نتائج خنشلة الشفافية 100/100 يعطيكم الصحة - الصفحة 2

ridere · 2013-09-09, 00:31

اقتباس:

المشاركة الأصلية كتبت بواسطة khaledchadi

لماذا لم يحسب التكوين المكمل؟؟؟؟؟؟؟؟؟

انا اتحدث بالاغلبية و بالنسبة للغة الايطالية لاني نعرف كل معطيات الناجحين.............. ما عندهمش تكوين مكمل كامل ليسانس فقط

ridere · 2013-09-09, 00:33

اقتباس:

المشاركة الأصلية كتبت بواسطة sadsam

ربي يدوم الخير في خنشلة
احنا في سطيف لا قوائم ولا هم يحزنون
تروح للموقع تع لا كاديمي تعنا تكتب رقم التسجيل النتيجة راسب بالاحمر اشكون الناجح الله أعلم بالاك اللي تخرج هد العام ومعدلو0

اذا ما حدث في خنشلة يعتبر حلم للسطايقية انهم يشوفو نتائجهم بهذه الشفافية و ما كلاش نحكو على باتنة مساكن غبنوهم ربي معاهم

ridere · 2013-09-09, 00:36

اقتباس:

المشاركة الأصلية كتبت بواسطة hako80

واش من شفافية ارواح لمديرية التربية في خنشلة و تشوف الاحتجاجات على القوائم
اللي نجحو فيها الذراري و خلاو الاقدمية اللي ماتخرجين في 2004 و 2005

اخي اكيد كاين ناس ما تتقبلش الخسارة و لكن انا ما نحكيش و ما ندافعش انا نقلك كل المعطيات قدامك حتى الراسبين حطوهم حطو هم ادخل و قارن وحدك انا ااكد لك خاصة في اللغة اليطالية الشفافية 1000000000000000/10000000000000000

سندريلا SF · 2013-09-09, 13:46

اقتباس:

المشاركة الأصلية كتبت بواسطة ridere

اولا انا ما نعرفهمش حتى نشكرهم انا نحكي من منطلق الوثائق و المعطيات اللي قدامي و و الله ما كنتش نعرف انو تبسي و كون جيت نعرفو تبسي نقلك نحن اصلا في تبسة نعانو مع المسؤولين سواءا من تبسة و الا من خاررجها لكن انا شفت عدة شعب في خنشلة و منها لغة ايطالية خاصة انا نعرف الناجحين و نحنا ما نتحدثوش على الكفاءة لكن نتحدث على مسابقة على اساس الشهادة بالنسبة للاقدمية و ........ ادخل بنفسك و تاكد من النتائج لانهم ناشرين كل شئ بالتفصيل الممل و ردلي لخبر

https://www.djelfa.info/vb/showthread.php?t=1412280

و زيد ماشي غير انا اللي نحكي في الحكاية تاع الشفافية اغلب الراسبين في خنشلة يقولو هدا منهم بعض الاصدقاء اللي ما نجحوش في اللغة الايطالية مقتنعين بالنتيجة و زيد شوف راي بعض الراسبين في خنشلة

https://www.djelfa.info/vb/showthread.php?t=1072954

ايه ممكن اللغة الايطالية مشات مليح
بالصح القائمة ما نقدرش نحكم عليها وانا عن نفسي ما يخصنيش التعليم
انا موظفة والحمد لله بالصح كاين ظلم واجحاف كبير ف باقي القوائم كاين ناس لاعلاقة وناجحين وهاذي اللي تغيض
وفي الاخير ربي يوفق كل واحد يستاهل

HODHOD HADAHID · 2013-09-09, 14:38

اقتباس:

المشاركة الأصلية كتبت بواسطة ridere

اجتزتي العام الماضي مسابقة في الابتدائي و نجحت في الاحتياط و لكن ايضا كنتي مقتنعة بالنتيجة حتى كي رسبتي و فرج عليكي ربي في الاحتياط هزوك و العام هدا فوتي في الثانوي و ما نجحتيش و ايضا اقتنعتى و انا نتمنى يفرج عليك ربي و يعطيك ما تتمني لانو ناقصنا ناس في الجزائر يكونو قنوعين مثلك تحية تقدير لك سيدتي المحترمة

ان شاء الله يا رب دعائك يستجاب لأنه هذ العام ثاني راني في القائمة ما بعد الاحتياطية في الثانوي

ان شاء الله يستدعيوني

بارك الله فيك

HODHOD HADAHID · 2013-09-09, 14:44

ممكن لي يهدر على الظلم هذا راجع لقوانين الانتقاء

المسابقة اسمها مسابقة على أساس الشهادة ولهذا الماستر أولى من الليسانس

من بين احتياطي اللغة الفرنسية ثانوي مترشح حاصل على معدل 9.4 وهو أعلى معدل في القائمة لكن يعتبر غير ناجح لانه حامل ليسانس

هنا نقدرو نهدرو على الظلم والاجحاف

نبيل سنفور · 2013-09-09, 14:55

في قسنطينة أنا شفت واحد نعرفوا مليح كان ينجح بالدزان وديما راترباج نجح؟

لكن اللي حبسلي مخي أنه أخذ العلامة كاملة في المسار الدراسي 3/3 يعني المعدل تاعوا يفوق 15/20

سبحان الله العضيم وزيد الاختصاص تاعو في المركز الرابع يعني 0.5 نقطة عطاوه 2ن والحديث قياس

نسر الأوراس · 2013-09-09, 14:59

اااالف مبروك للناجحين وحظ موفق للذين لم يوفقوا

ميمي مانو · 2013-09-09, 15:12

اقتباس:

المشاركة الأصلية كتبت بواسطة hodhod hadahid

أنا من الراسبات

لكن الحمد لله كي شفت قائمة أساتذة اللغة فرنسية تعليم ثانوي خنشلة نقدر نقول شفافية لأنه الناجحين فاتوني فقط بنقطة كشف النقاط للسنة الأخيرة

لعقوبة للاحتياط ومبروك للناجحين

الناجحين فاتوك بنقطة كشف النقاط للسنة الاخيرة ووش رايك ف راسبة كان معدلها للسنة الاخيرة 14 وناجحة معدلها 10

HODHOD HADAHID · 2013-09-09, 15:21

اقتباس:

المشاركة الأصلية كتبت بواسطة ميمي مانو

الناجحين فاتوك بنقطة كشف النقاط للسنة الاخيرة ووش رايك ف راسبة كان معدلها للسنة الاخيرة 14 وناجحة معدلها 10

أختي شوفي سنة التخرج شوفي الخبرة

معايير النتقاء ودراسة الملف غير مقتصرة على معدل السنة الأخيرة

سينو دير طعن