طلاقي بعد شهر زواج - الصفحة 2

/زهرة عصفور الجنة/ · 2013-07-21, 18:11

اختي ما هو السبب الرئيسي لشجاركما في ثالث يوم للزواج

الفولاذ الحي · 2013-07-21, 18:14

اقتباس:

المشاركة الأصلية كتبت بواسطة hour28

السلام عليكم و صح رمضانكم انا فتاة عندي شهر زواج و من النهار التالت لزواجنا بدات المشاكل بيني و بين زوجي لدرجة انني ما عجبنيش الزواااااج نهائيا و بدات الالفاض السوقية و زوجي ما يعرفش معنى النقاش يثور و احنا في بداية الكلام و يعيط و انا ساكتة تشوكيت من الزاواج قلل من احترامي و اسمعني كلام عيب اني نكتبه في عشرة ايام زواج و في الاخير على جال البورتابل قالي نحي هده لابوس لانها لالين تارت ثائرته و بهدل بي في وسط الشارع و ضربني و حلف بالمصحف اني ادا خرجت لن يرجعني انا راني في دارنا و مانيش راجعة و البارح جاء يرجع في و ماهوش نادم انا حابة نطلب الطلاق و ماما تقلي كيفاه عندك شهر زواج تتلقي و تولي مطلقة و انت في عمر الزهور للعلم هدا ابن عمتي و في فترة الخطوبة شحال و انا نحب نبطل لكن يجي و يبكي و تدخل امي و امه نولي نرجع رغما عني افيدوني ارجوكم راني كرهت لولا قول الخمد لله على كل حال

قصتك حزينة اختي

صراحة اختي اطلبي الطلاق مباشرة لان الرجل الذي يضرب زوجته في الشارع امام الناس هذا ليس رجل بل حيوان (لقد تجاوز كل الحدود)و لو كنت اختي و تجرا على ضربك لا اخد طريحة تاع الكلاب و نمسح به الارض و يدفع الثمن
ملاحظة تجنبوا زواج الاقارب لسليياته الكثيرة هل قل او انقرضوا الرجال حتى تتزوجي بامن عمتك صراحة امركم عجيب هناك عائلات مازالت في عصر الحجري و كذلك ماهو مستواه التعلميى و المهني هل لكما نفس المستوى

hour28 · 2013-07-21, 18:17

هده ليست اول خصومة ففي ضرف عشرين يوم اربعة خصومات و عياطات و نصبر و ما نهدرش و نقول لابد علي بالصبر لكن الخصومة الاخيرة بها ينتهي كل شئ و ما قصديش اني ندير الخلع لالا ارفض الرجوع و نتطلق بالتراضي حتى هو كي قلت مانيش حابة نرجع ما جانيش بالحنية ولا كلام مرتب تحس بالي راه نادم نولي نرجع هو كي سمعني قال ايه خلاص حتى انا ما نرجعش و طلب من ابوه ينوض و خلاص

hour28 · 2013-07-21, 18:22

للاخت اللي تسال عن سبب العفار من تالت يوم تافه جدا اعزكم الله قلت له خرج ساشي لابوبال قالي راكي دايراتها سوجي و كل مرة تقوليلي عليها و في الاخير نعتني بعرة النساء واش شاف مني حتى يقول علي كلام هكدا انا راني مصدومة و هو اللي اول حاجة شكروني فيها بعد جمالي هي اني فحلة و قافزة

ندى النسرين · 2013-07-21, 18:25

ان ابغض الحلال عند الله الطلاق
لكن اختي لازم تخمي مليح فلكل منا جانب سلبي وايجابي
كما ان هناك فترة خطوبة كيفاه معرفتيش عقليتو الا بعد الزواج
لكن ان كنت مصصمة على رايك
خير من مرة اخرى يكون عندك اولاد ومسؤوليات
ربي يوفقك لما يحبه ويرضاه

مريم الصابرة · 2013-07-21, 18:36

السلام عليكم
للأّسف هذي نتيجة الزواج من الأقارب انا نقولك ما تتسرعيش عندها الحق يماك هذا زواج وعندك شهر لكن ما ترجعيلوش لازملو قر صة وذن فالدار بينك وبينو الزواج راكي تكتشفي فيه عادي يعيط تعلمي تتحملي هذا هو الزواج عندبالك كيما المسلسلات لكن فالشارع لا ويضربك هذا إسمحيلي فات حدو لازملك تقعدي وتخليه يندم ويحلل ومن بعد لازم والدك يحذرو تحذير اخير ومديلو فرصة كان عاودها ما دمريش حياتك معاه على جال عمتك وعلى جال هدرت الناس اليوم خير من غدوى وخير من تولي بالأولاد انا نقول مديلو فرصة وشوفي راكم للزوج تكتشفو في حياة جديدة لازمك تصبري موفقة

