شطيطحة ........غير هاااااااك

[اسمهان79]

السلام عليكم ورحمة الله وبركاته
علابالي ضحكتو من العنوان تفكرت وانا نكتب جماعة مصطفى وحزيم في سكاتش نتاع الشطيطحة كي طلب منو حزيم قالو شطيطحة لحم جابلو مصطفى وقالو ها اللحم وهي الشطيطحة ورقصلو رقصة اللي هي هههههههه كانت ايااااااام
المهم كانت الاخت هند 11 طلبت مني وصفة للشطيطحة والروتي وعدتها اني نطبقهم ونقدمهملها علابالي بلي الكل يعرفها وكل وحدة ولمستها الخاصة فيها راح نقدملكم اليوم طريقتي في اعداد شطيطحة اللحم والدجاج على بركة الله نبدئ ونتمنى تعجبكم حبيباتي
شطيطحة دجاج بالافخاذ



شطيطحة دجاج بالصدر



شطيطحة اللحم



روتي في الفور



شطيطحة دجاج 1
اول شيئ نقلي قطع الدجاج ومن الاحسن في هاذ الطريقة الولى نعمل الافخاذ نقليهم مليح في شوية زبدة وزيت ونقلب ثم نحيهم وقلي البصل في هاذاك الزيت مع الثوم الملح الفلفل الاسود الافاح زنجبيل مرحي معدنوس 1 م ص فرينة ولازم فرينة تعطيها بنة خاصة ولون وثقل هايلين قلي مليح مع التحريك المستمر ثم اضيفي الدجاج اللي سبق وقليتيه مع حبيبات حمص قلبي مرة او زوج ثم امرقي وخلي الدجاج يطيب
ملاحظة
في أطباق الكفتة أو الشطيطحة اعملي الحمص اللي يتباع في القرعة راهو هايل يجي طايب زبدة وبنين





لما يطيب وتشوفي بلي المرق بدا يخثار طفي ثم نحي الدجاج خليه يبرد ثم اعملي خليط من الموطارد اي الخردل وشوية هريسة وادهني هاذاك الدجاج باستعمال البانسو او اليد ثم رمديهم في الفرينة واقليه في الزيت



بعد ما تكملي عاودي لوحيه في المرق ورجعيه الى النار ولما يهز الغلية اعصري عليه القارص ورشة معدنوس وخليه يغلي 10د تشوفي المرق خثار مليح طفي وقدميه بالصحة والهناء





يجي روعة في البنة جربوه ورجعولي الخبر
شطيطحة دجاج 2
هاذ النوع من الشطيطحة يحب نعملوها بصدر الدجاج
نقلي صدر دجاج زيت مع بصل مرابي ثوم مرحي 1 م ص فرينة
1 م ص هريسة زنجبيل مرحي فلفل اسود ملح افاح او كسبر خليط من المعدنوس والدبشة وعصرة قارص وحبة صغير نتاع طماطم مرحية نقلي كلش مليح مع التحريك سر بنة الطعام في التقلية لمليحة
ثم امرقي وخلي الدجاج يطيب



من بعد نحبه خليه يبرد ثم قطعيه قطع ماهم كبار ماهم صغار كيما في الصورة



وجدي بيضة و 2 م ك فرينة و1 م ص هريسة ملح فلفل اسود وكسبر مرحي خلطيهم ثم لفي هاذاك الدجاج في الخليط واقلي في الزيت حتى تتحصلي على لون ذهبي
ارجعي لوحيهم في المرق وخليه يخثارو ويغليو مليح مع اضافة عصرة قارص ورشة معدنوس
وبالصحة والهناء وهاذ الطريقة ايضا راهي بنينة وتحمر الوجه قدام العايلة
شطيطحة اللحم
خذي قطع لحم احمر من دون شحم قطعيهم مكعبات شوية كبار ثم تبليهم ب 1 م ص موطارد اي الخردل و1 م فرينة و1 م ص هريسة فلفل اسود ثوم بودرة من الاحسن شوية زبدة طرية 1 م خل خلطي هاذ اللحم مليح في التتبيلة وخليه مدة 4 ساعات او اكثر كيما تحبي



ثم سخني القدر نتاعك ولوحيه يتقلى مع التقليب المستمر حتى يتغير لونو ثم اضيفيلو الملح والدبشة والبصل المرحي و1 م ص طماطم مصبرة وحبة صغير طماطم حب مرحية وزيدي قلي مليح ثم امرقي وخلي اللحم يطيب على نار ذليلة حتى تخثار مليح وكولي وادعيلي حبيبتي راح تتحصلي على الذ شطيطحة لحم ممكن تاكليها
حبيت نوضح فقط كايناالاخت هبة الرحمان انشراح حطت وقالت على سر اللحم المرحي باه يقعد طري قد ما يطيب الا وهو مغرفة نتاع نشاء انا كي درت وصفة الشطيطحة باللحم جربت معاها بولات نتاع اللحم المرحي وعملت فيهم النشاء والله صراحة جا روعة يذوب في الفم وطري كيما يحب الخاطر جربوها ومش رايحين تندمو ونقوللها بارك الله فيكي اختي وجزاك الله كل خير



