|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
**le fraisier من مطبخي بالتفصيل **
|
أدوات الموضوع | انواع عرض الموضوع |
2014-04-26, 11:38 | رقم المشاركة : 1 | ||||
|
**le fraisier من مطبخي بالتفصيل **
السلام عليكم أحبتي الكرام
بما انو رانا في وقت الفراولة حبيت نشارككم بهاد الوصفة الرااااائعة نتمنى تعجبكم le fraisier المقادير: كريم موسلين: انا معتمدة وصفة فلة كريم باتسيير: *1لتر حليب +3فناجل سكر عادي+ 2 فناجل مايزينة +2 بيضات +250غ زبدة فلوغيال +5ملاعق كبار لافاني ندير الحليب يغلي مليح ثم نضرب البيض مع السكر و المايزينة و الفاني ثم نبدا نزيدلهم فالحليب يغلي غير بشوية و نضرب باش البيض ما يطيبش ثم نديرهم على النار و نبدا نحرك حتى تعقد الكريمة جيدا و نضيفلها ملعقة كبيرة زبدة طرية انحيها من 250 غ ثم نفرغ الكريمة في بلا باش تبردلي بلخف و نخليها حتى تبرد ملييييييييييح مليييييييييييح لما تبرد نضرب الزبدة (200غ) نضربها جيدا حتى تولي بيضبء و نبدا نزيدلها فالكريمة غير بشوية و نضرب حتى نتحصل على كريم موسلين شادة روحها و ندخلها الثلاجة تبرد شوية. نحتاج جنواز: ممكن تستعملي اي جنواز تستعمليها انتي انا استعملت الجنواز اللي معتمدتها لأم رامي 6 حبات بيض + كاس سكر + فاني + كاس فرينة + نص كاس مايزينة + ملعقة صغيرة خميرة حلوى نفصل الصفار على البياض نطلع البياض مع رشة ملح حتى يولي كالثلج و نزيدلو نص كاس سكر و نضرب . ثم نضرب الصفار مليح و نزيدلو الفاني و نص كاس سكر و نضرب جيدا حتى يذوب السكر و يولي الخليط على شكل كريمة بواسطة سباتول او ملعقة خشبية نبدا نضيف فالصفار للبياض على 3 مرات و نخلط برفق من تحت لفوق بعد ذلك نخلط الفرينة مع المايزينة و الخميرة و ننخلهم في سيار او صفاية كبيرة و نضيفهم للخليط على 3 مراحل و ايضا نخلط برفق من تحت لفوق . انا قسمت الخليط على اثنين و كيبتو على شكل بيسكوي رولي لاحظوا الصور طيبتو على ورق طبخ و لما طيبتهم الاثنين و خلتيتهم بردو قسمتهم بمول تاع قلب و انتي و واش متوفر عندك صلصة الفراولة: كمشة فراولة مقطعة + شوية سكر (حسب الذوق) نديرهم في كاسرونة على النار و نخليهم يطلقو السيرو و يدخلها الطياب نزيدلها شوية عصير ليمون باش تحافظ على لونها ثم نرحيها جيدا بالميكسور (هاد الصلصة ممكن تصنعيها و تخبيها فالمجمد لوقت الحاجة و ايضا تحبي تستعمليها فالتحليات او مع المثلجات او في التارت كيما تحبي ) انا ضفتلها 2 ملاعق صغار جيلاتين بودر و رجعتها على النار حتى ذابت الجيلاتين . التشكيل: نحط طبقة جنواز و مع الأطراف نستف الفراولة بعدما كنت قطعتها شرائح و عملت ايضا في لي مول الصغار ثم نشرب الكيكة بسيرو باش اجيني طرية ثم ندير طبقة كريمة موسلين و نزرع فيها حبات فراولة ههههه ثم نزيد طبقة بالكيكة الثانية و نضغط شوية عليها باش تدخل مليح و تخليلي مساحة الفوق باش ندير الصلصة ثم ندير الصلصة و ندخلها المجمد تشد روحها جيدا و تتماسك بعدما تشد روحها مليه نخرجها و نفوت السكين على الأطراف بحذر و ننزع المول برفق و راح نتحصل على هادا و نزينها بحبات فراولة من فوق او كيما تحبي و انتي و اللي يعجبك ملاحظة: ممكن نعوض طبقة الصلصة بعجينة اللوز أو عجينة السكر. نتمنى تعجبكم الوصفة مع السلامة
|
||||
2014-04-26, 12:40 | رقم المشاركة : 2 | |||
|
سلام
روعة تسلم ايادي حبييتي |
|||
2014-04-26, 12:44 | رقم المشاركة : 3 | |||
|
روعة كروعتك يعطيك الصحة |
|||
2014-04-26, 12:44 | رقم المشاركة : 4 | |||
|
بارك الله فيك فيوزة على التحفة الفنية |
|||
2014-04-26, 12:57 | رقم المشاركة : 5 | |||
|
وااااااااااااااو تهبل يا فايزة |
|||
2014-04-26, 13:20 | رقم المشاركة : 6 | |||
|
امممممممممممممممممم هايلة يعطيك الصحة |
|||
2014-04-26, 13:33 | رقم المشاركة : 7 | |||
|
فيوزة حبيبتي الصور ماطلعوليش النات عندي تروح وتجي لكن اكيد رووووعة من يديك تسلمي وليا رجعة نقرعج |
|||
2014-04-26, 15:14 | رقم المشاركة : 8 | |||
|
mashallah faiza ychahi allah ybarak |
|||
2014-04-26, 15:43 | رقم المشاركة : 9 | |||
|
خرجت تهبل |
|||
2014-04-26, 17:06 | رقم المشاركة : 10 | |||
|
شكرا لكن أخواتي ال‘زاء فرحتوني بردودكم المشجعة
ام اسلام ان شاء الله يبانولك الصور |
|||
2014-04-26, 17:53 | رقم المشاركة : 11 | |||
|
روووووووووووووووعة بعطيك الصحة |
|||
2014-04-26, 18:48 | رقم المشاركة : 12 | |||
|
بارك الله فيك تشهي و رائعة |
|||
2014-04-26, 19:05 | رقم المشاركة : 13 | |||
|
بارك الله فيك 4444444444444 |
|||
2014-04-26, 20:08 | رقم المشاركة : 14 | |||
|
mmmm raw3aaaaaaa ya3tik assa7a, hadi fikra hayla , rabbi yjazik khir nchallah |
|||
2014-04-26, 22:38 | رقم المشاركة : 15 | |||
|
واو يعطيك الصحة فايزة راكي فنانة |
|||
الكلمات الدلالية (Tags) |
**le, مطبخي, بالتفصيل, fraisier |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc