ازر في الفرن كل حبة وحدها و بنييييييييييين

اميرة في دنيا حقيرة · 2013-08-17, 15:32

سلام حنوناتي اليوم حطيتلكم الروز بالخضار بطريقتي ومستحيل باذن الله طبعا يجيك معجن ولا ماهوش خفيف
نبداو على بركة الله حقة سامحوني ام كوثر هيا راني بديت النشاط ابداي سجلي النقاط

بعد ما بديت نكتب الموضوع اكتشفت اكتشاف اليم اني مصورتش كل الخطوات لكن كاين تصاور تحكموا بيهم يديكم متخافوش و متهربوش

شوفي نبداور بالارز تفرغي الكمية لي رااكي حابة دريها كيلوا مثلا في اناء وتحطي عليها 2 مغارف زيت و تخلطيه مليح و من بعد تحطيه يفور التفويرة الاولى
كي يفور التفويرة الاولى فرغيه في الاناء و صبي عليه ماء سخن مخلط بالملح كمية قليلة ماشي بزاف حتى يتغطي هداك الارز بالماء وتخليه شوي يترنخ فيه وتعاودي تصفيه من هداك الماء و تحطيه التفوير 2
كي يفور التفويرة 2 عاودي فرغيه في الاناء و دقيه ادا مسوس ماهوش ملح تجيبي هادي المرة ماء بارد و فيه شوي تع ملح اذا مالح مكلاه الملح و تعاودي تغطيه بالماء و تخليه يترنخ شوي وتعاودي تصفيه و تحطيه يفور التفويرة 3 حتى يطيب و متخليهش يطري بزاف وين تحسيه طرا نحيه

في هاداك الوقت تكوني طيبتي صوص حمرا ء كيما تع المعكرونة باللحم المفروم ولا الدجاج

اما الخضر تجيبي الجريوات والجزرو البطاطا البصل تقطعيهم كيما حابو نتي طوال ولا كاريات انا نفضل يكونوا طوال بصح ماشي بزاف الطول تع الحبة على 2

نبدوار شوفوا هنا كي فور كل حبة وحدها

ومن بعد تخلطيه بالصوص الحمرا ء و تخلي منها طرف مدريهاش كامل

و تحطيه في صينية الفرن

و تغطيه باه الكوش الفوقانية متيبسش ويجيك كامل طري

اما الخضر تملحيهم ودريلهم رشة فلفل اسود و تقليهم

و هاو ليك واجد جربوه يجي بنين يهبل و رجعولي لخبر هاه حقا نسيت باه نقوللكم صح عيدكم وتوحشتكم كامل

شاملة لينة · 2013-08-17, 15:36

يعطيك الصحة
هذاك الصحن ليا؟؟ هههههه

ام خالد اسلام · 2013-08-17, 15:45

يبان يشهي نموت على الروز يعطيك الصحة نجربو بادن الله

ريتاج تيارتية · 2013-08-17, 15:52

امممممممم يبان يهبل كاش نهار نجربه ونردلك الخبر بارك الله فيك ويعطيك الصحة

اميرة في دنيا حقيرة · 2013-08-17, 15:53

اقتباس:

المشاركة الأصلية كتبت بواسطة شاملة لينة

يعطيك الصحة
هذاك الصحن ليا؟؟ هههههه

الله يسلمك حنونتي راه ليك بسم الله

اقتباس:

المشاركة الأصلية كتبت بواسطة ام خالد اسلام

يبان يشهي نموت على الروز يعطيك الصحة نجربو بادن الله

الله يسلمك حنونتي جربيه مراحش تندمي

ام فريال · 2013-08-17, 15:54

رائع يعطيك الصحة

اميرة في دنيا حقيرة · 2013-08-17, 15:55

اقتباس:

المشاركة الأصلية كتبت بواسطة ريتاج تيارتية

امممممممم يبان يهبل كاش نهار نجربه ونردلك الخبر بارك الله فيك ويعطيك الصحة

رتوجة واش راكي حنونتي جربيه مراحش تندمي راح يعجبك

ايمااان · 2013-08-17, 15:55

يبان يشهي قوليلي كيفاش درتي لاصوص و قوليلي تاني ادا طيبتيه في الماء في الاول

أيادي الأمل · 2013-08-17, 15:56

يبان بنين

بارك الله فيك

الأمنيات · 2013-08-17, 15:58

يعطيك الصحة اختي ماشاء الله

أم محمد تاج · 2013-08-17, 15:59

رووووعة يا أموورة ويسلم يديك حنونة

اميرة في دنيا حقيرة · 2013-08-17, 16:03

اقتباس:

المشاركة الأصلية كتبت بواسطة ايمااان

يبان يشهي قوليلي كيفاش درتي لاصوص و قوليلي تاني ادا طيبتيه في الماء في الاول

امانوا حبوبتي مرحبا بيك لا حنونتي ما يطيبش في المااء نقولك علاه على خاطر يشرب الماء كي نتي تحبي تسقيه بالصوص يسيب من تحت الماء
اما الصوص دريها عادي كيما تع المعكرونة طماطم من 2 مغارف حتى ل 4 مغارف كبار على حساب كمية الارز وبصل ودجاج و رقة تع رند والافاحات والدجاج و التوم و الماء دافي والملح و تخليها حتى تعقد مليح

اقتباس:

المشاركة الأصلية كتبت بواسطة amina alg

يبان بنين

بارك الله فيك

وفيك تبارك الله حنونتي منورتني