لنتشارك للتحضير بهدوء للشهر الفضيل

[أماني نور]

أولا راكم سخفتوني خلاص و فاتوني صفحات بزاف ان شاء الله كا مانقعد نقرا شوية باه نستفيد معكن.....انا مازالنا ماوجدنا والو تقريب عندنا عرس في جوان تع سلفتي....كي يكمل ان شاء الله نوجد...هاداك هوا نكون لميت الافكار....خبينا برك الجلبانة و القرنون و خبيت شوية زاست تع البرتقال ....أكيد نضفت الكوزينة مليح (مازالت جهة برك) كي ان شاء الله يفوت العرس حابة ندير شوية حميض مشوي نخبيه لرمضان باه في رمضان مانضيعش فيه الوقت و ندير شوية عجينة مورقة تاني نخبيها منين نحتاج نجبد نخدم بيها....مازال اليمون ماخبيتش (نموت عليه) و بالمناسبة عجبني الثوم الغبرة بالاك ندير...يخي يصلح نضيفوه في الأكل (في البرمة) مش غير تع المشاوي؟؟؟ و ندير تاني هريسة خضراء شفتها هنا في المنتدى سخفت عليها......ربي يبلغنا رمضان بخير و عافية

[zora1411]

شكرا على الفكرة و بارك الله فيك التحضير لشهر رمضان من طرف ربة البيت ميزته حسن التدبير من بداية السنة نبدأ بالمخللات مثل الفلفل الزيتون و الخضر كالجزر و البسباس و بذنجان ثم المعاجن مثل معجون البرتقال و الليمون و الفراولة بعد تجميد فواكه الموسمية لعمل المشروبات مثل البرتقال و الليمون و الفراولة أيضا و في الأخير اللحوم

[nina32]

موضوع رائع وافكار في القمة بوركتم

[nina32]

بالنسبة لي بدات في التحضير مثلا اشتريت العينة والزبيب والمشماش الجاف واللوز وعلب من الانناس

كما درت القرنون في المجمد مع الجلبانة والتمر راني دايراتو هذا شحال وكذالك الدجاج كل خطرة نشري 2 جاجات نخبي منهم غير لكويس........

ومزال التحضير قائم مزالي التوابل واشياء اخرى

[nina32]

بالنسبة لي بدات في التحضير مثلا اشتريت العينة والزبيب والمشماش الجاف واللوز وعلب من الانناس

كما درت القرنون في المجمد مع الجلبانة والتمر راني دايراتو هذا شحال وكذالك الدجاج كل خطرة نشري 2 جاجات نخبي منهم غير لكويس........

ومزال التحضير قائم مزالي التوابل واشياء اخرى

[تغرينية]

شكرا لصاحبة الموضوع
والى فحلات المنتدى
وشكرا على افكارهن لتسهيل علينا شهر العبادة

[تغرينية]

حتى انا درتولي الهمه ابتداء من هذا الشهر خبيت 1طماطم مصبره والسكر والقهوة ونحيت شويه زيت وصابون الاواني وجافيل
وحبيت الجلبان والفول المهم هذا العام راح ينقص شويه مصروف

[تغرينية]

نفيدكم بتجروبتي مع القصبر نشري القصبر ثم نغسله ثم نشفه ثم نديروا بقات صغيره قد مانستعمل للمرة الواحدة ونعزم كل ربطة لوحدها ونضعها في اكياس التجميد وعند الاستعمال نرميها وهي متجمده للقدر
ماتخافوش راح تبقى ريحتها برك لما تشروه اشرروا نوعية مليحه فيها الريحةاوبنت القصبر

[سامو حنان]

أخواتي لقيت طريقتين لحفظ القرنون واحدة بلا مايطيب و الثانية يتحط في الماء و فرنية. ،، ما هي أحسن طريقة ،، و كي نجبدها هل نخليه يديكونجلا و لا هكذاك باش يندار دولمة ؟؟؟؟

