مكنستي الكهربائية ، يدي اليمنى

[oumhana]

صباح الورد والياسمين على كل الحاضرين والغايبين إن شاء الله تكونو بألف صحة و عافية.
حبيبتي زينب 83 قريت موضوعك هذاشحال على المكنسه الكهربائية عجبني مي نقولك الصح مخممتش كامل نشريها.واحد نهار تعبت وكلاتني الغبره رجعت لموضوعك قريت وقريت وعاودت قلت صح هذي يدي اليمنى كما تقول أختي زينب.خممت شفت السلطه العليا"و العالي ربي"قالك مشي وقتها.فهمت بلي الحاله الماديه متشكرش ههههه.كنت قريب نخلص مشيت les magasins LG لي قراب ليا لقيتها محطوطة مودال و تسوى 20.800.00دج.قالك سجلي أسمك و خلي رقم هاتف و كي تدخل السلعة نعيطولك.
صبرت 3أيام مشيت للحاميز لقيتها عند واحد برك تقريبا درت كل الحاميز غير هو لي عندو بصح حاطها ب 26.850.00دج وكقتلو ساعدني قالو نخليهالك 26.000.كنا شفناوحده PANASONIC بنفس المواصفات أختلاف غير فيle bac لي لم الغبرة panasonic فيه واحد قماشو خشين ويتنظف بسهوله عجبتني خلاهالنا ب 20.000.00خذيتها ولما لحقت للدار جربتها غيرشويه(كنت طايبة من لجرا ملحانوت لحانوت) بانتلي هايله. في le week end نجربها مليح و نخبركم.نقولك شكرا ويرحم والديك على الموضوع الهام وربي يكتبهولك في ميزان الحسنات. مواح مواح مواح
ربي يخليك لينا متألقة ناصحة و في صحة جيدة. آمين

[takwazakou]

راكي شوقتيني وشجعتيني باش نشريها حابة نسقسيك قالولي كاينين حتى اللي يجبدو الغبار من ليمابل صح كاين منها

[رضا زوجي غايتي]

يعطيك الصحة أخت زينب موضوع هايل وقنعتيني باش نشري وحدة بصح رايحة نعييك معايا هههههههعلى خاطر مانعرفش نستعملها ونولي نسقسيك على كل حاجة كيفاش تخدم

[LINA 97]

بارك الله فيك

[أخ المسلمين]

كاش واحد سيا كوندور:
https://www.condor.dz/fr/produit?p=32

[أندلسيات]

بارك الله فيك

[شهد نوراليقين]

بارك الله فيك اختي زينب درت بحث في المنتدى و خرجلي موضوعك حبيت نشري مكنسة كهربائية يا هل ترى كاين نفس الماركة تاعك و تخدم بالبخار أو كاين الجديد من بعد هذه اللي عندك نظن مرت فترة ملي شريتيها أو تنصحيني نشري كيما تاعك نتمنى تشوفي ردي و تجاوبيني و شكرا

[نصارنصار]

بارك الله فيك

[غفران امة الرحمان]

بصحتك حبيبتي

[لجين وفاء]

مساء الخير عليكم انا شريت اليوم مكنسة الجي 2000 w ب18000 دج قالو لزوجي صنع في الفيتنام وتاع كوريا 25000دج محبش راجلي يجيبهالي المهم مليحة بصح مالقيتش فيها لاكسيسوار الثالث لقيت غير زوج واخد تاع الشوك وواحد تاع لفراش برك .واش رايكم مليحة ولا تاع الفيتنام عيانة الي عندها معلومة تقلي تعيشو سلام.

[ام البنوتة]

دخلتيهالي في راسي خصوصا انني اعاني من الحساسية المزعجة.

[عالم حواء للجمال]

موضوع تستحقين عليه الشكر

[ام محمد 05]

السلام عليكم اختي زينب ربي يسترك وليداتك كشما كاين نووع جديد نتاع المكنسة الكهربائية حابة نشري وحدة وايضا عجانة بواه تنصحيني كاينة كينود تيتانيوم شاف قالي البائع راهي جديدة 2018 لان اخت اخرى تقولي يكدب عليك والله ماني فاهمة على بيها حبيت نستشيرك لاني نثيق فيك بزاف وش رايك كينود تيتانيوم شاف الواط 1700 والسعة6ل او كيتشن اد خير ربي يفرحك باعز ماعندك جاوبيني

[3abed]

ربما تجدين هنا. اعجبني انهم يوصلون السلع للبيت




https://www.mdinjdida.com/electromenager/

[3abed]

https://www.mdinjdida.com/electromen...ch-aspirateur/


hadihi jayida