اكلات تقليدية

[zamilio]

السلام عليكم يا اخواتى انا قبائلية واحنا عدنا اكلات بزاف تقليدية متل اشباض تبوفثاس تمقزارث وانا نحب بزاف هادى الاكلات وباه نحيو هده الاكلات لازم نتعلموها كلنا وبما انو انو الجزائر غنية جدا بهده الاكلات من منطقةالى اخرى نطلب من الاخوات اعلمونا الاكلات التقليدية لكل منطقة ويعرفونا بها

[zamilio]

وقيلا ما عجباتكمش الفكرة خسارة كنت نتمنى نصيب بزاف اكلات بصح للاسف

[om moha mahdi]

اختي اشرحيلنا الاكلات تاعك وبعد احنا انا مانفهمش القبايلية

[remadna]

عندنا انواع المسقية
تشيشة مرمز
تشيشة فريك
حسوة
شخشوخة بسكرية
عيش
بومفور
دوبارة
بومهراس
بطوط
و مازالت القائمة .....

[** موحدة 02 **]

اعطينا الوصفات تاعكم
انا نحب الكسرة تاعكم مع الطبق السلطة تع الفلفل تديروها بطريقة فرييييدة من نوعها
و تاني الكسكس تديرو في المرقة تاعو لوبيا مونجتو
و تاني تديرو مسمن رقاق و ترموه في المرقة يطيب
و كاينة حاجة وحدخرا يلا راني شافية مليح تديرو كويرات بالسميد و تطيبوهم في المرقة مع اللحم و الحمص
راني صح و اللا لالا

[panpouna]

حنا عندنا ايكورن و ايكورن غيزن(ghouraya tipaza)

[zamilio]

انا تعلمت اكلة الطعام بالجلفة اديرو المرقة بالسكر ربما الكثير يستغرب بصح والله اجى روعة خاصة بالكابويا ماعندى منحكى على هديك البنةوحبيت نقول للاخت تقوى صح واش قلتى ونشكرك بزاف بزاف

[himanlogine]

صباح الخير اختي zamilio برك حبيت نفهم نتي قبايلية و تزوجتي جلفاوي و لا كيفاه فهميني رجاءا و مبعد نوريلك تقاليد الجلفة هادا اذا ما عرضناكش تذوقتي كل الاكلات التقلييدية في دارنا

[zamilio]

انا يااختى قبائلية بصح مانيش متزوجةبجلفاوى اكلت الكثير من اكلات الجلفة لانو جارتى تحب تدوقنى تعلمت المردود والترفاس والطعام بالفول المرفوسبالدهان اعرب هايل

[nabila1986]

ahlan ,ana karima mina ,ou naaref bezzaf akalat 3assimia ,mithl mchimeche ,khdawej ala darbouz,chbeh ssafra machi ki taa qsentina ,mtouem,rechta,batata fliou,maadnoussia

[انا هي رزيقة]

موضوعك اكيد فيه فايدة كبيرة اختي بارك الله فيك بصح يا ريت كل وحدة كي تهدر على وصفة تمدلنا طريقة التحضير و صورة لو امكن كي تعم الفائدة . مثلا انا عندي صورة لتيمغزارت درتها يما البارح بصح منعرفش اسمها بالعربية ام هل هناك مناطق اخرى يديروها نحطهالكم و الشاطرة تقولي الا عندها اسم اخر بالعربية هي عبارة عن عجائن قبائلية راهي في خاطر اختنا زاميليوتفضلي حبيبتي اختي زاميليوراني حطيت الصورة و انتي مديلنا الوصفة تاعها .... راني حصلتك خخخخخ

[زينب 83]

اختي زميليو
كاينة الاخت انا هي رزيقة
و كاينة الاخت om kamila
حطو بزااف مواضيع عن اكلات تقليدية قبائلية روخي للبروفيل تاعهم تلقايهم

[اشرقت نفسي]

موضوع راائع بلفعل ان شاء الله نشارك معاكم نفيد ونستفاد

[nabila1986]

lekbayel iteybou bezzaf laajin,ihebbou lemsemmen ,baghrir ou sfendj idirouh kbir hetta 20 cm ki ikoun 3ars .andhoum seksou bel bissar li houwa seksou b foul mdechech ,idirou seksou b l khorchef ,seksou b l guernina ,seksou b laades ou loubia kbayel ou lmekfoul .andhoum chekhchoukha b lahlib idirou msemmen ou yermouh f lehlib yaklouh be zzit zzitoun fi chta ,andhoum ftir oukessoul li houwa quat3 ou rmi fel dzayer .houma ihebbou lkesra idirouha bel a3chab ,fliyou ,bibras.
kayen timkhellaat kesra mahchiya bel queddid ou chekchouka
keyen lebsissa isemmouha atemmin yaklouha bezzit zitoun ou figue seche enfin li yesheq haja rani hna andi mert cousin ta3i qbailia .

[فاتي تيارت]

؟؟؟؟؟؟؟؟؟؟؟؟؟؟؟؟؟؟؟