الجزء 137 من كوزينة واش طيبتي اليوم ((كوزينة النجاح في الدارين ))

[ام و ابنة]

روضة اختي ما بقاش حال شوفي صور البنات يديرولك القلب و الكورالج و ربي يقدرك
انا عكسك ما قدرتش نحبس القاطو اللي نشوفو يعجبني نقول نديرو

[أم فاطيمة]

ام و ابنة كنت حطيت الصور في الصفحات لي فاتو بصح لعيونك راني جبتهم ذوقي و ردي بالخبر ههههه

[ام محمدْ ومريمْ]

سلام لبنات صح فطوركم ران ميت بتعب ليوم روحت لعجوزتي ودرتلها الميناج راني حاسة عظامي كامل تسطر ..............المهم يعطيكم الصحة على الابداع يالفحلات انا اول عيد منكثرش القاطو موافة منحبسش بصح هذا العيد راني تعبنة محمد مهبلني ميرقد لاليل لا نهار
ليزا قاطو نتاعك خرجلي هايل وحا ماما عجبها وقاتلك يعطيك الصحة

[ام و ابنة]

ام فاطيمة الله يبارك فن
يعطيك الصحة

ام وداد ربي يعينك و يقدرك

ليزابيل ما نسيتكش و الله ما عنديش يومين كي قريت طريقة ام سهام تع التسكار و من مقبيل و انا نحوسلك عليها مالقيتهاش علابالي فيها مغرق فرينة مع السيرو
و الله اعلم الاخت ادرينو اذا ما رانيش غالطة كتبت الطريقة لواحدة من الاخوات باذن الله غير نلقاها نحطهالك

[قمر 77]

المازتي و توام روحي توحشتك قد السما و الارض ان شاء الله تقدري تدخلي و تطمنينا و طريق السلامة و ربي يحفظك راها ام امنية غير تشطح ههههههههههههه
ام ياسو حبيبتي ربي يحفظ العدرات دارو الماكياج قلهم يجو عندي قاطويا ما زالو اصلع ههههههههه
ام و ابنة ما نقدرش نحط مراكز التحميل بلعت ابوابها في وجهي راني ندعي عليهم مبصح راح نحاول كي نكمل ما كياج و ربي معاك
فاطمة مرة اخرى قاطواتك فن كنت البارح نوري فيهم لزجي قلتلو شوف الفحلات نتاعنا الله ايبارك
ام رويدة الصحة لا تعوض سايسي روحك ما خممتيش تديري حجامة مفيدة كثير ربي يشافيك حبيبتي
اية ان شاء الله يفيدوك الاخوات انا ندير اللوز فالبلا و نشوف شحال يرفد العلو اللي راني باغياتو و مبعد نقسمو على ثلاث كيلات و العجينة بالاك الثلثين تكفيك و الله اعلم ما نيش خبيرة فالقاطو
ليزاتي ربي معاك راهم غير يشكرو الصابلي نتاعك مبصح الميزانية المرة الجاية ايلا كنا من الحيين ان شاء الله ندير كيفك و كيف ام و ابنة نخبي من قبل هذ العام تكسرنا نتاع الصح

[ام و ابنة]

ليزابيل سرقتلك الطريقة من موضوع ام طيري الجنة تع المساعدة في قاطو العيد تفضلي


تغطسي التشارك في سيرو عبارة عن كاس ما الزهر و4م ك سكر ناعم و2م ك فرينة وم ك عصيرالليمون من بعد قطريهم في كسكاس وديريهم في جفنة صغيرة فيها السكر الناعم وتغطيهم كامل بالسكر وتخليهم 20دقيقة من بعد تنحي الزيادة وتتحفي باليد

[قمر 77]

قبل ما نروح وداد التربية صعيبة باجرك كي نقيتي دار عجوزتك ديري دوش تريحي بعده
روضة الفحلة يا الله شدي الهمة ما بقاش ربي معاك بوسيلي وائل
البنات قصرتكم ما تتشبعش مبصح راكم عارفين الصبح ينتظر ليلة سعيدة و صح سحوركم

[أم فاطيمة]

قمورة و ام و ابنة ربي يبارك فيكم حبيباتي عيونكم لي شابين

[almazalina22]

المشاركة الأصلية كتبت بواسطة قمر 77

ام وسيم الله ايبارك ما شاء الله قاطواتك خرجولك تحفة ما شاء الله بصحتم و بصحتهم اللي راح تبعثيلهم اتفكريني و ابعثيلي ندوق رانا جيران ههههههههههههه
المازتي على سلامتك الحمد لله كي راكي مليحة راني درت اليوم قاطوك صابلي بذوق الباتيسري روووووووووووعة حبيبتي و قليلة عليه وشنو درت غير نصف العبرة الميزانية راها تسوووووووووغ كي شافو الحكومة قاللي ما قلتيليش تزيدي هذا وااااع ما يحبش الشيكولا و احنا نحبوها قلتلو درتو ليماك سكت هههههههههههه درت المقروض البليدي لفلة جا روعة و كعك الجنة لحفيظة و القاطو البائس اللي راحو دراهمي فيه خسرتولي الفرينة ليزاموندين لام اماني بغيت نبكي كي خرج من العجينة الزيت و جا ثقيل
مواااحات للجميع

مواااااح ليك انت يالعميييييرة توحشتك وتوحشت خفة دمك وشكرا حبيبتي على الثقة والحمد لله كي عجبك وزوجك قوليلو ماتعرفش تاكل خخخخ

المشاركة الأصلية كتبت بواسطة ام و ابنة

صح فطوركم جميعا
ام رويدة اختي غير الخير لابأس عليك و ربي يشفيك

قمر حطي صور قاطواتك نشوفهم
تعرفي انا من قبل رمضان و انا كل خطرة ننقص حاجة من دوزان القاطو مرة سكر مرة فرينة مرة شيكولا مرة جلجلان مرة كاوكاو مرة الخمارة و هكذا و الحمد لله ما حسيتش كي لحق العيد و الميزانية ما نضرتش شريت برك لي كيسات و زدت شوية مرغرين و ماء الزهر و اشياء بسيطة

ام محمد تاج الله يوفقك و يقدرك و يجازيك الخير انا عكسك ما نحبش الباقلاوة لانو لازملها المعاونة و واحدة تشد معاك العجينة و كذلك بصراحة انا الباقلاوة نحبها باللوز و خاوتو الغاليين و انا في القاطو غالبا نعمل الكاوكاو و النوادكوكو يعني ماكان لاه نشقي روحي خخخخ على فكرة عملت اليوم المنقوشة تع ام اماني بالكاوكاو كبديل الباقلاوة عجبتني سااااهلة غدوة باذن الله نطيبها و نعسلها و نعطيكم رايي المتواضع

المازة و الله انا دايما نقول أصعب ما في القاطو الماكياج تاعو و حطي في لي كيسات و لي بوات و زيدي لقايلو بلاصة وين تخبيه

طير الرحمة و مريم الجزائرية ربي يجازيكم خير

ام ماجد و ام اسلام و ام سهام و العزيزة ليزابيل سلامي ليكم و لكل المتواجدات و الغايبات اللي من بينهم اختي الريفية و اختي الأماني المجد و كثيرات على حساب الشوفة غرقوا في الفرينة و المرغرين خخخخ ربي يقدرهم و يعينهم و يرجعهم بخير

ربي يعينا ويقدرنا وانا كيفك حبيبتي شريت قبل مازدت والو غير سكر رطب خخخخ وربي معاكم

المشاركة الأصلية كتبت بواسطة ام رويدة

ام وابنة يسأل عليك الخير اختي
انا المشكل في يدي من 2009
كي نفورسيها بالعصير ولا العجين تخرجلي كيست

داويت داويت ودرتلها وحد السبتة عطلتهالي الطبيبة
كنت نلقا عليها كي نديرها يرووح ويحبس السطر

بصح دوكا ماعادت تديري والو
وزيد طلعلي السطر لكتفي ربي يعافيكم

ربي يشفيك حبيبتي وسايسي رووووووحك تجيبيها في صحتك وتطفر فيك راه كلش يتبااااع يااااو كي تطيح الراجل يضربك بوحدة اخرى انا نزعف برك يقولي واش على حبات قاطو راكي تديريهم نشريهم من برا شفتي مايقروش بالخيييير

المشاركة الأصلية كتبت بواسطة lyzzabel

قموووورتيي و اماااازتيي على سلاامتكم حبييباااتيي ربي يعااونكم ،، هههه قمووورة وحححححدك هههه ،، الحمد لله على سلاامة زووجك

ام اسلااام الحبييبة الله يسلمك و صح فطوورك نتيا تااني و مأكووول الهناا

فكرتووني ببيييبا الحبيييبة ،، تسلم إيدييييك غااليتيي حلويااتك روووعة كييما قااع إنجازااتك المطبخية

ام روييدة الف سلاااامة لييك حبييتي رااني حااسة بييك انا تااني ميين ينووضلي درااعي لوكاان نصييب نقطعه من كترة السطر ،، ربي يشفييك و يشفي كل المرضى و يكوون في عوونك

