عصاة الخدمة الوطنية. و المحكمة العسكرية

[hichame47]

السلام عليكم يا لحباب
البارح رحت للمحكمة العسكرلاية بوهران ف النرسى الكبير
و قد جرى كل شئ بصفة عادية
دخلونا بعد التفتيش و الاجراءات تالروتينية
و من ثم دخلق عند قاضي الضبط و قلتلو عندي ملف كفالة و بدون اي عراقيل و بلاما يطولو علينا حوالي نصف ساعة فقط
قالي روح لقاعة الانتظار و درك ناديلك
منبعد عيطلي و قالي هاك الملف ديرلو نسخة طبق الاصل و جيبولي
كي رجعت اعطيتلو النسخة و الاصل و اعطاني رسالة موجهة الى الدرك و سورسي فيه شهرين و قالي بعد ما توصلنا التحقيق رانا نرسلولك استدعاء و رجعت للبيت العجيب لله الحمد
للعلم خاوتي كاين ناس لقيتهم تم عندهم خاوتهم كبار و ماشي متزوجين و ما عندهمش انفصال و كاين لي عندهم الكفالة لي يخدموها بالشهود و حكمو عليهم الملف و كل شئ عادي
المهيم لي يروح يدي اكبر عدد من الاوراق ممكن و الله ولي التوفيق و اذا كان عندكم اسئلة راني نخبر خاوتي
شكر كبير الى كل الاخوة و خاصة الاخ هاني و الخ محمد و الاخ صابر

[abdeldjalil147]

الحمد لله على رجوعك أخي هشام انا كي ما بنتش البارح قلت واقيلا الداوك هههههههههههه
المهم اجرات امليحة في وهران ؟
انا تاني راهو صاريلي هاكا و راني شوية امقلق و ذوك درتلي كوراج خويا و انروح الاسبوع المقبل ان شاء الله
الحمد لله الي فاتت امليحة و نتمنى لك المرة الجاية ياتوك براءة و تدي الكارت التاعك و تتهنى ان شاء الله
العقوبة لينا و اللي مازالو كامل .

[hichame47]

المشاركة الأصلية كتبت بواسطة abdeldjalil147

الحمد لله على رجوعك أخي هشام انا كي ما بنتش البارح قلت واقيلا الداوك هههههههههههه
المهم اجرات امليحة في وهران ؟
انا تاني راهو صاريلي هاكا و راني شوية امقلق و ذوك درتلي كوراج خويا و انروح الاسبوع المقبل ان شاء الله
الحمد لله الي فاتت امليحة و نتمنى لك المرة الجاية ياتوك براءة و تدي الكارت التاعك و تتهنى ان شاء الله
العقوبة لينا و اللي مازالو كامل .

الله يبارك فيك اخي عبد الجليل
المهم توكل على الله و روح و انشاء الله ما يكون غير الخير
و كيما قتلك انا نظن راهم يسهلو الامور لانو كاين ناس الملفات تاعهم ناقصة و حكمو عليهم حتى نتذكر كاين واحد بباه بوليسي و هوماشي الكبير و حكمو عليه ملف الكفالة

[abdeldjalil147]

الله يحفظك خويا هشام
ان شاء الله خير و أنا الاسبوع القدم ان شاء الله انروح على ربي سبحانه
في اي يوم تنصحني انروح فيه خويا هشام لانه انا تابع للبليدة و انظن ماشي كيف كيف

[الكاتالوني]

السلام عليكم
ممكن أي أحد من الإخوة الذين كانت لهم تجربة في المحكمة أن يجيبونا
هل من أعد ملفا طبيا مثلا حول نقص النظر أو الأعصاب أو أي شيئ آخر أكيد سيوجه إلى المسشتفى العسكري
هل عندما يصل للمستشفى العسكري يوجه مباشرة إلى الطبيب المكلف بفحص ملفه يعني طبيب العيون لنقص النظر وطبيب الأعصاب لمرض الاعصاب
أم أنهم يعيدون له الفحص من الصفر أي مثل فحص الانتقاء الذي يجرى أول رة بمركز الخدمة الوطنية يعني هل يقيسون طوله ووزنه ويرون إن كانت أرجله مسطحة إلخ؟

[h4ni]

المشاركة الأصلية كتبت بواسطة الكاتالوني

السلام عليكم
ممكن أي أحد من الإخوة الذين كانت لهم تجربة في المحكمة أن يجيبونا
هل من أعد ملفا طبيا مثلا حول نقص النظر أو الأعصاب أو أي شيئ آخر أكيد سيوجه إلى المسشتفى العسكري
هل عندما يصل للمستشفى العسكري يوجه مباشرة إلى الطبيب المكلف بفحص ملفه يعني طبيب العيون لنقص النظر وطبيب الأعصاب لمرض الاعصاب
أم أنهم يعيدون له الفحص من الصفر أي مثل فحص الانتقاء الذي يجرى أول رة بمركز الخدمة الوطنية يعني هل يقيسون طوله ووزنه ويرون إن كانت أرجله مسطحة إلخ؟

السلام
الفحص لا يعاد لبفحص الكامل, تقدم فقط الوثائق للطبيب المختص, هو اما يقوم بفحص للحالة او يطلب منك تحاليل او اشعة
بعدها يرسل تقريره للمحكمة

