اقتراح للمشرفة ام كوثر و لكل العضوات الوفيات

ام مريم اسراء · 2013-10-31, 17:42

مساء النور

ميخفاش عليكم انو المنتدى اصبح يستقطب انظار الكثيرات الكثيرات من رواد النت عامة و الجزائريين خاصة و ركن الطبخ يحتل الصدارة طبعا
و انا شخصيا نعرف الكثيرات من المبتدئات و من السيدات الي ملو من البحث عن التغيير على مستوى المطبخ اقصد و تعرفو الروتين ..... و كامل مليييينا من نفس المنيو نتاع الاسبوع الي فات
هذا ما لفت انتباهي
وقررت اطرح هاذا الانشغال
تعرفو رانا داخلين على موسم البرد و لما نذكرو هاذا يجي في بالنا اللوبيا و العدس و طبعا الخضر الموسمية نتاع هاذ الفصل من فاصوليا الخضراء و القرنبيط - الشوفلور - و الكرم ممممممم

علاش منحطوش موضوع مثبت تحت اسم - اطباق الشوفلوور مثلا و نجمعو فيها كل روابط وصفات و طرق طبخ الشوفلور بانواعها
و موضوع اخر متعلق بالكرمب مثلا يعني يكونو مواضيع مثبتين باش يسهل البحث على المتصفحة و منو تقدر تقررواش راح تطبخ
و يخضع تثبيت المواضيع لتغير فصول السنة و الخضر الي تكون موسمية وتناسب الجو

نضن فهمتوني راني طولت عليكم فاتاسف حنوناتي

من تظم صوتها لصوتي

2013-10-31, 18:54

وانا معك اختي باش يكون تنظيم ويسهل تصفح المواضيع
ان شاء الله يؤخذ طلبك بعين الاعتبار من المشرفات ولو انو المهمة تكون شوي صعيبة لانو المنتدى زااااااااااااااخر ماشاء الله بالوصفات المتنوعة والرائعة والناجحة

ام مريم اسراء · 2013-10-31, 19:24

شكرا اختي ام يسرا على اهتمامك و مشاطرتك الراي .... مكيش غالطة المهمة صعبة شوية لكن نحاولو نحط عنوان مثبت يخص اطباق لمكون معين ثم كل وحدة تحط رابط و الي يتولى المهمة راح يرتبهم و يعطيهم عنوان معين كيما موضوع وصفات و اطباق واش طيبتي ليوم