موضوع مميز الجزء الثالث من وصفات حراير واش طيبتي اليوم - الصفحة 10

idron0 · 2016-03-12, 18:48

الكيكة ام اسيل

نحط في كسرونة كاس حليب وكاس سكر فوق النار ونحرك حتى يذوب السكر مليح نضيف ملعقتان كاكاو نصف كاس زيت وزوج صفار بيض نخط مليح ونزيد زوج كيسان فرينة واحدة خمارة ومن جهة اخري نضرب بياض البيضتين ونضيفوا للخليط ونخلط بشوي ندهن مول ونفرغ الخليط ونحطها تطيب ومن بعد نعمل الشكولاطة راهي خفيفة وبنينة.

idron0 · 2016-03-12, 19:56

وصفات اخت فلسطنية ام سراج و ملاك

إضغط هنا لرؤية الصورة بحجمها الطبيعي.

idron0 · 2016-03-12, 19:59

وصفات منقولة ام سراج و ملاك

شوفو الفكرة هاذي بديل المحقن

إضغط هنا لرؤية الصورة بحجمها الطبيعي.

هذا الخبز يطيب في شباك نتاع الكوشة

إضغط هنا لرؤية الصورة بحجمها الطبيعي.

idron0 · 2016-03-15, 10:42

وصفات منقولة ام سراج و ملاك

إضغط هنا لرؤية الصورة بحجمها الطبيعي.

idron0 · 2016-03-15, 10:44

وصفات منقولة lahna moka

إضغط هنا لرؤية الصورة بحجمها الطبيعي.

idron0 · 2016-03-15, 10:51

تبيخة الفول با البادنجال رزيقة 16

نشمخو الفول اليابس ليلا كاملة باش تسهل علينا نحولو القشرة
صباح منداك نقيوه
في كوكوطا نسكرفجو بصلة نزيدو الملح فلفل اسود شوية كمون فلفل عكري شوية طمامطم مصبرة نديرو فلفل دريس و لا حبة حار الزيت نكترو شوية لانو بادنجال احب الزيت نجيبو حبات بادنجان نقيوهم نقطعوهم با الطول علي 4 نديرهم فوق الفول نزيدو حبات بصل نقطعوهم نديروهم فوق البادنجان و نزيدو حبات طماطم فوق لبصل يعني طبقة فوق طبقة نزيدو حبات بطاطا من الفوق و نمرقو متكتروش الما نغلقو الكوكوطة حتي يطيب.

إضغط هنا لرؤية الصورة بحجمها الطبيعي.

idron0 · 2016-03-15, 13:07

حلوة اللمبوط ام هدول

2بيضات كاملين+ صفار بيضة واحدة+شوية افاني وتخلطي مليح+كاس سكررطب+كاس زيت وتخلطي+2مغارف نشاوشويةخميرةوتلمي بالفرينة تكون العجينة طريةوندهن الصينية بالزيت ونحطالعجينة بالشوية في اللمبوط ونشكل اشكال دائرية ونزين بالفرميسال وندخل الى الفرن 180درجة لمدة 10دقائق.

