كرهت نصبر

[مشكلتي]

سلام الله عليكم ياخاوتي واخواااااااااتاتي

انا راني بزااااااف مقنوطة و الله

محتاجة استشارتكم انا عرسي كان مقرر في ديسمبر و لكن زوجي قالي يتاجل لمارس و المشكل انو انا و راجلي هدي مدة 6 سنوات نتعارفو

و عقدت في البلدية و درت الفاتحة هدي 8 اشهر و سبب تاجيل زواجي انو زوجي مازال ماخلصوه لانو عندو شركة صغيرة في فرنسا يعني و راكم عارفين يطولو باش يخلصوهم
و الله خلاص كرهت نصبر و اهلي ماعلابالهم كيفاش انقوللهم ماراني عارفة و خاصة انو الفيزا مامازال بزاف تخرج ليا

حتى دخلني الوسواس راني نكتب و نبكي قلت بالاك كاش تابعة و الا سحر راه يتبع فيااا راني

[محب الحكمة]

اذا قدرت تصبري حتى لديسمبر...هنا تقدري تصبري لمارس....و عرس مارس و الربيع أفضل من عرس ديسمبر و الشتاء..و قولي للدار مشكل أوراق..لكن اذا زادك فوق مارس بيوم فقط.....هنا يظهري راه يلعب ماراهش جدي..و انصحك ان تبعدي على هذه الافكار لي في راسك السحر و التابعة..ربي عنده كل خير....هذه نصيحتي ليك على حساب الموضوع تاعك..لان الموضوع ناقص من بزاف جوانب انت ماحكتيش عليها....6 سنين و انتما مخطوبين..8 أشهر و انت دايرة الفاتحة........

[إيمان احمد]

rabi yakon ma3ak

[خولة121]

ارقي رقية شرعية باش تنحي السحر
استخيري و توكلي على ربي

اما في رايي
اختي انا راني صغيرة في العمر شويا بصح ننصحك ماشي على اخر سبولة قطع صبعو
زيد اصبري شوي وربي ان شاء الله يوفقك
مامزالش قدما فات

وعرضينا للعرس ان شاء الله رانا كامل نجو (منتدى الجلفة)

[hamzagolf6]

نتي صبرتي 6 سنين ماقدرتيش تصبري 3 اشهر
اصري وخلاص

[amina2688]

ولا تقنطوا من رحمة الله
والله اختي مشكلتك هذه ليست نقطة في بحر من المشاكل التي يعاني منها البعض وانا واحدة منهم
بصح والله العظيم ما فكرتش اني نكل عجزت ومقدرتش نصبر صح الواحد يكره بصح وش راح يدير.........
المهم انصحك ان لا تقنطي من رحمة الله فكل شيء باجله وعليك بالصبر والصلاة
ومدام زوجك عقد يعني راك تنحيتي من المشكل الاكبر ونيتوا راهي مليحة احمدي ربي سبحانوا واصبري للربيع
واذا ما سلكوش قلوا يدير حاجة على قد الحال وانت ارضي بحفل ضيق وبسيط والفايدة في الهناء
بالنسبة الاهل انصحك انك تصريهم بكل التفاصيل وربي يوفق ان شاء الله
هذا راي شكرا

[منهاج]

السلام عليكم

اصبري فوق صبرك شوي راح الكثير بقى غير القليل وحاجة تاني ابقي على صلاة الاستخارة لانها راح تبين

كلشي ادا كان على حق ربي يبين وادا راه يلعب راح ينكشف في اسرع وقت ربي يهنيك وختي ويكتبلك الخير .

[منهاج]

السلام عليكم

زيدي اصبري فوق صبرك شوية راح الكثير لم يبقى الا القليل وابقي على صلاة الاستخارة راح تريحك

وتبين كلشي في اسرع

[RISA]

asbri wd3i wrabi jib lkhir

[ترب الندى]

السلام عليكم

يا رب يفرج همك و يسر امرك و يرحم ضعفك


اصبري ما عليه
انتي صبرتي كملي حتى لمارس و ان شاء الله ما يكون غير الخير
ادعو الله الواحد القهار ان يشرح صدرك يا رب العالمين

سلام

[الجليس الصلح]

[z.abdo]

لا يا اختي ما تزعفيش روحك

المهم انت مقتنعه بكلامو مش يكذب عليك اذا ما تعمريش راسك بحواج لا اساس لها


هذا عمل الشيطان يوسوس للناس من اج الإحباط والكئابة إذا انزعل عليك الأفكار السلبية

واتقربي من الله بالدعاء هو اللي المفرج

[أم محمد و آيه]

ربي راه داسلك نهار مبروك وتفرحي فيه ان شاء الله

مدامك صبرتي وصبرتي يجي نهار اللي تنسي كل محاينك

الله يهنيك ويفرحك ان شاء الله

[F6AZZEDINE]

السلام عليكم و رحمة الله و بركاته
قال تعالى: ((﴿إِنَّ الْإِنْسَانَ خُلِقَ هَلُوعاً (19) إِذَا مَسَّهُ الشَّرُّ جَزُوعاً (20) وَإِذَا مَسَّهُ الْخَيْرُ مَنُوعاً (21) إِلَّا الْمُصَلِّينَ (22)))
و قال: ((وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ))
و عدم الرضى بالقضاء و القدر أمر لا يجوز فالإنسان لا يأمن مكر الله ,,,, فقد يتغير كل ما يخطط له بين الفنية و الأخرى،،، فأستغفري الله و أسأليه أن يتم نعمته عليك و أنت موقنة بالإجابة و سترين العجب العجاب.... فلو رجعت بذاكرتك إلى الوراء قبل سنة كيف كانت حياتك و كيف أصبحت....

لا تنسي قوله تعالى : ((وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ * الَّذِينَ يَظُنُّونَ أَنَّهُمْ مُلَاقُو رَبِّهِمْ وَأَنَّهُمْ إِلَيْهِ رَاجِعُونَ))

((وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ))

صدق الله العظيم

نسأل الله أن يفرج كربته و أن يذهب عنك الهم و الحزن

و السلام مسك الختام

[زهرة البيت]

أنا كان في جوان رجع في سبتمبر تغششت ومن بعد رضيت كلش بالمكتوب متقلقي روحك ما والوا والديك رايحين يتفهموا وانتي متكبريش القصة وربي هو لي يسهل الأمور