هل اقبل بالزوجة الثانية؟؟؟

[مشكلتي]

السلام عليكم
عمري 33 وراجلي 34 عندي اولاد
من فترة زوجي تغيرت معاملته لي
لما نمرض يقلي هاكي بيك لكبر
ولما نتعب في تربية الاولاد يقلي بيك كبيرة كون جيتي صغيرة ماهاك
يستنالي الهفوة ويتقلق وينايفني لو مانحلوش انا والو
دائما يحدثني على فضل الزواج بصغيرة
مش راح نشكر روحي ونقلكم مش مقصرة دايرة لي قدرت عنها
حتى وجدته يحدث احدهم انه نادم على زواجه مني وانه وجد افضل مني
سافر خارج البلاد وماعيطش لو مانعيطش انا
حتى اكرمكم الله في الامر الخاص يرفض ويخبرني اني لا اقدر ولا استطيع
باختصار حسست انه زوجي باغي الثانية وتكون فتاة صغيرة
خممت وقررت نقترح عنو يتزوج ويعيش حياتو هو كرجل من حقو يتزوج بصح انا نبقى مع ولادي برك يصرف عني
هل نندم لقلتلو تزوج ؟؟
مارايكم

[ع.عيسى]

اول حاجة لا تسمعي للنصائح التي تخبب بينك وبين زوجك ويقولولك زوجك فيه وفيه ..الخ . لانه لن يتحمل نتائجها سوى انت واولادك .

ثانيا ..قبل السماح لزوجك الزوجة الثانية لم لا تجربي انك تغيري من اسلوب حياتك و نمط معيشتك.. ...تعطي لنفسك اهتمام اكبر بصحة جسمك ورشاقتك ونفسيتك ..بمعنى لا يرى منك الا جميل ....ربي يألف بين قلوبكم ان شاء الله

[proxy99]

في الماضي كانت الزواج سهلا و البركة و النية الحسنة موجودة، فالمرأة إن مات زوجها كانوا بتسابقون لكي يتزوجونها، و المطلقة تتزوج اسرع من البكر، و لم تكن عندهم الحسابات.
لكن المجتمع تغيير و العادات و التقاليد ايضا فإن اراد زوجك الزواج فهو حلال عليه و لكن يجب عليه ان يعدل بينكما، و يكون قادرا ماديا،* و من الاحسن ان يتزوج من من يسترها و يحصنها كأرملة او مطلقة او يتيمة.
و كوني واثقة*بأن المشكل ليس فيكي على الاطلاق، فالمشكل في الرجال فالنساء كاسيات عاريات في الشوارع و الحرام اصبح اسهل من الحلال، الصبر ثم الصبر.

[kazilo]

اختي انت السبب لي خلا راجلك يتعامل معاك هكذا لازم تبدلي طريقة ونمط العيش تاعك وتمارسي الرياضة وتعتني بنفسك وتتزيني وتروحي للحلاقة وتشتري اجمل انواع الملابس المنزلية والعطور وتبيني لزوجك انك مازلتي صغيرة وتقدري على كل اشغال البيت

[قدور بن عاشور]

حتى و لو لم تكوني معترضة على زواجه بثانية
إلا أنني أحذرك أن تقترحي عليه الزواج من أخرى،
خليها تجي من عندو.
كما أنصحك بفتح حوار هاديء معه
و اسأليه واش يحب،
كيف تسعدينه و شوفي واش يقول،
قد تكون عينه على أخرى و راه غير يتسبب،
أو ربما هناك نقائص من جهتك نفرته منك،
ربما أهملتيه من كثرة اشتغالك بالأولاد.

[كاميلا]

الرجل هو الذي لا يستطيع مع تقدمه في العمر وليس العكس هدا راه يفورماطي فيك من درك حاب يقنعك باللي خلاصت عليك 33 سنة حسبتي روحك كبرتي راهي مهبولة فيقي لعمرك راكي في الشباب اعتني بنفسك وخليه هو يبان شايب قدامك العبيلو على الاعصاب