idron0 · 2016-03-16, 15:35

حلوياتي oum ibrahim

الاول مقروط السنية للغالية على قلوبنا الي نتمناو ترجع تنورنا عن قريب جارتي ام اماني رهيييييييييييييييب ربي يعطيها ما تتمنى
و الاشكال 3 الباقية كلها بنفس العجينة الي هي صابلي بيبا الحبيبة رااااااااااااااااااااائه يذوب في اليد قبل الفم درت بيه ترافل بذوق الليمون و لي دوم و صابلي الميرانغ بكريمة الليمون
اختي مسلمة هاذوك الكريات نتاع الشوكولا قطعت دوائر صابلي و طيبتها من جهة اخرى ذوبت شوكولا وحدها بدون اضافات و طليتها في مول سيليكون على شكل نصف كرة و حطيتها تتماسك في المجمد دقائق و خرجتها و حشيتها بنيسلي كراميل مخلط مع كوكاو محمص و مدشش و عاودت طبقة شوكولا من فوق غلقت بيها و لما طاب الصابلي دهنتو بشوية معجون و لصقت كرات الشوكولا و دهنت الحواف بالمعجون و رمدتها في كوكاو محمص و مرحي رقيق
بالنسبة للصابلي بالميرانغ قطعت العجينة بطابع الوردة او ممكن تديريه دائري و حضرت كريمة الليمون و الميرانغ و لما طاب الصابلي درتلو الميرانغ و رجعتو للفرن للفوق خلاص على نار هادئة باش ما يتحمرش الميرانغ حتى تماسك خليتو برد و عمرت الفراغ بكريمة الليمون
بالنسبة للترافل ام مريومة الترافل نتاعك هو الي هبلني نقلت التزيين عليك هههههه يعطيك الصحة قطعت العجينة بطابع الترافل و طيبتها من جهة اخرى حضرت كريمة الزبدة بالمرغرين و السكر الناعم حسب الذوق و عطر الليمون ضربتهم مليح بالباتور حتى تبيض و تخف نزيدلها 2 ملاعق من كريمة الليمون و نضرب و نلصق بيها الترافل ندر كمية مليحة تجي بنينة
حضرت الطلية بكاس تاي عصير ليمون و نفس الكاس زيت و نفس الكاس حليب + ملون اصفر محلول في الحليب و نزيد السكر الناعم مغربل حتى نحصل على طلية ثقيلة نطلي بيها الترافل و نزين من فوق بطلية بيضاء .

إضغط هنا لرؤية الصورة بحجمها الطبيعي.

idron0 · 2016-03-16, 15:58

المقفول انا هي رزيقة

راهو ساهل و بنين و صحي تفوري الطعام تاعك عادي و تفوري من جهة اخرى كل انواع الخضار لي تحبيهم (بصل زروديا لفت بطاطا جلبانة لوبيا خضراء كورجيت) مقطعين مكعبات ثم تخلطي الاثنين و زيدي عليهم زيت زيتون بسخاء و اكدي على هذيك سخاء ...خخخخخ يجيك امممممم هو يشبه لهذا .

إضغط هنا لرؤية الصورة بحجمها الطبيعي.

idron0 · 2016-03-16, 16:01

مسفوف اللفت او امقفول om kamilia

يستحسن اللفت لي حبة تاعو صغيرة او متوسطة شادة روحها مش مكمشة وتقدري تذوقي حلاوتها هكاك خضرا ربطة و لآ زوج بالاوراق تاعها نغسلو الاوراق وننحو الاوراق الصفراء نغسلهم مليح من التربة ونقطع الاوراق صغار نفورهم مليح كي قريب يطيبو نملحهم بشوية ونحيهم بجهة ونزيدو نفورو هدوك الحبات تاع اللفت يكونو مقطعين صغار وللآ صغار خليهم هكاك فوريهم ما يطولوش
من جهة تكوني فورتي الكسكس تاعك وطاب
عصري اوراق اللفت من الماء تاعو , ضيفي لو زيت الزيتون بسخاء هههه وخلطيهم طبعا مع اللفت المفور وشهية طيبة
وانا تعمدت نفور الاوراق وحدهم لانهم يجو شوية مرين في بعض الاحيان هكا اللفت يحافظ علىى حلاوة و صحتين وهنا .

idron0 · 2016-03-16, 19:19

كيكة البرتقال ام اسيل

إضغط هنا لرؤية الصورة بحجمها الطبيعي.

