ماهي تجربتكم في الخدمة الوطنية ؟

[fanan pc]

السلام عليكم اورحمة الله

أنا انتهيت من 45 يوم الاولى من الخدمة العسكرية وراني في لاكي الاولى

يا جماعة راه العسكر مهوش كيما بكري راه ما كاين والو شوي سبور زيادة برك

العسكر تعلمك التنظيم وتحرشك وتخرج تشوف ناس وأماكن

كيما قالو مكانش واحد مات من التعب

راه تعقب غير ظحك وتمسخير مع الجماعة أنا من رأعي وبعد ماشفت الــ45 يوم الأولى

من الأفضل أنك تعقبها منها تتريقل وتتعلم الجانب العسكري نتاع بلادنا ومنها تجيب الكارت وتكون رافع راسك

وبالتوفيق للأجيال للي جاية راه العسكر مكاين والوا متخلعوش منوا يكذب عليك اللي يقلك العسكر صعيب

[ابراهيم العادي]

احكولنا على التدريب كيفاه يكون هذا مكان

[impala887]

انا فوتتها في المدرسة التطبيقية للقوات الخاصة هي صح المرة الاولى ماتفهم والو هههههه و من بعد توالف هي في الستاج صح صعيبة شوية خصوصا مع الرياضة و التعب و البرد و ماتنساش النهوض باكرا على الساعة 04:00 صباحا الايام الاولى تكره حياتك مدة التربص كانت 04 اشهر تتعلم الصبر و تحمل المشاق و الصعاب و تتعرف بناس ملاح و ناس قباح بصح كي تكمل تتهنى

[fanan pc]

ايه صح كاينة بصح حنا عطاونا اجازة 10 أيام كي كملنا التدريب الأول وظرك رانا راجعين إن شاء الله نكملوا في الشهر

اللي بقالنا من الستاج ....ايه والمنوض على 4 ما عندي ما نحكيلك بصح توالف من النهارين الأولين وتبدا تمرق للسيستام

ممانش حاجة تخوف كل شئ عادي عندك تقرا وتتدرب شوي جري ومضخة وبطة وهيا كملت الحالة ...

بالتوفيق للجميع ....ومتنساوش الخلصة اللي يدخل في وقتوا قصدي جماعة 15 راه عندهم 9000 دج زيادة هههه

ربي يسهل لجماعة جانفي وماي ...وعلى حساب وش قالولنا دفعة سبتمبر هي اصعب دفعة أما جانفي وماي تكون مرخوفة شي ...

[Dalkousat]

قصتي باختصار أني ذهبت إلى مدرسة المعتمدية ببليدة، وكي دخلت عند الطبيب ونحيت قشي عينيه خرجو، قالي ازرب اطلع فوق الميزان كي طلعت المؤشر تاع الوزن اختفى ثم عاد للثبات على وزن 140 كلغ هههههههههههـ قالي حبيبنا روح تروح ماتزيدش ترجع هنا بارك الله فيك

[ghezal sofian]

ههههههههههه بالتوفيق خويا لعقوبة لي مزالوووووو loooool