[الكاتالوني]

المشاركة الأصلية كتبت بواسطة h4ni

السلام
الفحص لا يعاد لبفحص الكامل, تقدم فقط الوثائق للطبيب المختص, هو اما يقوم بفحص للحالة او يطلب منك تحاليل او اشعة
بعدها يرسل تقريره للمحكمة

شكرا أخي هاني أولا أنا بصدد تحضير ملف عن نقص النظر علما أني لا أرى حقيقة وقد طلب مني أحد كتاب الضبط في المحكمة من معارف خالي إعداد هذا الملف ليقوم بتحويلي إلى المستشفى العسكري
ثانيا لدي جار هو طبيب عيون طيلة حياتي أعالج عنده وقد كان يعمل في المستشفى العسكري لقسنطينة أي متخرج من عين النعجة هل أطلب منه أن يكتب لي رسالة موجهة مباشرة إلى طبيب العيون في المستشفى العسكري باعتبار أنه كان يعمل مثله تماما
وماذا عنك أنت أخي الكريم هاني أين صارت وضعيتك؟

[j-med]

salam

wech 3andek khoya ? ana 3andi myopie -2,5 w nta ch7al ? balak ana than ndir dossier medical

[الكاتالوني]

المشاركة الأصلية كتبت بواسطة j-med

salam

wech 3andek khoya ? Ana 3andi myopie -2,5 w nta ch7al ? Balak ana than ndir dossier medical

أخي والله عندي مدة طويلة ما قيستش دقة النظر تاعي حاليا أرتدي عدسات ولكن راح نرد النظارات عندما أذهب إلى المستشفى العسكري لما كنت بالنظارات كان الزجاج خشين بزاف يعني عينيا ناقصين بزاف
أعتقد في القانون لازم العينين مع بعض ما يديروش 20/15 دون نظارات أو عدسات لاصقة

[j-med]

rak dayer les lentilles ? generalement les lentilles ymeddouhoum ki ykounou na9ssine bezzaf paske la correction ta3houm khir men les lunettes

rouh 3and ophtamlo w goulou ychouflek l'acuité visuelle, ida kount na9ess bezzaf ysibha < 15/20 hadi sur

[abdeldjalil147]

واش خويا الكاتالوني خرجت لك عاص و الا مازال ؟

[hichame47]

المشاركة الأصلية كتبت بواسطة abdeldjalil147

الله يحفظك خويا هشام
ان شاء الله خير و أنا الاسبوع القدم ان شاء الله انروح على ربي سبحانه
في اي يوم تنصحني انروح فيه خويا هشام لانه انا تابع للبليدة و انظن ماشي كيف كيف

و الله ما نقدر نقولك خويا و لكن ننصحك ما تروحش ببداية الاسبوع يعني يوم الاحد
لانو اغلب فرق الدرك الوطني التابعة لناحية يجو للمحكمة العسكرية في بداية الاسبوع و يجيبو العصات الي يحكموهم و بالتالي الي يخدمو ف المحكمة يشتغلو بالناس الي جابوهم الدرك لانو الدرك عندهم خدمتهم و لازم يرجعو لمراكزهم
و بالتالي الناس الي يجو وحدهم ياخروهم الى اخر النهار
ربي يوفقك خويا عبد الجليل

[الكاتالوني]

المشاركة الأصلية كتبت بواسطة abdeldjalil147

واش خويا الكاتالوني خرجت لك عاص و الا مازال ؟

أخي آخر مرة سقسيت في المركز في 06 مارس قالولي مازال ماكش عاصي لكن قالولي بعد شهر أرجع
أفريل هذا نشا الله نروح بالاك يعطيوني استدعاء المحكمة العسكرية

[abdeldjalil147]

ان شاء الله ربي يفرج خويا الكتالوني

[h4ni]

المشاركة الأصلية كتبت بواسطة الكاتالوني

شكرا أخي هاني أولا أنا بصدد تحضير ملف عن نقص النظر علما أني لا أرى حقيقة وقد طلب مني أحد كتاب الضبط في المحكمة من معارف خالي إعداد هذا الملف ليقوم بتحويلي إلى المستشفى العسكري
ثانيا لدي جار هو طبيب عيون طيلة حياتي أعالج عنده وقد كان يعمل في المستشفى العسكري لقسنطينة أي متخرج من عين النعجة هل أطلب منه أن يكتب لي رسالة موجهة مباشرة إلى طبيب العيون في المستشفى العسكري باعتبار أنه كان يعمل مثله تماما
وماذا عنك أنت أخي الكريم هاني أين صارت وضعيتك؟

السلام أخي
هو يمكن لطبيبك يكتب رسالة لطبيب المستشفى الجامعي, لكن واحد ما علابالو من اي منضور سياخذها طبيب المستشفى
يعني قادر ما يعجبوش الحال و يضن انك تحاول التأثير على قرارو , او قادر تجيه نورمال و يساعدك
اطلب من طبيبك يكتبلك تقرير مطول عاى حالتك و يزيد عليها شوية
انا مزال مادرت والو راني نستنا في اعفاء اصحاب 1982, ان شاء الله يكون كاين منو