تفضلي الوصفة

إضغط هنا لرؤية الصورة بحجمها الطبيعي.

idron0 · 2016-03-17, 11:17

وصفة البطاطا و الكفتة انا هي رزيقة

بعد ماتنقي البطاطا تاعك قطعي كل وحدة منها شرائح تكون شوية سميكة و خليها هكاك متخربشيهاش زيدي حضري حبة طوماطيش كبيرة و 2 متوسطين مقطعة بنفس حجم البطاطا و حطيهم بجيه. من جهة اخرى حضري الكفتة الكمية تكون مليحة شوية لانو هذ الكيفية تدي الفيونداشي . اذا داوي الكفتة كيما موالفة ببصلة مرابية مع 2سنينات ثوم مع معدنوس مع فلفل اكحل و قرفة و ملح و حبة بيض تعجنيهم مليح مع بعضاهم . تحضري بلا رايح الى الفرن و تاخذي حبة البطاطا قدامك و تحطي ما بين كل شريحة بطاطا شريحة من الكفتة بنفس الحجم تقريبا و تغلقي عليها بشريحة من البطاطا و هكذا حتى تكملي الحبة تاعك و تحطي كل واحدة قدام اختها في البلا . و تزيدي مابيناتهم شرائح الطماطم . من جهة اخرى حطي في كسرونة نصف لتر من الماء مع مغرفة كبيرة طماطم مصبرة مع حوالي مغرفة كبيرة مرغارين مع ملح مع فلفل اكحل مع كمون مع قرفة و راس الحانوت مع ورقتين رند و حطيهم يغلو. شعلي الفور تاعك و فرغي الصوص الحمراء و هي سخونة على البطاطا تاعك قد متغطيها برك. خلي الباقي اومبعد تحتاجيه . و غطي عليها بالالومنيوم و حطيها في الفرن . بعد حوالي 40 دقيقة طلي عليها و شوفي إذا طابت البطاطا لازم تكون طرية زبدة اذا مزال زيدي شوية صوص تكون سخونة و خليها تزيد تطيب سينو نحي الورق الالومنيون و زيدي شوية صوص و خليها تتجمر و تتحمر. لازم يبقى فيها شوية صوص كي تسربيها .مشي مليحة كي تجي ناشفة.

إضغط هنا لرؤية الصورة بحجمها الطبيعي.

idron0 · 2016-03-17, 11:26

تارت الفراولة oum ibrahim

هي جينواز عادية ب 6 بيضات كاس سكر كاس فرينة و نص كاس نشاء و باكي خميرة الحلوى و لفاني تحضريها كالعادة بيض مع سكر ضربيهم مليييييييييييييح حتى يبيض و يتضاعف الخليط زيدي الفرينة و النشاء و الخميرة مغربلين بالسباتولا من تحت للفوق وفرغيها في مول مدهون و مرشوش بالفرينة و الىالفرنمسخن مسبقا 180 درجة من 25 الى 30 دقيقة
قسمتها على 3 و شربتها بسيرو خفيف معطر بعطر الفراولة و حشيتها بالشونتيي مع قطع فراولة و من فوق غلفتها كامل باشونتيي و خليت كمية للتزيين من الحواف و في الجوانب فرغت سوبر كرام فراز و خليتها تنزل على الاطراف و الا ما عندكش ديري لاجولي لازم ما تكونش محببة زيديلها عطر الفراز و ديري بيها و من فوق قطعت الفراز شرائح و زينت على شكل وردة .

idron0 · 2016-03-17, 11:31

سوفلي oum islem

idron0 · 2016-03-17, 11:35

كيكة بالعسل رزيقة 16

المقادير
6 بيضات
كاس سكر بنفس الكاس
كاس زيت
نص كاس عسل 3 مغارف مايزينة ملعقة صغيرة بيكاربونات 1 و نص خميرة نوارة قيس 15 ملعقة فرينة و فرغي في مول مدهون
كي طيب هكاك سخونة با البانسو ادهنيها غير شوية بلعسل ا رشي فوقها وش تحبي و لا تحبي مديريلها والو اختياري

إضغط هنا لرؤية الصورة بحجمها الطبيعي.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري