|
منتدى هُنّ كل ما يتعلق بهموم حواء وطموحاتها ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2010-10-21, 16:11 | رقم المشاركة : 31 | |||||
|
اقتباس:
اهلا اختي مرحبا بيك ضوكة راني ندير في اادة ان شاء الله لمشافهمش يشوفهم وتبعيني ايام الجاية نحط الجديد:mh31
|
|||||
2010-10-21, 16:19 | رقم المشاركة : 32 | |||
|
السلام عليكم
وصلت للدار ميتة بالعيا وقلبي يدور وراسي يوجع طحت في بلاصتي وماقدرتش نوض منها وحتى الظهر نضت بالسيف صليتو ماما مسكينة راحت بلخف وقبل ماتحوس تفهم غلاتلي نعناع وجابتولي والحمد لله غير شربتو ريحت ورقدت حتى للمغرب نوضني برك صوت التلفون فيكس يصوني كي رفدت لقيتها فتيحة تعيطلي باش تسقسي عليا ايلا بريت . قلتلكم تبغيني . وفي الليل درت سهرة طويلة مع العايلة حكيتلهم واش صرالي اليوم و bien sur ماقلتلهمش بلي فاطيمة قفزت وفاتت من جيهة المعوقين ودات فطورها بلا ماتدير لاشان خاطر على بالي بابا يديرلي محاضرة على لبنات الساجيات ولي يعرفو يعيشو. mais هو كي حكيتلو غضتو قالي هذي المرة نعطيك تاكلي برا فرحت بزاف وقعدت نستنى وقتاش يلحق الشهر الجديد باش تلحقني الزيادة في المصروف. بعد السهرة الطويلة ماقدرتش نوض بكري الصباح ولحقت للجامعة روطار قعدت برا ندور حتى خلاص الcoure اللول خرجوا لبنات فتيحة ولطيفة ماعدا فاطيمة طبعا هذيك تجي على ال 11 وتخرج على 3 وكي نقولولها تقلنا مانقدرش نوض بكري هذي هي القرايا في الجامعة انا بيناتنا ماكنتش نبغي نعطل الدروس ماشي خاطر قرَايا بصح نكره نتسلف cahier ونعاود نكتب في الدار. البروف تع الكيمياء مدلنا بحث عن الهيدروكربونات وكنا احنا اربعة فيه بانتلي حاجة صعيبة بزاااااف وماعرفتش كامل كيفاش نسلك من هذي الورطة ربي يجيب الخير برك. قررنا نروحو للمكتبة لأول مرة ونشوفو كيفاش تمشي الحالة كي دخلنا لقينا وحد تم تقدمت انا وسقسيتو ايلا يقدر يمدلنا كتاب تع الكيمياء العضوية قالي كيفاش يسموك وكي قلتلو لقى روحو يعرف خويا راح بلخف جابلي كتاب وجا وقالنا ادخلو للمكتبة الداخل واقراو فيه ومن بعد... وقبل مايكمل هدرتو رحنا احنا للمكتبة انا ديت الكتاب ورحت انا ولبنات لداخل المكتبة وبدينا نقلبو في الصفحات واحنا مانا فاهمين والو وفوتنا قريب ساعة واحنا نضحكو على روحنا كي لحقت الوحدة رحنا باش ندخلو للكوغ درت الكتاب في الساك ورحت كي بديت خارجة قدام هذاك لي مدلي الكتاب شفتو بدا يخزر فيا ويتبع فيا بعينيه بديت نقول في قلبي هذا مالو مايحشمش كيفاش يخزر فيا هاكة هذي لي زعما يعرف خويا. ماديتهاش فيه وفت عليه بلا مانخزر ليه البروف تع الفيزياء ماجاش فرحت بزااااف خاطر كنت عيانة ومديقوتيا من روحي كي مافهمت والو في البحث. كي رحت للدار جبدت الكتاب وبديت نقرا فيه وحدي وجبدت هذاك dictionnair scientifiq وسييت نعاون بيه روحي وبالفعل والله فهمت بزاف دروس كنت حابسة فيهم ولقيت مقدمة وبعض المفاهيم للبحث تاعي وعيطت لفتيحة تزيد تحوس في الانترنت خاطر هي عندهم في الدار. وفي اليوم التالي جابتلنا فتيحة تقريبا البحث واجد بصح انا أصريت باش نحط المقدمة تاعي والمفاهيم لي لقيتها في الكتاب وكتبنا البحث وحطيناه في الموعد وانا استفدت بزاف من الكتاب bien sur بعد ماقعد عندي اسبوعين كاملين قلت نرجعو لمولاه يمكن يستحقو؟؟؟ وغير شافني قالي ارواحي هنا ارواحي عندي سمانتين وانا نحوس عليك وين كنتي انا بانتلي كلي راه حاب يداسر قلتلو: واش بيني وبينك حتى تحوس عليا قالي: ماكان والو غير الخير برك راكي داية كتاب تع الجامعة وناسياتو عندك وهذاك الكتاب المفروض كامل مايخرجش تقراي بيه داخل المكتبة وترجعيه قبل ماتخرجي خاطر كاين منو نسخة وحدة برك تماك فهمت وعلااه كان يخزر فيا هذاك اليوم وحتى للعام الثاني كي راح هو من المكتبة وجا واحد أخر باش عرفت بلي ممنوع يمدو الكتب بلا la carte وتماك وين عرفت صح بلي صاحب خويا وناس ملاح وصلى اللهم وسلم على سيدنا محمد |
|||
2010-10-21, 16:44 | رقم المشاركة : 33 | |||
|
فووووووووووووووووور |
|||
2010-10-21, 16:49 | رقم المشاركة : 34 | ||||
|
اقتباس:
فرحتيني كي عجبوك مايكون غير خاطرك ضوك نحط جزء وحدوخر |
||||
2010-10-21, 16:58 | رقم المشاركة : 35 | |||
|
السلام عليكم
جاء اول الشهر وبابا كان عند الوعد تاعو و زادلي في المصروف الشهري فرحت بزاااف بهذيك الزيادة الصباح نضت بكري وطيبت القهوة وشربتها مع ابي (نقلو ابي برك كي نبغي نطلب منو حاجة ولا نكون فرحانة) وماما. أما اختي فكان يلزملها خمس جولات حربية باش تنوض من الرقاد ودايما نخلي ماما معاها في الجولة الثالثة ونروح للجامعة الحمد لله الثانوية نتاعها ماشي بعيدة بزاف على الدار. في station تلاقيت بوحدة تقرى معايا نعرفها غير من بعيد لبعيد اسمها نجاة كانت ملتزمة وجامي شفتها تضحك او tsirculer مع لبنات كنت نشوفها يا إما في المدرج او في المكتبة وكل ما نتلاقى بيها نقلها السلاااام عليكم ورحمة الله وبركاته. اليوم ركبت معاها في transport وقلت هذه فرصة بما اني زادولي في الشهرية نخلص عليها ال buss والله تستاهل هي فرحت بزاااف وقالتلي بارك الله فيكِ اختي في الله، عجبتني بزاااف هذي اختي في الله ومن بعد قالتلي يالله ننزلوا في l'arét اللولة ونركبوا قي النقل الجامعي راه يفوت منا وانا نستناه دايما ونروح فيه حتى للجامعة. بغيت نروح بصح كي تفكرت واش صرالي مع الريسطو قلت jamais وبيناتنا غروني دراهمي في جيبي قلتلها لالا اسمحيلي انا نروح كيما موالفة من transport ل trannsport حتى نوصل وزيد اليوم ماعنديش coure بكري معليش نوصل rotard. كي وصلت لقيت فتيحة لتم هي دايما توصل بكري وقبلنا كامل خاطر باباها يوصلها بالطوموبيل وقعدت معاها شوية وصلت لطيفة وفي الاخير كامل كالعادة وصلت فاطيمة وبعد ماقرينا حتى لل 12.30 خرجنا ميتين بالجوع وانا زعمة بغيت نتكرم وقلتلهم اليوم نروحوا نفطروا برا والحساب عليا انا . دخلنا لل pizzeria تع عمي صادق قالك يصنع بيتزا تهبل دمونديت 1 pizza و 4 soufli و4 قازوز كلينا حتى شبعنا وما درنا لا لاشان لا والو. كي جيت خارجة قلتلو شحال نخلصك؟؟ قالي 500 دج وليت نعرق بصح كلي مابغيتش نبين قلتلو برك!!! وخلصتو وخرجت وطريق كاملة وانا نخمم كيفاش رح نكمل باقي الشهر (اواااااه بابا كلخلي والمصروف اللي عطالي مايكملش حتى اسبوع) وهذا كامل وانا نضحك مع لبنات باش مايحسوش بلي خلصت عليهم وندمت. ثاني يوم كي ركبت في ال bus تلاقيت تان مع نجاة راكبة طلبت مني مرة اخرى باش نروحو في النقل الجامعي وبما انو حسيت بالخطر على المصروف الشهري قلتلها معليش ياسيدي نروحو ، نزلنا في l'arét اللولة وبقينا نستناو حتى فات علينا الbus اللول وماحبسش كي سقسيتها وعلاش ماحبسش؟؟ لقيتها كلي بدات تحكمها الحشمة وقالتلي ماتخافيش ضروك يجي وحد آخر وبالفعل بعد خمس دقايق جا الثاني والحمد لله حبسلنا وكي رحنا باش نركبوا السائق حبسنا وقالنا لازم تمدو les cartesَََ!!! انا رجعت للوراء شوية وقلت لنجاة مانروحش ماعنديش كارطة خاطر ماكنتش رافدة معايا كارطة تاع النقل الجامعي وهي مسكينة حست بالذنب وقالتلي انا تان مانروحش مانقدرش نخليك وحدك هذاك الوقت بديت نخمم بلي رجعت فأل شؤم عليها خاطر هي موالفة دايما تركب وبلا اي مشاكل ماعلاباليش اليوم علاه كلش تعفس في وجهنا. السائق كي شافنا في هذاك الموقف غضناه وقاللنا يالله اركبو هذي المره نسامحكم بصح اللي كامل ماتوقعتهاش انو النقل الجامعي بعد ماقطع بينا نصف الطريق يحبس خاطر الموتور خسر يالطيف زهري دخل حتى للموتور تاع النقل وحبسو. واظطرينا نكملو مسافة طويييلة مشيا على الاقدام و bien sur نجاة كانت تقول في قلبها يادرى على من صبحت اليوم؟؟؟ اليوم اللي بعدو عاودت تان تلاقيت بيها وكي جيت نازلة معاها كيما البارح حلفتلي والله ماننزل قالتلي نخلص عليك ركبة حتى للجامعة وخلي الناس مساكين يروحوا في النقل الجامعي كيما موالفين وطبعا من هذاك اليوم ماعاودتش جربت زهري وركبت في النقل الجامعي . وصلى اللهم وسلم على سيدنا محمد |
|||
2010-10-21, 17:27 | رقم المشاركة : 36 | |||
|
فوور شكرااا جزيلا حنونة ماغاديش نقولك زيدي جزء باسكو باينة تكوني عييتي لمهم شكراااااااااا |
|||
2010-10-21, 17:34 | رقم المشاركة : 37 | |||
|
السلام عليكم |
|||
2010-10-21, 17:39 | رقم المشاركة : 38 | ||||
|
اقتباس:
ربي خليك اختي ابقاي وفية شكرا لك |
||||
2010-10-21, 17:44 | رقم المشاركة : 39 | ||||
|
اقتباس:
انتظري غدا اذا كتب ربي جزء اخر وحلقة جديدة |
||||
2010-10-21, 17:46 | رقم المشاركة : 40 | ||||
|
اقتباس:
كيد ابوخولة تقري في جامعة شلف
وهو كذلك يوميات هذه تخص بنت متخرجة من جامعة الشلف تخصص بيولوجيا |
||||
2010-10-21, 18:03 | رقم المشاركة : 41 | ||||
|
اقتباس:
و لا علوم تغذية هههه قريت عندو حصة بالصح مع صاحبي و الشيخة اللي طرداتك نعرفها ههههه و قريت حصة عند طاهر جبار تاع فيزياء قصير يدير النواظر ههههه و شيخة اخرى كنت نسميها ....صفراء بالصح ما نعرفهاش مليح ههههههههههههه طيهارتي تاع b.a واش رايك هههههههههههه ؟؟؟؟؟ |
||||
2010-10-21, 18:09 | رقم المشاركة : 42 | ||||
|
اقتباس:
يعطيك الصحة لكن هذي مش مذكراتي انا تاع اخت شلفاوية أمينة الجزائرية تحياتي لشلفاوية |
||||
2010-10-21, 19:52 | رقم المشاركة : 43 | |||
|
مبعد ان شاء الله نولي |
|||
2010-10-21, 20:23 | رقم المشاركة : 44 | |||
|
السلام يا اختي نينا الجزائرية ولله لقاع لي قلتيه لصح انا ديت الباك هذا العام وصرالي كما انتي كما يقولك ناس بكري الباك نشوى والجامعة كشفة .........تقبلو مشاركتي............... |
|||
2010-10-21, 21:22 | رقم المشاركة : 45 | |||
|
السلام عليكم |
|||
الكلمات الدلالية (Tags) |
متجدد, جزائرية, حوليات, فتاة |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc