واااش دايرة فطور لليوم الثاني

kouty · 2014-06-30, 12:07

[]السلام عليكم اخواتي واش حالكم مع ثاني يوم من رمضان؟
[Rراني مزال مخممتش واش ندير فطور اليم قلت ندير الحريرة لازم وطاجين الحلو وسلاطة والاطباق الأخرى راني حايرة فيها ,........زالمهم كل واحدة تقولنا واش رايحة طيب اليوم هاكدا ناخدو افكار من بعضانا و صح فطووووووووووووووركم حبيباتي[/CENTER]

melissa lola · 2014-06-30, 12:18

السلام عليكم صح رمضانكم انا عن نفسي بقاتلي شربة مالبارح نزيد نحمر شوية جاج ونقلي بطاطا وندير بوراك وسلطة ان شاء الله صح فطوركم

ماما طارق · 2014-06-30, 12:34

انا اليم باه نطيب شوربة و خميرة وبيتزا سخانة دايرة حاااااالة ربي يقدرنا على صيامو

nina32 · 2014-06-30, 12:52

بادن الله رايحة ندير لوبيا خضرا سوتي واسبادون في الفرن و سلطة وفطاءر بالطون وخبز المطلوع شربة فريك والحلو مزال من البارح

sabrinejuriste · 2014-06-30, 13:03

انا ندير متوم + بيتزا +فريت و عندي شربة + بوراك ديال+ لحم لحلو البارح

minay.timida · 2014-06-30, 13:16

hna jari ta3 lbareh w derna tajin zitoun w bourak w slata folof mechwi saha ftorkom

kouty · 2014-06-30, 13:30

شكرا اختي على المرور وصحة فطورك

kouty · 2014-06-30, 13:36

اقتباس:

المشاركة الأصلية كتبت بواسطة sabrinejuriste

انا ندير متوم + بيتزا +فريت و عندي شربة + بوراك ديال+ لحم لحلو البارح

شكرا على المرور و صحة فطورك

marwa255 · 2014-06-30, 13:50

saha ftourkoum hna ghadi ndirou hriira w plat ta3 denjal w bourek w slata w tajine el hlouw ta3 el bareh w matlou3

روح مراد · 2014-06-30, 13:53

أنا مازالي شربة فريك نتاع البارح اليوم نزيد أقراص الدجاج المرحي بصلصة الجين مع سلاطة و ممكن بطاطا مقلية

rayane24 · 2014-06-30, 13:56

فطور اليوم ان شاء الله
شربة و كفتة و بوراك و شطيطحة و بالاضافة الى السلطة التي لا نستطيع الاستغناء عنها ,
صح فطوركم

rasha holwa · 2014-06-30, 14:31

انا غادي ندير حريرة و طاجين زيتون و سلاطة ماسدوان و الحلو راه باقي من البارح
صح فطوركم

وفاء20 · 2014-06-30, 14:37

اقتباس:

المشاركة الأصلية كتبت بواسطة nina32

بادن الله رايحة ندير لوبيا خضرا سوتي واسبادون في الفرن و سلطة وفطاءر بالطون وخبز المطلوع شربة فريك والحلو مزال من البارح

لو سمحتي ممكن تقوليلي بالتفصيل كيفاش رايحة ديري اللوبيا الخضرا

ام ملاك و عبدو · 2014-06-30, 14:42

انا بقالي شربة من البارح رايحة نديراصابع الدجاج +بيتزا+كسرة خميرة و الحلو عندي قلب اللوز خدمتو البارح ومازال باقي شوية و صح فطوكم اللهم ادمها نعمة واحفظها من الزوال

nina32 · 2014-06-30, 15:56

اختي وفاء20 اللوبيا تنقها وتغليها بشوية ملح كي طيب عندي طريقتين
1 سوتي ثوم مرابي ورقات رند ر شويةكمون فلفلا اسود زبدة تقليهم شوية لازم ما تخليش الثوم يتحرق من بعد حطي الوبيا وخليها تتشرب النكهات على نار قليلة مع التحريك من حين لاخر
2سوتي بالطماطم حبة طماطم طايبة ولا زوج على حساب الكمية تاع اللوبيا . تقشري الطماطم وتقطعيها صغيرة وثوم رابي رند كمون فلفل اسود زبدة تقلي على النار وتزتيدي الوبيا وتخلها على نار قليلة حتى تتشرب النكهات وتنشف سوائل لي تطلقهم الطماطم في الخير اظافة رشة معدنوس
ان شاء الله نكون افدت ةهادي مليحة في الايام الحارة خفيفة خير بالمرقة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري