دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[ياسمين177]

المشاركة الأصلية كتبت بواسطة فوزي77

السلام عليكم ورحمة الله تعالى وبركاته

شكرا لكن أخواتي على المجهودات المبذولة . لكن مني كامل التحيات والتقدير لأن ظروف العمل لا تسمح لي بتتبع الحصة

جزاكن الله كل خير

وإذا كان ممكن تقديم مقادير وطريقة تحضير الخشخاش

شكرا

وعليكم السلام
الخشخاش:
4 كيلات فرينة +فاني+كيلة زبدة توريق ذائبة + بيضة وتلميها بالماء وماءزهرتكون طرية ترتاح شوية ثم تحليها بالمايزينة في مشينة العجين تكون رقيقة تحليها في اخر رقم كيما تاع البقلاوة تقطعي اشرطة طويلة وتلوي بفرشيطة وتقليهم وتعسليهم.

[كبريـاء انثى]

المشاركة الأصلية كتبت بواسطة ياسمين177

مربعات الموكا
المقادير:
200غ شكولاتقطعيها وديريها في كسرونة مع 60غ زبدة +75ملل قهوة طايبة ثقيلة + 100ملل ماء على نار هادئة حتى يذوبوانحيهم من النار وخليهم يبردو شوية ونحط هذا الخليط في الثلاجة لمدة 2 سانحوه من الثلاجة ونضيفلو60غ صنوبر حب او قاتلك تقدري تبدليه بالكوكاو او لوز يكون مدشيين خشان+ 200غ قاطو تاع العلب قاتلك بسكوي بالزبدة تفتيه غير بيدك وتخلطي الكل كالعجينة وتحطي الخليط في سنيوة وسطحيه مليح خليه يحكم روحو غير شوية بدون ثلاجة رشيه بالكاكاو وقطعي مربعات.

شكرا ليك اختي ياسمين بارك الله فيك

[العلجة 2]

نقدر نجاوبك في مكان اختي ميميشة لانها غائبة نشا الله تكون بخير بالنسبة لكمية الجبن ديري 100غ جبن تقدري ديري شاف او تاع المثلثات توزني 100غ.
اما الكروكي وصفة هذيك هي يا اما راكي تيبسي العجينة تشقق يا اما بياض البيضة احذفيه انا عندي وصفات بزاف تاع دليلة مجربتهم يجو هايلين
منهم هذوا وراح نبحثلك في دفاتري
الوصفة الاولى تشبه لتاعك فيهاكاس زيت + كاس سكر + كاس حليب+ 3 بيض فاني 1خمارة وفرينة .
الوصفة الثانية:250غ زبدة + 250غ سكر + 3 بيض +100غ حليب بودرة+فاني +2 خمارة و 700غ فرينةتنحي ربع العجينة ودريلها 2 مغارف كاكاو ثم ديري حربوش ابيض وديري في وسطه حربوش بني تهني بصفار البيض زيديلو شوي قهوة ووزوقي بفرشيطة ودخليه يطيب.

شكرا جزيلا أختي ياسمين 177 أني نجرب و نقولك ، ربي يعطيك ما تتمناي إنشاء الله

[فوزي77]

شكرا لك أختي ياسمين177 على طريقة تقديم وصفة الخشاش

ربي يحفظك أنت والأخت ميميشة على المجهودات المبذولة

تعلمن منكما الكثير

[ملكة العلمة]

بارك الله فيكن على ما تقدمنه من وصفات و جعل ذلك في ميزان حسناتكن

[om djallel]

من فضلكم يا اخواتي حطولي الوصفة لي دارتها اليوم السيدة دليلة تاع حلاوة جوز الهند

[ياسمين177]

المشاركة الأصلية كتبت بواسطة om djallel

من فضلكم يا اخواتي حطولي الوصفة لي دارتها اليوم السيدة دليلة تاع حلاوة جوز الهند

اختي ام جلال الوصفة سبقلي جربتها وحطيتها بالصور ابحثي في الصفحات تلقايها

[om djallel]

بارك الله فيك اختي ياسمين راني لقيت الوصفة يعطيك الصحة وانشاء الله نجربها ونرجعلك لخبر

[*المشتاقة للرحمن*]

شكرا .........

