الاخت yarasmin26 ترد على استفساراتكم هنا

[manel manou97]

السلام عليكم و رحمة الله تعالى و بركاته
اخواتي انا البارح عملت قاطو
العجينة فيها الفرينة و الزبدة و ماء الزهر و لافاني و السكر القلاصي
و الحشو فيه اللوز المرحي و بيضة و السكر قلاصي
بس لما طاب القاطو الحشو تبزعت و تنفخت و فزدت شكل القاطو
اذن ما هو الخظا اللي عملتو حتان ادى بالحشو انها تتنفخ و تكبر

[**د لا ل**]

السلام عليكم
حبيت نسقسي بشأن حشوة الكورني
انا اول مرة نخدمو
ولما حشيتو سالت حلوة الترك والكاوكاو والعسل

مان عرف الا جريتها بالعسل والا السخانة بزاف

ممكن تساعديني باعطائي الطريقة الصحيحة باش ما تفسدليش الحشوة


وجزاكم الله خيراا

[yarasmin26]

المشاركة الأصلية كتبت بواسطة لالة مريومة

اختي ياسمين
أمي كل ماتصنع البقلاوة هاذوك الاوراق او الجزء العلوي دايما يتنحى فما هو الحل لو سمحتي؟

راكي تقصدي اوراق التزين اذا هما مرة اخرى تمسح اعليهم من الاسفل بياض البيض فقط ايشدو معاها

[yarasmin26]

المشاركة الأصلية كتبت بواسطة ابنة الاسلام

السلام عليكم اختي يارسمين

عندي مشكل ديما يصرالي انو عجينة اي قاطو يكون فيها 250 زبدة تجيني مزيتة بزاف ونقعد خايفة نزيدله الفرينة تقسى لي العجينة ماهو الحل ؟؟

مثلااا في المشوك

ولا اللي درتو اليوم les russes

نتمنى تعطيني حل

صح فطورك وربي يتقبل منا ومنكم

هذا المشكل اصاب الجميع في هذا العام حتى انا مسلمتش منه المشكل راه في الفرينة نسبة الرطوبة كبيرة واحسن ماركة هذا العام فرينة المولا moula وعن تجربة متتطلقش الزيت جربي هذه الفرينة ورديلي الخبر

[سامو حنان]

صاح عيدكم ،،،، انا حبيت نعمل تارت الليمون ماعرفتش اذا ب pate brisée و لا pate sablée و حدة نعرفها اديرها أجي بنينة و كأنها pate feuilleté انا ندير بريزي ونرققها ،،، ماعرفتش اين السر ؟؟؟؟؟؟

[yarasmin26]

المشاركة الأصلية كتبت بواسطة said bouh

اولا انا سيدة، شكرا على آلمجهود
عندي مشكل مع البقلاوة،مانعرفش في اي رقم تاع المشينة نحل العجينة
ايضا كي نعسلها تلصق في المول
ايضا كم نحط العسل باش متجيش حلوة بزاف

في الرقم ماقبل الاخير
قبل وضع العجينة ادهنيها بالزبدة ذايبة
عسل ساخن مخفف بالشاربات ثقيلة شوية والعبر قدما تشرب يعني حسب مقدار الكوكاو اذا كان كيلو ديري العسل كيلو

[yarasmin26]

المشاركة الأصلية كتبت بواسطة hanan18

السلام عليكم
اختي لو سمحتي عندي سؤال متعلق بقلاصاج الشيكولا للحلويات
ما هي الماركة الجيدة لانه كل مرة ميصلحليش لما نذوبو في حمام مائي يجي ثقيل و القلاصاج ما يجيش شباب
بارك الله فيك
صح سحوركم

كاين نوعين من قلاصاج الشكولاطة
1- نوع كله شكولاطة ذائبة مع الحليب حتى تصبح شبه سائلة
2- ديري القلاصاج انتاعك عادي وخليه ابيض واضيفي له الكاكاو وذوق البندق والقلاصاج راه جاهز

