مشكلة مطبخية و اطلب المساعدة بها لمن تعرف؟؟؟؟

[كريم35]

السلام عليكم صح رمضانكم و يجوز بصحة و الهناء لمني اريد طريقة صنع عجينة الديول ساعدونيييي

[Marc Edouard]

صح فطورك للامانة هذا الموضوع منقول ولكن مجرب طريقة تحضير الديول بالصور في المنزل


المقادير : كأس ماء بارد + كأس فرينة + حبة بيض + ملعقة زيت
إذا كان عدد الأفراد كبير ديري 2 كيسان ماء + 2 كيسان فرينة و كلما كبر عدد الأفراد زاد عدد الكيسان








ديري الماء و البيض و ملعة الزيت في إناء




ضربيهم مليح بالباتور أو بيدك اللي عندك




كبي كأس الفرينة و زيدي خلطي مليح باش مديرش الحبيبات





هذه العجينة المتحصل عليها بعد الخلط تحبي طيبي ديراكت أو تخليها تريح نصف ساعة




إشعلي الفرن و خليه على نار خفيفة و سخني المقلة تاعك غير شوية






وبهذا البانسو أغطسيه فالعجين





خفي مشي البانسو على المقلة غطيها قاع بالعجين تبداي تغطسي و تمشي



رجعي المقلة على النار باش تنشف الورقة تاع الديول




كيتنشف تتنحى بسهولة مالمقلة تاعك





حطيها على طرشونة و زيدي غطيها بطرشونة يعني ما بين كل وحدة طرشونة
و هاك إخدمي بالديول تاعك كيما تحبي بوراك و لا حلوة السيجار

[nydjy]

سلام ، هذه وصفتي الخاصة

https://biskriate.canalblog.com/archi.../30140052.html

[hayette82]

خدمت الورق بالسميد مفهمتش اعلاش يجو راشيين

[لجين93]

شكرا جزيلا

[zinna]

يعطيكككككوووووم ألف صحة نجربها ان شاء الله