[ام دعاء ومارية]

السلام عليكم اخواتي

اريد مقادير البقلاوة

من فضلكن

[ياسمين177]

تفضلي ام دعاء البقلاوة
العجينة:3كيلات فرينة+ كيلة غير مملؤة زبدة وسمن ذايب+ رشة ملح تحبي ديري لفانيبسيها مليح ثم اجمعيهابيضة مخلوطة مع الماء يعني حلي بيضة في كمية من الماء واجمعي العجينة خليها ترتاح
الحشوة:3 كيلات لوز غير مقشر يكون مرحي شوي خشين+فاني او قرفة + مغرف سمن ذايب +كيلة سكر وديري الماء زهر حتى تتكون العقدة متشمخيهاش بزاف
حلي العجينة بالحلال ثم بالمشينة في رقم2 ثم 4 ثم 6 الى اخر رقم فرقيقة كامل ادهني مول مليح وضعي الطبقات بين كل طبقة والاخرى ادهني بالسمن الذايبحتى ديري 6 طبقات ضعي الحشو وسويه مليح ثم عاودي الطبقات تاني ديري 6 طبقات من الفوق وادهني دائما بالسمن بين الطبقات ماعدا الطبقة ما قبل الاخيرة متدهنيهاش باش لما تطيب متطيرش الطبقة الاخيرة تقعد شادة مليح قطعي مقروطات او مربعات وارشقي حبة لوز ادهني الوجه مليح بالسمن ودخليها تطيب انا عادة نخليها تبات وغدوة من داك نطيبها نتيجة تكون احسن دخليها تطيب في فرن سخون 200د لمدة 1 ساعة لما تخرجيها عسليها بالعسل وخليه تبات ثم قطعيها وديريها فلكيسات.

بقلاوة بالمايزينة:3 كيلات فرينة+كيلة مايزينة+ملح + فاني + نصف كيلة زبدة توريقوبسيها +2 بيض ولميها بالماء دافئ وماء زهر ديري 2 بيض بين الفرينة والمايزينة 1كلغ اي 750غ فرينة و250غ مايزينة تخليها ترتاح
الحشوة:3 كيلات لوز مرحي + كيلة جوز+كيلة سكر+4 مغارف سمن ذايب +فاني وماء زهر وتبعي نفس مراحل التحضير كيما الاولى نشا الله تفهمي الطريقة .

[ياسمين177]

اختي هم كريم كنتي تحوسي على محلبي باللوز قلتيلي فيه مايزينة نظن راكي تبحثي على البلوزة وهذي وصفة دليلة
البلوزة :7 كيلات ماء + كيلة سكر + كيلة نشا على النار حتى تعقد + نص كاس ماء زهر ونخلط فوق النارلمدة2د نحطها في اكواب ونزوقها بالقرفة
اتمنى هذي لتبحثي عليها

[ياسمين177]

اليوم دليلة قدمت مادلان بالجزر عجبني ونشا الله نجربو ونجيبلكم الصور
مادلان بالجزر:200غ جزر نسكرفجوه رقيق
150غ تفاح نقشروه ونسكرفجوه
قطعة صغيرة زنجبيل نسكرفجوه
نضع 125غ زبدة طرية + 125غ سكر نخدمهم مليح مع بعض ثم نضيف 4 بيضات بالواحدة ونخلط حتى يمتزجوا ثم نضيف 375غ فرينة و1 خمارة ومغرف اكل قرفة ونخلط مع بعض ونضيف الجزر والتفاح والزنجبيل ونخلط الكل نضعهم في كيسات في مول المادلان ندخلهم يطيبوا لما يبردوا نرشهم بسكر ناعم

[ياسمين177]

اختي ام كوثر كنت تحوسي على الجوزية مكنتش نعرف الجوزية هي النوقة وكانت قدمتها دليلة وقاتلك ناجحة
النوقة: في كسرونة ثقيلة نضع 250غ سكر +كاس شاي ماء زهر نضعها على النار ونحرك حتىتصبح على تقريبا كرمال متتحرقش غير تبدا تتلون نحوه ونخلوه يبرد
3 بياض بيض طلعيه كالثلج على حمام مائي تضربيه حتى يطلع كالثلج نضيفلو الكرما و300غ عسل تدريجيا حتى تعقاد دائما على حمام مائيلما تعقد نحوها من النار ونضيف 250غ او اكثر من اللوز او الفستق يكون حبونخلط نخليها تبرد شوية وندهن سنيوة بالزيت ونحط الخليط ونسويه مليح ونخليها تجمد مليح نقطعها وتقدم.

[ياسمين177]

طورطة بالبصل: عجينة البيتزا كنت قدمتها موجودة في موضوع البيتزا في الصفحات

الحشو:رطل بصل
200غ صدر دجاج
تقريبا كاس كريمة سائلة
2 بيض وملح وفلفل اكحل
100الى 150غ جبن مرحي
التحضير : نضع زيت + بصل مقطع مربعات + دجاج + ملح وفلفل اكحل نقليهم مليح كشغل يطيبوا
بعد ما تخمر العجينة نحلها ونديرها في مول يكون الحواف تاعو عالية نطلع العجينة للحواف ندير حشوة الدجاج والبصل فوق العجينة نسويها
ثم نضرب البيض والكريمة والجبن ونحطهم فوق الدجاج ترتاح 5د فقط وندخلها تطيب حتى تحمار لما تطيب ندهن الحواف بزيت الزيتون هذي الطريقة انا نديرها في البيتزا تخرج رائعة.