ام و ابنة ريحتي شوية مالعياا ،، رااني نستى في صور حلويااتك انا تااني كاان عنديي اللواازم زدت شرييت غيير البيض و الفريينة هههه

ام نسريين كنت تما غيير دروك و ردييت علييها بصح نصف إجااابة

حبييبااتي شكوون تفكرني بطرييقة التسكاار تااع التشارااك لأم سهاااام و ربي يجازييها بالخيييييير

حبيبتي واش احواااالك وشقاك اللي مايخلاص ربي يعاااونك درتي القاطو اللي قولتي نبدا بيه ولا لا بلاك نزيده ههههه مزلت ماشبعتش ههههه





روضة يااااو صح عيدك مازلتي تخمي في القاطو ديري صابلي نتاعي بذوق الباتيسري صدقيني رااايح يعجب زوووجك لانو من محبي الشوكولا




تصبحو بخييير حبيباتي ام ياااسو بناتي راهم يماكييو قلتلهم هذ العام عااامكم والله عيييت بصح راني نطل مور العيد ومن بعد نهبط وشكرا وربي يوفق بنتك وطريق السلااامة وسلامي للعائلة وخااااصة والدك لانك تحبيه بزااااف ههههه

[أم ماجد]

بعض طيابات اليومين اللي فاتو قلت لاه يقعدو فيالميكرو خخخخخ
الان فقط روحوا ضيافي



حساء العدس الاحمر امممم






مول تاع قاطو الكبريس تاع سليكون لقيتو بعد عناء سماح






قرنوني المجمد بالكرام فراش جا 44444444 يبان جديد مانويدش نراطي تجميد القرنون الى الابد عاندوا عاندوا خخخخ



سهرة البارح جاونا ضياف يباركو لروزا
















سهرة اليوم نسيت ماصورتش شبعت شياخة خخخخخخخ


صح سحوركم

[بشرى2008]

ليزا لعزيزة الرقبة راهي معوجة اليوم عندي 15 يوم مي القاطو قتلو والله ماااااااااااانطلقك ههههههههه انا اللي درت كامل القاطو ههههه

المازة حبييييييييبتي هدوك الوردات بمول السيليكون مي درت عفسة صليحة بسكري اللي ولات ليزا تكرهها ههههههههه مسحت مرة وجدة المول بالزيت وخدمت العجينة بالفلوكوز والنشاء ملييييييييح وطبعت خرجو هايلين

روضة يااالاااااااااااااااااااااااالة واش راكي تستناي لازم تغتنمي الفرصة حتى ووليدك صغير مي دوكا يقولو هادي ماتعرفش تخدم و مرت لوسك خير منك هههههههههه درتلك القلب دوكا ولا مزااااااااااااال

[idron0]

دعاء اليوم الثامن و العشرين
أللّهُمَّ وَفِّرْ حَظِّي فيهِ مِنَ النَّوافِلِ ، وَ أكْرِمني فيهِ بِإحضارِ المَسائِلِ ، وَ قَرِّبْ فيهِ وَسيلَتي إليكَ مِنْ بَيْنِ الوَسائِلِ ، يا مَن لا يَشْغَلُهُ إلحاحُ المُلِحِّينَ .

[ام و ابنة]

صباح الخير جميعا

اليوم رايحة نسهر عند عجوزتي لوسي و عايلتو يجيو من الغربة يعيدوا هنا عندها
راني مشغولة و عيانة ما نقدرش ندير حاجة نديها معايا فقررت ندي في يدي مقروط السنيوة اللي حطيتلكم تصويرتو من يومين كنت خدمتو على جال العيد بصح بانلي يوالم السهرة و لا واش رايكم؟؟؟؟؟؟؟؟؟
اختي كي ذاقتو قالتلي بنين بزاف

[قمر 77]

اصبحنا و اصبح الملك لله
ام و ابنة وش صبحتي ربي معاك اديه راه روعة و يجي مع الاتاي ربي معاك انا راهم من درك ياكلو في قاطو العيد اليوم لازم ندير فطور جديد و قاطو للسهرة لا يكملولي كلش
بشورتي الزينة لا باس عليك غير الخير ديري الدوا هدي دورتيكولي و لا وشنو و قاطوك هايل
المازتي راكي فالقلب ربي معاك و طللي و كل عام و انتي بصحة و عافية
ام الجودد كنت شابعة شياخة و احنا نخممو فيك بصحتك و هيتيني فالقرنون و السردين و القعدة تهبل بصحتكم سلامي لروزا
ايه البنات نبداو الاشغال الشاقة سلامي لكل الملتحقات

[قمر 77]

ايدرونو الحبيبة صباح الانوار و امين ربي يتقبل بارك الله فيك يا لحبيبة و ربي معانا كامل