خير يتغسل احسن ممبعد تقسميه على 2 وتنحي الزريعة ولا تنحيها كيما انت موالفة وما تنسايش تلبسي اليقو راهي حارة بزاف

تخلي الجعبات لي تلقايهم شوي خضورة ما تستعمليهمش خليهم بجيه مع جعبات حمورة عدة ايام راح يحماروا .....والجعبة لي تعود خاسرة وكحلة ماكالاه تديريها تحمضهالك

ومبعد انا هنا غسلتهم بعد ما نقيتهم لاخاطر جداتي قالتلنا راني غسلتهم ومبعد وحنا نقيو فيهم لقيتهم مش مغسولين عاودنا غسلناهم

وممبعد تحطيهم في كسكاس يقطرو ومبعد تضيفيلهم كمية لاباس بيها نتاعثوم وتحطيها تفور

وتغطي جعباتك بساشي ولا غطاء وتخليه يفور وتبدا رحت الفلفل اح اح

مبعد هو يفور خلاص يعني الموس يعود يدخل فيه بسهولة تعرفيه فار تهزي كسكاسك وتحطيلوا الملح والكسبر اليابس مرحي اممم وارحي في الروبو لتسهيل العمل

ومبعد طول ارحي في رحاية اليد راح تخرجلك رطبة تهبل

وهنا ونتي ترحي في الرحاية خلي نتعود تخرجلك غير هك>ا يعني شوي برك حبسي ما ترحيش

ونحي الجلوف حطيهم بجيه وزيدي كملي بشوي بشوي نتكملي كامل الكونتيتي تاعك...ممكن تدبيري بيهم عيش ولا تليحيهم في مرقة الشخشوخة تحري بيهم

وتحبي تزيدي ترحي في الصفاية الرقيقة باه ترطاب اكثر

لكن احنا جوزناها في الصفاية المتوسطة جات رطبة تهبل ماكالاه نقعد نعاود
وتقدميها تهبل تهبل سيرتو مع الفريت ولا حاجة تقطاس

وماتنساوش تدعوا لامي بدعوة خير وجربوها والله خير ما تشروها ابن واضمن وخدمت يديك خير من المعلبة

ملاحظة: قد ما كان الفلفل احمر قد ماجات حمرة .....وثانيك لافارلك الفلفل بزاف راه تجيك اوغونج مايل للحورة مش حمرة هاك سما لا تحبيها اوغونج ولا حمرة
وهذي الهريسة صبريها قد ما حبيتي مثلا في علب الياؤورت الفارغة وكيتجبديها حطي طاوة تاع ماء على النار وعلبة الياؤورت لفيها هريستك فيه شغل حمام مائي ...وهنا ما نضيفولها ني زيت ني ماء باسكو هاذو يخسروها يصعد الماء الفوق وما تبقى رطبة ...انا هنا قلتلكم كامل الوصفة نتمنا نلقا تفاعل وردود

mitrochka · 2013-11-15, 12:49

بارك الله فيك

*عاشقة الجنة* · 2013-11-15, 13:14

يعطيك الصحة اختي سماسم

مواضيعك رائعة لكن صعبة ف التصفح لانك متصغريش الصور

ادخلي هنا تتعلمي كيفية تصغيرها

https://www.djelfa.info/vb/showthread.php?t=1373319

narimane16 · 2013-11-15, 13:22

بارك الله فيك

أم المعتصم بالله · 2013-11-15, 20:35

119 مشاهد..... والرد ماكانش بزاف وينراهم محبي الحار

oum radja · 2013-11-15, 21:18

يعطيك الصحة انا نديرها بطريقتك بالصح بالفلفل الاخضر و اكيد راح نجربيها حمرا كيما تاعك شكرااااااااااااااا

نيفرتيتي. · 2013-11-16, 17:02

يعطيك الصحة امس جابلي راجلي كمية كبيرة تاع فلفل درت زوج خيود طوال فيهم الفلفل وحطيتهم يحمارو ورقدت زوج قراع
وراني نستنى فيه حتى يحمار
ماعلابلكش قداه من نهار باه يحمار لاني خفت اللحمة تاع الفلفل تموت وتيبس
باه تنصحيني
لانه الهريسة تاعك جات رووووووووووووووووعة
ماعنديش كسبر مرحي نقدر ندير كمون

besbes · 2013-11-16, 17:11

بارك الله فيك وجزاك انت والوالدة كل خير

أم المعتصم بالله · 2013-11-16, 19:26

اقتباس:

المشاركة الأصلية كتبت بواسطة ام دودة

يعطيك الصحة امس جابلي راجلي كمية كبيرة تاع فلفل درت زوج خيود طوال فيهم الفلفل وحطيتهم يحمارو ورقدت زوج قراع
وراني نستنى فيه حتى يحمار
ماعلابلكش قداه من نهار باه يحمار لاني خفت اللحمة تاع الفلفل تموت وتيبس
باه تنصحيني
لانه الهريسة تاعك جات رووووووووووووووووعة
ماعنديش كسبر مرحي نقدر ندير كمون

الله يسلمك هنا ماما تحطوا جعبات حمورة وفيهم لخضورة كما لفي الصورة الفوق .مع كومة جعبات حمورة في مكان دافىء نيحمارولهم بصح لا عادو خضورة برك قاتلك كاين وقت معين يحماروا فيه ذرك الشتاء هايلمطار ولا درتيه تحت الفرن ييباس مالا قاتلك اشويه وملحيه وكي يقطر علقيه في خيط في الشمسيجيك هايل يصلح بيه مختومة ولا شكشوشة ويعود حااار ...ذوق الكسبر خييييييييييييييييير على الكمون باسكو يمد بنة مليييييييحة مايلة للكشير انا من راييي لقو نتاعها هو الحرارة ..الثوم ...والفاح

نيفرتيتي. · 2013-11-16, 20:41

اقتباس:

المشاركة الأصلية كتبت بواسطة samasiim

الله يسلمك هنا ماما تحطوا جعبات حمورة وفيهم لخضورة كما لفي الصورة الفوق .مع كومة جعبات حمورة في مكان دافىء نيحمارولهم بصح لا عادو خضورة برك قاتلك كاين وقت معين يحماروا فيه ذرك الشتاء هايلمطار ولا درتيه تحت الفرن ييباس مالا قاتلك اشويه وملحيه وكي يقطر علقيه في خيط في الشمسيجيك هايل يصلح بيه مختومة ولا شكشوشة ويعود حااار ...ذوق الكسبر خييييييييييييييييير على الكمون باسكو يمد بنة مليييييييحة مايلة للكشير انا من راييي لقو نتاعها هو الحرارة ..الثوم ...والفاح

مشكوووورة اختي
كيفاه تحطيه تحت الطابونة مايفسدش
نقدر نحمرو بالطريقة هادي
ممكن تعطيني الطريقة بالتفصيل باه مايفسدش
وهو درك فيه قرون حمر وقرون خضر وكاين اللي قاعدين يحمارو

أم المعتصم بالله · 2013-11-16, 22:16

اقتباس:

المشاركة الأصلية كتبت بواسطة ام دودة

مشكوووورة اختي
كيفاه تحطيه تحت الطابونة مايفسدش
نقدر نحمرو بالطريقة هادي
ممكن تعطيني الطريقة بالتفصيل باه مايفسدش
وهو درك فيه قرون حمر وقرون خضر وكاين اللي قاعدين يحمارو

قاتلك لا عدتي عدك جعب حمر ديريهيم في باسينة وديري لفيهم لخضورة معاهم وحطيهم في مكان دافىء مش تحت الطابونة اهم يبسو واسناي 3ايام ولا4 لا محماروا قاتلك اشويهم لانو كاين وقت معين يحمارا فيه وبتوفيق وواخيتي وربي يحفظك نورتي موضوعي واية سؤال اني هنا

نيفرتيتي. · 2013-11-17, 08:18

اقتباس:

المشاركة الأصلية كتبت بواسطة samasiim

قاتلك لا عدتي عدك جعب حمر ديريهيم في باسينة وديري لفيهم لخضورة معاهم وحطيهم في مكان دافىء مش تحت الطابونة اهم يبسو واسناي 3ايام ولا4 لا محماروا قاتلك اشويهم لانو كاين وقت معين يحمارا فيه وبتوفيق وواخيتي وربي يحفظك نورتي موضوعي واية سؤال اني هنا

شكرا اختي
انا راني معلقتهم
ولالازم البسينة
اناماعنديش البرد ياسر لاني في الصحراء

أم المعتصم بالله · 2013-11-17, 12:14

[quote=ام دودة;1054926038]شكرا اختي
انا راني معلقتهم
ولالازم البسينة
اناماعنديش البرد ياسر لاني في الصحراء[/quotشوفي قاتلك لايب اه ماتجيك بيه الهريسة بصح يجيك بئوحرور في الستاء هايل مع لمطلوع جيبي جعباتك اليابين وحطيهم في طاوة فيها الماء وسغل غليه على النار مع الملح وامبع ارحيه في رحاية اليد وزيديلوا الماء لطاب فيه قطعيلوا شوي كبر ثاني هايل وهو وليد عم لهريسة إههههههه

الامل نور · 2013-11-18, 12:13

بارك الله فيك

نيفرتيتي. · 2013-11-18, 21:48

[QUOTE=samasiim;1054927556]

اقتباس:

المشاركة الأصلية كتبت بواسطة ام دودة

شكرا اختي
انا راني معلقتهم
ولالازم البسينة
اناماعنديش البرد ياسر لاني في الصحراء[/quotشوفي قاتلك لايب اه ماتجيك بيه الهريسة بصح يجيك بئوحرور في الستاء هايل مع لمطلوع جيبي جعباتك اليابين وحطيهم في طاوة فيها الماء وسغل غليه على النار مع الملح وامبع ارحيه في رحاية اليد وزيديلوا الماء لطاب فيه قطعيلوا شوي كبر ثاني هايل وهو وليد عم لهريسة إههههههه

راني مافهمتش واش قلتي
واشي هو بوحرور وجعبات
وليد عم الهريسة ممكن تفصلي لاني مافهمتش
وشكرا على الاهتمام والرد