sabra2009 · 2013-07-21, 18:37

الله إيفرج عليك أختي..
أنا مطلقة أيضا بعد ماصبرت وشفت الويل من زوجي وأمه...
صدقوني وصدقوني عن تجربة أن الزواج قائم على الرجل. إذا كان حنين ويقدر مرتو كلش إهون أما إذا كان قاسي القلب فقل سلاما.. أنا زوجي كان إشوف أمو كي تظلمني ويسكت كون جاء إيطيب خاطري بكلمة وحدة والله نسكت..
سؤال أختي كيف هي علاقتك بعمتك؟ وما موقفها؟؟

wafa16 · 2013-07-21, 18:41

لازم يحترمك راكي مرتو ماشي صحبتو باش يسبك او يقولك كلام بديئ
يالوكان بعد 20سنة
انا ما ننصحكش تطلقي لكن ارجعي بشروط
خليه يجري كي الكلب اعزكم الله بالاك يتعلم يهدر كي الناس
و غدوا يعودو عندكم دراري كيفاش تربوهم في هاد الجو و هاد البيئة
يكبرو على الشجار و السبان على امور تافهة

أبوعبد الرحمن39 · 2013-07-21, 18:45

اختاه هذه مشكلة تافهة وعليك بالحرص على الصلح فهو خير وأما طلب الخلع فاسمعي قول النبي صلى الله عليه وسلم المختلعات هن المنافقات يوم القيامة . أي يطلبن الخلع بدون سبب شرعي وأيضا جاء ت امرأة لعمربن الخطاب رضي الله عنه قالت له إني لاأحب زوجي فقال لها لاتقولي هذ ا فقليل من البيوت بنيت على الحب وإنما الاسلام والحسب

hour28 · 2013-07-21, 18:47

علاقتي بعمتي ممتازة دارتني خيرمن بناتها و مع البنات تاني كنت كي نروح لدار عمتي نستراااح بزااااااااااااااااف و هي داير فيه الضلم لانها شافت بعينيها

sabra2009 · 2013-07-21, 18:59

شوفي كي عادت علاقتك مع عمتك مليحة زيدي أصبري إن شاء الله يهديه.. أنا كل تفاهموا علي نوكل عليهم ربي

بسمة تحدي · 2013-07-21, 19:03

اختي الغالية اصبري وتحمليه وضعك متزوجة احسن من المطلقه

ياحبيتى ... فكرى مليون مره قبل تاخذى قرار

هو صح المرأة من الصعب تقبل الكلمات الجارحة

نحي فكرة الطلاق من بالك واجعليها اخر حل لا اولها

لحياة كلها مشاكل لكن تحتاج لصبر وحكمة وحاولي انك

تتقربين لزوجك ولاتقصرين معه ولا تعاندينه وتوددي اليه وحاولي تتفهمي معاه باحسن الطرق

واسمعيه احسن الكلام

ان رأيته غاضب فلا تزيدي حدة التوتر

سأعطيك وصفه جميله جداااا وناجحة بإذن الله

اتعلمين ماهي ..

صلاة ركعتين .. في اي وقت .. ودعوة الله فيهما والالحاح بالدعاء

ولتعلمي ان الله قريب ويكون قريب من عبده اذا سجد

فادعي الله في سجودك ان يهدي زوجك وان يصلح مابينكم

وان ينزل المودة والرحمة بين قلبك وقلبه

meriem hanin · 2013-07-21, 22:23

لا حول و لا قوة الا بالله
يا ختي الطلاق مش ساهل
و الزواج ثاني مش ساهل ماهوش عرس و زغاريت و لبسة و تحواس و زهو راهو مسؤولية كبييرة و انتي راكي بديتي تقشلي في او الطريق
شوفي اختي من رايي زوجك يحكي معاه واحد كبير من عايلتك باابك و الا خوك و الا عمك و يتفاهمو
لكن ماننصحكش بالطلاق نهائيا
استغفري مولانا العظيم و حطي راسك في عقلك و ربي يكون في عونك

imane seif · 2013-07-21, 22:46

khti 7abit nsa9sik hda konti ta3rfih man 9bal

AMINA.Z · 2013-07-21, 23:04

كيفاه في الاول كي كنت مخطوبة ما قدرتيش تفرضي رايك و تبطلي الزواج

و درك كي تزوجتي زعما قادرة تفرضي رايك و تطلقي !!!!!

انتي ابقاي بعيدة عليه فترة حتى تهداي و خممي

قادرة تصبري عليه و لا لا

حكاية الضرب هادي هي اللي تخوف

كون جيت في بلاصتك ماما تقولي ماكانش دار تبنات و مازالت قايمة لدرك

كون ماش المرا صبرت على راجلها و تحملتو