نداء الى ناس ولاية المدية

[نوال زهرة]

ظهرت نتائج مسابقة مفتش محالل للميزانية لكل من المدية و قصر البخاري معلنة عن مهزلة و تزوير انقاط كل المترشحين العاملين في اطار عقود ما قبل التشغيل و نجحو اشخاص يملكون مناصب عمل دائمة برتبة عون معاينة و مراقب مع انو الوزير الاول ركز على ادماج حاملي الشهادات المتعاقدين كذلك النتائج معلنوش عليها باش ما يخلوش فرصة للناس باش تطعن و قررو باش يستدعيو الناجحين يكملو ملفاتهم
ياناس المدية المتعاقدين وناس قصر البخاري لازم نوقفو و نوضعو حد للمهزلة و نجيبو حقنا اللي سلبوهنا بالغش

[amine eco]

صحيح انا شاركت في مسابقة هذي سمعت مراقب مالي راح يدخل فميلتو لازم نتابعو قضية ونشكو بيهم للوظيف عمومي لفتح قضية في هذي مهزلة ليتم الغاء نتائج كما حدث مع مديرية التجارة

[نوال زهرة]

انا بعثت الطعن نتاعي ونتع القصر حطو عليهم في الجرنان الشروق كاين ناس اللي عنها 6 سنين و هي عقود زعما عجبهم الاجر اللي بزاف ولا الخدمة اللي يخدموها بصح صابرين و ساكتين غير باه يدو شهادة عمل تعاونهم وزد اللي ربحو في القصر او في المدية عندهم البوست و داخلين بنيفو 3 ثانوي ياخي هوما قبلو يخدمو هكاك علاه في كل مرة هوما يعقبو و حنا نقعدو نتفرجو
اذاكان المدير الجهوي للميزانية حب يرقيهم علاه خلانا حطينا و طمعنا ياخي القانون يقول التوظيف و الاولوية لعقود ما قبل التشغيل

[amine eco]

اظن تم الغاء نتائج هكذا سمعت اخر الاخبار

[نوال زهرة]

وين لغاوها ياخي اليوم مضاو محضر التنصيب خويا امين

[اسيا26]

حتى الوظيف العمومي تع المدية متواااااااااااااااااااااااطئء بشهادة مني ...كااااااااامل تع معارفهم .....مثال تقني سامي في الاحصاء بجامعة المدية الفتاة صرحت انها عندها معرفة من الوظيف العمومي ...حسبي الله ونعم الوكيل...من جيهتي والله مانسمح ليهم كامل

[lila z]

سلام
شوفي حبيبتي لازم تروح للوظيف العمومي
و تكون عندك شوية تع معريفة تروحي يوريلك الملف ديالك
وحدة تخدم معايا لقات روحها ف المرتبة 100
راحت بعتوها معريفة للوظيف العمومي ورالها الدوسيي ديالها لقاتو فارغ ما فيهش شهادة العمل تع 5 سنوات
غير دارتها عيطولها امبعد و راهي خدامة دوك

[هاجر المدانية]

السلام عليكم . يا اختي انا من قصر البخاري متخرجة مال2002 ليسانس حقوق وخدمت في الأدارة .13 سنة عقود العبودية حتى كرهت وشفت انواع الحقرة وراني ضرك قريت لغة فرنسية وتحرجت الحمد الله هذا العام كملت قرايتي راهي ليهم الإدارة الله لا تربحهم نروح نقري على روحي يا لوكان في طرف الدنيا ومانقعدش عبد ليهم ولي تغيطك ما عندهم حتا نيفو ويحكمو فينا ربي وكيلهم وربي يكون في عونكم .