قصه أخرى لأخت بارك الله فيها وثبتها
السلام عليكم ورحمة الله وبركاته..
الحمد لله ربنا انعم عليا بالنقاب والحقيقة انا كنت نفسى البسه من زمان بس كنت بأجل وكنت بقول مايمكن يكون مش فرض رغم انى ف قرارة نفسى كنت مقتنعة انه فرض بس يمكن كنت بقول كده عشان ادى مبرر لنفسى وقتها ,لان مع اللى بيحصل ف الشوارع والاذى اللى بيحصل لاى بنت حتى لو كانت مش على جميلة, ده بيأكد انه فرض .كمان ساعات كنت بقول طيب مانا بعمل ذنوب تانية , لما اسيب الذنوب دى ابقى البس النقاب ....بس مكنش ف دماغى خالص موضوع انى ممكن متجوزش لانى مقتنعة حتى من قبل مالبس النقاب ان الزواج ده رزق ربنا اللى كاتبه ومقدره من قبل حتى مانا اتولد وكشف الوجه ملوش اى علاقة ..المهم قعدت متذبذبة مابين انى البسه او لا وادعى ربنا يقربه ليا لو هو خير وصليت قضاء حاجة..والحمد لله السنة دى اتقربت من بنات ملتزمات قووا عزمتى لان والله فعلا الصحبة ليها تاثير جامد فى حياة اى حد ..و فى يوم قررت انى لازم البس النقاب بعد ماشوفت زميلتى اللى كانت مش محجبة اتحجبت بصراحة غيرت وقولت انى لازم البسه ولازم اغطى وشى اللى حسيت انه والله بقا ملوث من نظرات الرجال والذنوب اللى عليه ولازم مبقاش (انا اسفة فى التعبير ومع احترامى لكل اللى مش منتقبات)سلعة رخيصة , حتى مش رخيصة ,,ده ببلاش لكل اللى ف الشارع ,,وقولت انى لازم اكون غالية لان البنت لازم تحفظ جمالها للى يتسحقه بس وهو زوجها طبعا ولبست النقاب..ولله الحمد والله بقيت احس باحساس ميتوصفش كل اما انزل للشارع حسيت انى غالية اوووى وانى مصونة اوووى وان ربنا مفرضش النقاب علشان يحد من حرية النساء او يظهرهم ف مظهر وحش لكن والله علشان ده الخير ليهم والافضل......ومع انى كنت خايفة انى ازهق بعد مالبسه زى مافى بنات كتير خايفين من كده لكن والله النقاب خير جدااا وميتزهقش منه ابدا بالعكس خالص...والحمد لله بعد مالبسته سبحان الله ربنا بييسرلى ,وواحدة واحدة بقيت اسيب الذنوب اللى كنت بقول انى لما اسيبها ابقى البس النقاب ,,ووالله كان فاتحة خير عليا ولله الحمد.....ربنا يثبتنى على الحق ويثبت كل المسلمين .اللهم امين,,,,,,,,وكل بنت نفسها تلبس النقاب ياريت متتردش لحظة وتحمد ربنا انه انعم عليها بالرغبة دى اللى فى ناس كتير للاسف مفتقدنها,,وكل بنت نفسها تلبس النقاب تتطمن ومتخافش ابدا وماتفتكرش انه هيضايقها او يمنع زواجها ,بالعكس خالص والله ,النقاب خير جداااااااااااااااااااااا ووالله العظيم نعمة متحسش بيها الا ربنا انعم عليها وجعلها منتقبة .ياريت كل البنات يعفوا نفسهم ويحافظوا على الجمال اللى ربنا انعم عليهم بيه ,,,,,,,واسأل الله العظيم رب العرش العظيم ان يرزق كل نساء المؤمنين وبناتهن لباس التقوى والعفاف والحياء ويثبتهن علىه ويتقبله منهن ..اللهم ااااااااااامين,,,,واسالكم الدعاء بالثبات وفك الكرب,,,
والسلام عليكم ورحمة الله وبركاته..
( تقرير عن مشاركة سيئة )، و الموجودة أسفل كل مشاركة .
2014-10-25, 03:23
وكم كانت سعادتي .. حين تُــوِّجت بتاج العفاف!!
العرض العادي
