صاحبات الخبرة في بيع الحلوى

[خوخة02]

السلام عليكم ورحمة الله تعالى وبركاته
حبيت نسقسيكم خياتي خصوصا اللي موالفين يخدموا الحلوى بلي كوموند
انا الحمد لله عندي دبلوم في هذا المجال ويعني نخدم القاطو مليح قبل الزواج قلت معليش نخدم غير للداري وخلاص
بصح مع مرور الوقت و ولادت ابني كثر عليا المصروف وراجلي مالحقش قلت نعاونوا
بصح ماعرفتش كيفاه نبدا علما مانخرجش من الدار يعني ماعنديش معارف
راني حايرة بليز قولولي كيفاه ندير وقولولي السعر اللي نخدم بيه كل حلوة
راني نستنا ماتبخلونيش ولو بدعاء التوفيق
وجزاكم الله خيرا

[اريج 07]

ربي يوفقك اختي لازم عليك ديري معارف ولا تقولي لناس يديرولك بيبليسيتي

شوفي كل ولاية كيفاه انا نهدر على نفسي و كاين
جارتنا تغلي عليا
صابلي 30 دج حبة
قاطو بالكوكاو 45دج للحبة
اللوز 100دج للحبة

[خوخة02]

شكرا ليك اختي على الرد
صح جارتك تغلي بزاف
انا نخدم الصابلي ب20 للحبة وللكيلو 50 الف
وقاطو الكاوكاو 35 للحبة كيما التشاراك العرايش 80 الف للكيلو والبقلاوة 75 الف للكيلو
وقاطو اللوز من 5 الاف 6 الاف مانفوتش
وشكرا مرة اخرى

[ايمان نور الجزائر]

حلويات جافة 25 الى 30 دج
لي مزينة وفيها تعقيدات 40 الى 45 دج
حلوة بالكاوكاو 45 دج
حلوة باللوز 55 الى 60 دج

[فردوس الرحمان]

شوفي وين يبيعو حوايج القاطو وحطي حبات كموديل ، هكذا ديري اشهار ، ربي يوفقك حنونة

[ساجده 82]

نتمنى من الاخوات يتفاعل. مع الموضوع ويزيدو يمدو معلومات يعني على حسب كل ولايه
كان غير تقولونا شحال السعر كي يكون بالكيلو وبالحبه وينهاها الحلويات التي تباع بالكيلو
ويناها اللي تباع بالحبه وين الافضل يتباعو بالحبه او بالكيلو .وشكرا.

[وفاء6]

ربي يوفقك

بارك الله فيك

[*توبــــة*]

ان شاء الله تدخل الهام وتفيدك
عندها خبرة في هذا المجال

ربي يعينك اختي ويرزقك من نعيمو

[خوخة02]

شكرا ليكم بزاف بزاف ربي يعينا اجمعين

[خوخة02]

المشاركة الأصلية كتبت بواسطة ساجده 82

نتمنى من الاخوات يتفاعل. مع الموضوع ويزيدو يمدو معلومات يعني على حسب كل ولايه
كان غير تقولونا شحال السعر كي يكون بالكيلو وبالحبه وينهاها الحلويات التي تباع بالكيلو
ويناها اللي تباع بالحبه وين الافضل يتباعو بالحبه او بالكيلو .وشكرا.

شكرا ليك اختي
صح كون غير التفاعل فهاد الموضوع هكذا كامل نستفادو
ممككن كل وحدة تقدر تخدم على روحها

[خوخة02]

البارح خرجت شفت قاطو النيستلي يبيعوا فيه 45للحبة وماهيش كبيرة تعمر العين والله غير صغيرة
راهم ياكلو في عباد ربي ماهيش حتى مزينة غير حبة لوز من فوق

[fadila34]

مساء الخير اخوتي
وربي يعينك اختي ويوفقك
انا ساعات وين نخدم القاطو للناس بصح بالحبة خطر هوما يطلبو 100حبة 50حبة واحد ما طلب بالكيلو نخدم الصابلي باشيكولة 30 وصابلي السلاكة ونخدم لكروكي حق 6بيضات ب60الف والمقروط تاع الفرن ب30للحبة وكي عود الدوزان من عندهم ب20 بصح منخدمش بزاف غير لي تقولي عونيني مالحقتش
قولولي لبنات راني مغلية فى السومة ولا نورمال

[fadila34]

اختي حنا عندنا هذيك الحبة تاع النياسلي ب70للحبة عند بائع الحلويات

[صباح79]

انا نشري بالميزان و كاين لي يوصل حتى صون فاميل للكيلو علي حساب باللوز او كوكاو او غير بالفرينه مثل الصابلي ولا الغريبه

[خوخة02]

المشاركة الأصلية كتبت بواسطة fadila34

مساء الخير اخوتي
وربي يعينك اختي ويوفقك
انا ساعات وين نخدم القاطو للناس بصح بالحبة خطر هوما يطلبو 100حبة 50حبة واحد ما طلب بالكيلو نخدم الصابلي باشيكولة 30 وصابلي السلاكة ونخدم لكروكي حق 6بيضات ب60الف والمقروط تاع الفرن ب30للحبة وكي عود الدوزان من عندهم ب20 بصح منخدمش بزاف غير لي تقولي عونيني مالحقتش
قولولي لبنات راني مغلية فى السومة ولا نورمال

اهلا بيك اختي وشكرا ليك
ربي يعاونك ان شاء الله ويرزقك
نورمالمو اختي هداك هو السعر ماكيش تغلي من اي ولاية انت