موضوع للنقاش

rajwan · 2013-09-04, 19:10

اريد معرفة رايكم بكل صراحة :
مارايكم في الذي يخطب فتاة و هوعلى علم انها تعمل وفي مرحلة الزواج يقول لها توقفي عن عملك و ان رفضتي سوف ننفصل ، رغم انهم قد تكلموا في هذا الموضوع في فترة الخطوبة و كان راضي بها و هي تعمل و في الاخير قرر تغير رايه .
مارايكم بهذا

ريتان · 2013-09-04, 19:51

هذا معناه معندوش كلمة

وخائن للعهد

من المفروض من الاول تتفاهمو على كل شئ

~~مراد سابقا~~ · 2013-09-04, 19:51

أنت لديك شهود في مجمع الفاتحة وتكلمتم في هذا الموضوع

أنت ليدك الحق شرعا وقانونا

لا تخافي

حميد.ص · 2013-09-04, 19:54

مشكل العمل هاذا مطروح و بقوة

ربي يجيب الخير ان شاء الله

rajwan · 2013-09-04, 20:08

في رايكم واش الحل

rajwan · 2013-09-04, 21:34

اقتباس:

المشاركة الأصلية كتبت بواسطة مراد سابقا

أنت لديك شهود في مجمع الفاتحة وتكلمتم في هذا الموضوع

أنت ليدك الحق شرعا وقانونا

لا تخافي

واش هو الحل في رايك

هاجر المدانية · 2013-09-05, 10:52

اقتباس:

المشاركة الأصلية كتبت بواسطة rajwan

في رايكم واش الحل

الحل هو المفاهمة غير بالعقل كل طرف يقنع الطرف الآخر .

سنوم 33 · 2013-09-05, 11:03

في رأي تكلمتو على هذا الموضوع في الجماعة وقبل بيه في الجماعة لو كان جيت مكان هذي الفتاة نقولو ماتناقشنيش في الموضوع لانو نهار لي حكينا فيه كان في الجماعة دونك روح تناقش فيه مع الجماعة
ومستحيل نتراجع على قراري لانو هذاك هو شرطي قبل الزواج وهو قبل بيه اذا ماهيش مشكلتي كغير رايو
هذا رايي الخاص
وهذا علاه اي موضوع من الاحسن يتم نقاشو في الجماعة باه نهار اخر مايلومكش

~~knives55~~ · 2013-09-05, 11:22

يحق لرجل ان يتحكم في زوجته كما يشاء في هي في اخير ملك له

مواطنة · 2013-09-05, 11:51

رأيي هو ان هذا الراجل اما ما عندوش كلمة واما يهدر بلا ما يخمم وفي جميع الاحوال يعتبر عندي ماعندوش كلمة و يستغل القوامة في السيطرة على حق زوجتو لي تفاهمو عليه مسبقا وغدر المراة التي يمكن ان تكون قبلت به لانه تركها تعمل
لكن في حالة ماهناك مشاكل و اختلاط مِؤذي لسمعته لازم يتدخل و يتفاهم مع الزوجة .
المراة عبدة الله
لايكرمها الا كريم ولا يهينها الا لئيم
فيه كثير من الخطاب قبل الزواج يقول لمرتو نخليك تقراي و نخليك تخدمي و نخليك........... باش تقبل و يفهمها بلي هو منفتح و يخليها تقع في شباكو و كي يتزوج بيها يبدا : ما تقرايش ما تخدميش انا قتلك ايه دوك بدلت رايي هكذا انا نحكم ............ المليح فيهم يقولها نغيييييييييييييييييييييييييييييييير عليك
هذا كلو خرطي و رجلة ناقصة
الراجل الفحل من الاول يقول للمخطوبة شروط باينين واش يحب و واش يكره بصراحة و اذا حبت تقبل بيه و اذا ما يساعدهاش لا تقبل
لكن لالا توعنا ماشي الكل كي يروح يخطب وحدة عينو فيها يدير المستحيل حتى الكذب باش يديها لانه يعتبرذلك سباقا و تحدي لازم يديها .
الله يهدي شبابنا وشاباتنا الى الطريق المستقيم وكفانا كذبا و نفاقا ولعبا بمستقبل الغير

bichaz810 · 2013-09-05, 11:55

انا في راي هذا الرجل لا تأتمنيه على نفسك لانه ليس بالامين حتى ان غيرتيلو رايو مؤقتا سيعود بهذا الكلام بعد العرس او بعد الولد الاول
مكانك فكري جيدا واحذري منه
انت كان بينكما ميثاقا غليظ وكان لديك شروطك التي تبنى عليها اركان زواجكما وهو لم يخف الله فيك
اختي العزيزة عاودي استخيري
ربما الخيرة في الانفصال وربما الخيرة في ترك العمل
ربي يسهلك بما فيه خير

فارس وجواد · 2013-09-05, 12:50

المراة واجب عليها طاعة زوجها وفي هذه الحالة لو رفضت امره وخرجت للعمل فهي عاصية لزوجها "لو كنت امرا احدا ليسجد لاحد لامرت الزوجة ان تسجد لزوجها" انا في رايي عليه ان يتخلى عليها افضل لانها فضلت العمل عليه فماذا يفعل بها.