[nabila222]

ناضج وتنقيه ودائما الليمون بجانبك مرة على مرة امسحيهم وكي تكملي حطيهم في كسكاس وحطي في طباخ انتاع الكساس الليمونات لي مسحتي بيهم وزيدي عصير حبة ولا زوج حسب الكمية لي عندك ومن بعد حطيهم في ساشي ماشي بورتمونجي على خاطرش الساشي يتنحالك بسهولة وما يتكسرش ,اما عن طريقة التحضير لازم كي تكوني رايحة ديري دولمة ما تخليش ديكونجيرا نحي القلاص من الوسط يعني تفتحي الحنفية اسخونة وتمسحيهة في الوسط ومن بعد نشفيها بواسطة اوراق المطبخ واحشيها عادي وكي تحطيها في الطبخة انتاعك ما تحركيهاش بزاف يعني تقدري تحكمي الطنجرة ودوريها فقط اما اذا كنتي حابة ديريها مع الجلبانة كي تجبديها من الكونجيلاتور حطيها ديراكت مع الجلبانة وهذي الطريقة مجربة فقط دعوت خير
موضوع في القمة وفي وقته اما بلنسبة للاخت ليطلبت ترقيد القرنون انا عندي3سنين ونا نرقد فيه وناجح معايا وما حوستش علي كيفية اخرى وهي ,تنقي القرنون انتاعك ولازم يكون

[nabila222]

عفوا علا الكتبة راهي مقلوبة هذي لي عندها الذراري وليدي حاب يكتب معايا

[nahir]

السلام عليكم.من الممكن تخزين الطمام.و ذلك بغسلها ثم تقشيرها و هرسا ثم غليها حتئ تنضج.وحين تبرد نتبلها بالملح و نضعها في des boites et en les fait congelé.bisous

[سامو حنان]

المشاركة الأصلية كتبت بواسطة nabila222

ناضج وتنقيه ودائما الليمون بجانبك مرة على مرة امسحيهم وكي تكملي حطيهم في كسكاس وحطي في طباخ انتاع الكساس الليمونات لي مسحتي بيهم وزيدي عصير حبة ولا زوج حسب الكمية لي عندك ومن بعد حطيهم في ساشي ماشي بورتمونجي على خاطرش الساشي يتنحالك بسهولة وما يتكسرش ,اما عن طريقة التحضير لازم كي تكوني رايحة ديري دولمة ما تخليش ديكونجيرا نحي القلاص من الوسط يعني تفتحي الحنفية اسخونة وتمسحيهة في الوسط ومن بعد نشفيها بواسطة اوراق المطبخ واحشيها عادي وكي تحطيها في الطبخة انتاعك ما تحركيهاش بزاف يعني تقدري تحكمي الطنجرة ودوريها فقط اما اذا كنتي حابة ديريها مع الجلبانة كي تجبديها من الكونجيلاتور حطيها ديراكت مع الجلبانة وهذي الطريقة مجربة فقط دعوت خير
موضوع في القمة وفي وقته اما بلنسبة للاخت ليطلبت ترقيد القرنون انا عندي3سنين ونا نرقد فيه وناجح معايا وما حوستش علي كيفية اخرى وهي ,تنقي القرنون انتاعك ولازم يكون

بارك الله فيك

[nabila222]

المشاركة الأصلية كتبت بواسطة سامو حنان

بارك الله فيك

وفيكي بركة راني هنا

[ام ريما]

الموضوع جد قيم شكرااااا لكن انا راني خبيت الجلبانة و الطماطم و التمر و الحامض و درت الثوم غبرة و شريت الزبيب و العينة ة المشماش و تاني شريت الانناس و الكيوي بلا ما ننسى الطماطم المصبرة و القرنون نمسحو بالحامض و ندير كل حاجة ف صاشي و الى المجمد و حتى الدبشة و الحار خبيتهم اللهم بلغنا رمضان