شكرا لمروكم جميعاااا ...
بالنسبة للي سال على اللحظة ماراهيش رايحة تبان واصلا كل فلان مخلط فيه دوق معين يغطي على اي طعم اخر وممكن تستغناو عليها لكن عندها ادوار مهمة فالوصفة
اولا تزيد من جودة الحليب لانو تعرفو حليب الشكاير عندنا كلي ماء وتانيا تعدل حلاوة الفلان كاين الى داروه بلا بيه جاتهم حلوة شوية وتالتا تخلي الايسكريم يصبر مايدوبش بلخف كي تخرجيه من المجمد
اما بالنسبة لسؤال 50 غ شانتيي شحال من مغرف هي تقريبا كيما تديري اللحظة يعني من 2 ال 3 ملاعق شانتي الاحسن 2 معمرين مليح
وسؤال عن بديل الشانتيي لست متاكدة لان المتلجات كيما هادي تتحضر بالكرام الفراش اي القشطة ولي كي تتضرب تولي شانتيي ولي بلا قشدة تتسمى سوربيه كيما الكريبوني يعني وصفة غير عن هادي لكن هناك وصفات اخرى مافيهاش شانتيي تتحضر بالفواكه والياغورت
نصائح .
استعمال الحليب البارد يساعد على تختر الخليط يعني يطلع وحتى لو ماطلعلكمش لانكم استعملتم الحليب الدافئ و بقى سائلا قليلا حطوه يبرد في العلبة المغلقة شوية وعاودو ضربوه راهو يختر عادي كما يفترض ان يكون
العلبة نفسها ممكن تخلطو فيها وتغلقوها وتحطوها فالبراد بلا ماتستعملو اناء تخلطو فيه
المتلجات تحطوها في المجمد الى نسموه الفريغو يعني الي نحطو فيه الجلبانة وغيرها بلا ماتشكل تجمد وتولي حجرة ولي ماعندهاش في تلاجتها خاصة النوع القديم قليلا ضعيها فالكونجيلاتوغ عادي ولكن خرجيها وضربيها ساعة على ساعة ل 3 مرات اما بالخلاط او بالفويي ولا فرشيطة برك باش تجيكم كيما المتلجات العادية .
الشانتيي ماتحملش بزاف التضراب يعني ادا خلطتوها لازم واحد اقل من دقيقة وتولو تشوفو خطوط الباتوغ تبان يعني تولي تشبه للموس وكيما قلتلكم ادا طولتو وما حبتش حبسو ورجعوها تبرد شوية ومنبعد كملو لانو ادا طولتو بزاف رايحة تفصل وتفسد تولي حليب وزبدة متلها كمتل الكرام فراش
يمكن استعمال اي دوق في هده المتلجات فانيليا فراز كرمال شوكولاطة وحتى اضافة طعم اكتر عند الخلط متل الكاكاو للشوكولا تزيد تخليها بنينة خير وحتى الفلان الكرامال يجي معاه كيس صغير استعملوه للتزيين كي يبرد المهم اي دوق تريدونه يعتمد على الفلان ولي تحبو بلا سكر تستعمل فلان لايت .
قدموها وتفاخرو بيها واستمتعو بيها مع احبابكم وضيوفكم وتفننو ا كيما تشوفوها فالمحلات المتخصصة حطو البنان وفوقو المتلجات ، او متلجات فتو فوقها شوية قفراط او شكولا مبشورة او صوص كرامال، حطو لها من فوق اي نوع قاطو تحبوه كيما الاوريو ، قدموها مع الكراب او كؤوس من الشكولا او اي نوع كيك طري
( تقرير عن مشاركة سيئة )، و الموجودة أسفل كل مشاركة .
2013-07-25, 20:53
العرض العادي