روتي في الفور
فقط هنا حبيت نوضح للاخت هند انو طلبت من زوجي باه يجيبلي الفيلي واللحم المرحي باه نعملو ونصورلك المراحل كيفاش تحشيه وتربطيه بطريقت الخاصة لكن للاسف هو ما فهمنيش وراح كومونداه من عند الجزار جابو واجد لكن نوعدك انو مرة اخرى راه نوجدو وحدي ونحطولك حبيبتي
هاذا هو الروتي اللي جابو هي طريقتو ساهلة خلاص



خذي قطع الفيلي تبليهم مليح ثم حطيهم بجنب بعض اذا كانو قطع صغار او زوج قطعات كبار على حساب كيفاش الجزار راه يقطعهم حطي في وسطهم اللحم المرحي المتبل ومعاه زيتون اخضر مقطع حلقات ونصف حبة طماطم مقطعة رقيق و فلفل حار مقطع وحاولي انك تلفي عليه اللحم وتربطي بخيط اثقبيه بكيردو ثم تحطي عليه 1 م ص هريسة 1 م ص موطارد شوية زبدة طرية ملح فلفل اسود افاح زيت زنجبيل عصير القارص وثم بودرة او مرابي وادهنيه مليح ولوحيه يدور في الفور وحطي تحتو في بلا بطاطا مع طماطم مقطعة ودبشة او اي خضر انتي تحبيها



وخليه يطيب ويحما رفي نفس الوقت ومرة على مرة حركي البطاطا باه العصارة اللي تهبط منو تتخلط في كامل البطاطا






شوفي من الداخل



نتمنى اني نكون وضحتلك الاخت الكريمة ويعجبوك اطباقي انتي وكل الاخوات اللي نحبهم في هاذ المنتدى لعزيز على قلبي
في امان الله حبيباتي
ورمضان كريم للجميع
هاذا هو اللي قطعت بيه البطاطا للاخت اللي طلباتو ام رويدة

[محبوبة ^_^]

و الله ديجا سخفتيني يا ايتها الاخت الكريمة ... هاديك الماكلة تاع الحراير و لا بلاش ....

[أم تغاريد]

وعليكم السلام ورحمة الله وبركاته أختي اسمهان أضحك الله سنّك
وجزاك الله خيرا
امهما خرجو وصفات جدد تبقى شطيطحة من انسب الاكلات المقدمة للضيوف وتحمر الوجه
يعطيك الصحة
كون غير تزيديلنا وصفتك في المثوم
ربي ينفع بك دوما
---
ملاحظة في وصفة جبتكلم زوج مقبلات فوووور سألتكِ عن نوعية الاكواب لي درتي فيها الوصفة ودخلتيها للفرن لعلك ما قريتيش الرد من فضلك احتاج جوابك ربي يجازيك خير

[sinner]

ياعمري الله يبارك شهيتينا ممممممممممم يعطييك الصحة

[saja hamed]

والله ما لقيت وش نقول في وش تقدمي لينا غير ربي يجازيك كل خير ويرزقك بالولد الصالح في القريب العاجل

[ام رويدة]

يااااااا عمري على الرواااائع تااااعك يا اسمهان ما شاء الله تباااارك الله
تامني والله غير راني نستنا غيييير في الوصفااات تااااعك معولة عليهم ان شاااء في رمضاااان ان شاء الله وااالموووني بزااااف
شكراااا غاااليتي اسمهان وربي يحفظك ويحفظ الحبووووبااات ان شاااء الله

[oum radja]

رووووووعة روووووعة يعطيك الصحة الوصفات جاو في وقتهم

[ام رويدة]

اسمهان تعيشي كون غير تقدري تصوريلي الموس اللي قطعتي بيه البطاطا
رجاااءا ادا مافيهش ازعااج وشكرا اختي

[fleur de lili]

baraka allahou fik 3alla had rawai3 touhfa
houra .tesslame ayadi
bizou a dou3a

[ام هاديل وياسين]

يعطيك الصحة اسمهان تشهي ههههههه فكرتينا في سكاتش مصطفى وصح كانت ايام

بارك الله فيك

[om kamilia]

يا اسمهان شو هذو الروائع بارك الله فيك مممممم شهيتينا فعلا راكي شاف444444444

[أم ياسين الزهراء]

اممممممممممممم شهيتيني الله يسلم ايديك كلش منك هايل كيما انت امممممممممممممممم
حبيت نسقسيك الخيط اللي نربطو بيه الروطي واش يسموه وين يتباع وشكرا

[ام محمدْ ومريمْ]

اممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مم

[zitoukar]

يعطيك الصحة444444444444

[iman dadou]

روعة يعطيك الصحة وصفاتك كامليهبلو ممكن تفهمني هداك لحم ولا واش هو المحشي واش اسم كي تروحي تكومنديه ربي يجازيك كل خير