[yarasmin26]

المشاركة الأصلية كتبت بواسطة amiramirna

حبيبة جزائرية حنا نديروه ناشف فطبسي العشاوات '' جفنة عندها غطاء بالاينوكس '' و لما نحبو ناكلوه نعسلوه


انا تستعمل موكا و لازمك تزيديلو القليل من الماء و تخلطيه جيدا


عذرا سيدتي يارا يسمين جاوبت في مكانك
و انا من متتبعات وصفاتك تعجبني و كلها ناجحة ما شاء الله خاصة النصائح جد قيمة ربي يجازيك كل خير

المشاركة الأصلية كتبت بواسطة شوشو 11

صح صيامكم اخواتي
حبيت اعرف الطريقة الصحيحةلتدويب الشكولا وبدقة
على خاطر مرات تجيني شغل سايحة او فيها حبيبات

شكككككرا

خطرات نوع الشكولاطة ايكون درجة 2 واجيك حرشة مرة اخرى شوفي تاريخ الانتاج
او من الاحسن ديري حبيبات الشكولاطة نوع بيبيت pipite وذوبيها على حما مائي مع شوية حليب وبقى تضيفيفي الحليب حتى تصبح جاهزة

[هجيرة1]

المشاركة الأصلية كتبت بواسطة هجيرة1

اختي ياسمين وشي هي عجينة التثليج رحت باش نشري لا بات داموند عطاني عجينة التثليج اشريت اوحرت فيه اريد ان اعرف كيف تذوب عجينة التثليج وفى ماذا تستعمل
هدا صورة علبة
[IMG][/IMG]

[besbes]

من فضلك اختي نحب ندير عجينة لتارتولات صالي ونفسها لي كورني لكن علي قد فهامتي مانحبش هديك اللي تجي بنة الزبدة قاوية فيها يعني بات بريزي انتم الفحلات اعطوني عجينة كما فهمتوني الله ينصركم

[fadila34]

السلام عليكم وصح عيدكم اختى حاب نسقسى حشوة قاطو الورقة او الجوزية فيها 3كيلات لوز 1كيلة سكر او نصف كيلة وسكر حرش او رطب وشكرن على المجهود

[wala]

السلام عليكم وصح عيدكم وربي يباركلم في حياتكم واش راكي عزيزتي ياراسمين عيدك بالصحة رالهنا ربي يجازيك كل خير حبيت نجاوب الاخت هجيرة عليعجينة التثليج انا استعملتها في حلوي صابلي جات رائعة خدي ربع العلبة ضعيها في حمام مائي ضيفي قطعة زبدة الحليب فنجال و ملعقتين من شيكولا كاكاو وخلطيها قطرات من ماء الزهر كوسونطري كلاصاج من اختراعي لكن والله ناجح واريد من الاخوات او عزيزتي ياراسمين تجاوبنا واستعمالة الحقيقي لانوا مازال عندي

[ome dadi]

سلام عليكم اختي ياسمين عندي سؤال ماهو فرق بين عطر اللوز الحلو وعطر اللوز المر وٍٍِِِآينا نستعمل

كل واحد منهم وجزاكي الله خير وعفوا على ازعاج شكرررررررررررررررررررررررررررررررررررررررا

[سهى سارة]

السلام عليكم

بارك الله فيك على المبادرة الطيبة وجزاك خيرا ان شاء الله

عندي سؤال على الخميرة الكميائية والخميرة الفورية كي كونو في عجينة وحدة كيفاش نستعملوهم

الأنو استعملت لامونة الوهرانية وبيتزا تع الهام ماتنفخوليش وظهرو نقاط حمراء فالعجينة بعد الطياب

مشكورة

[noha_ali31]

اشتريت المارشملو لكن عندفتح الكيس وجدته يابس شوية مادا اعمل لكي يعود هشا ارجوك ساعدني