الليموناضة التونسية : عصير القارص من مطبخي

أنا أمهم · 2012-05-19, 20:09

السلام عليكم و رحمة الله و بركاته
بسم الله

لكل الأخوات و خاصة للأخت Batila اللي طلبت مني سر الليموناضة نقدملكم اليوم عصير القارص (الليمون) : ليموناضة : citronnade من مطبخي و بالتفاصيل

و الرائع في هذا العصير انك تقدري تتحصلي على 10 ل من العصير من 1 كغ ليمون فقط
و الأروع انك تقدري تحضريه مركز و تخبيه لرمضان و للمناسبات

احنا في تونس نقدموه في أيام الأعياد و خاصة عيد الإضحى (للهضم و أيضا جيد لضغط الدم و الكلسترول اللطف عليكم) , ايضا يقدم في المناسبات و حتى في الأعراس.

طولت عليكم سامحوني

هذه المقادير : لكمية لربع كلغ ليمون ,2 و نصف لتر ماء, 8 م ك سكر , ربع ك مشروب مركز بنكهة اللوز (اختياري ) (للكيلو اضربي كل المقادير المذكورة في اربعة)

الطريقة : قصي الليمون ( هنا 3 حبات ) و نضفيه من البذور و الأطراف.

حطي معاه نصف لتر ماء حسب التقريب و خليه يغلي نصف ساعة حتى يولي طري

ارحيه في العصارة أو حتى في رحاية الطماطم (إذا في الرحاية عاوديه مرتين أو أكثر)

صفيه في غربال (سيار) رقيق جدا جدا أو في سيار الفرينة اللي من القماش يكون أفضل.

و كل مرة صبي عليه شوية ماء و ادلكيه مليح على السيار , و من الأحسن ترجعي البقية متاع الليمون في شوية ماء حتى يتتحلل و عاودي صبيه في السيار و ادلكيه مرة أخرى حتى تكمل الماء (المجموع بين اللي غليتي فيه و اللي تستعمليه في مرحلة التصفية يكون 2 لتر و نصف ) راح تلاحظي في الأخير ان الليمون المرحي ما عادش يخرج في اللون الأصفر بقوة

السكر حليه في آخر كمية ماء استخلصتيه من الليمون المرحي حتى يذوب أسهل و أسرع

إذا تحصلتي هنا على ليترتين و نصف من عصير ليمون

هذه المرحلة إختيارية : و لإضافة نكهة مميزة و لذيذة جدا أضيفي ربع كاس من مشروب مركز بنكهة اللوز اللي هو الروزاطة (هذا مشروب جداتنا و جداتكم في المناسبات قبل ما يوصلنا بلاء المياه الغازية : القازوز ) و اللي ما لقاتوش تقدر تعوضه بسكر الفانيليا (بعض الأكياس حسب الرغبة).

هذه النتيجة النهائية (حصيلة 3 كعبات قارص ) :

في التقديم : صبي العصير في كؤوس و في كل واحد صبي ملعقة صغيرة من العصير المركز للرمان (grenadine)(الشربات بالمصري هههههههه) , إذا عندك أيضا العصير المركز للنعناع استعمليه أيضا (النتيجة في التقديم كؤوس مزينة بالأحمر و الأخرى بالأخضر تعطيك منظر حلو برشة)

و هذه في التقديم :

و هذا الكأس للعزيزة batila ( قصري بيه الوقت في السهرية) :
(على فكرة ان شاء الله نكون حطيت الوصفة قبل ما يسافر خوك و سامحيني على التأخير أختي )

دعواتكم

أم ياسين الزهراء · 2012-05-19, 22:46

الله يسلمك روعة هذا مفيد لي عندي الضغط ربي يحفظك حنونة دايما مبدعة

أنا أمهم · 2012-05-20, 09:00

اقتباس:

المشاركة الأصلية كتبت بواسطة أم ياسين الزهراء

الله يسلمك روعة هذا مفيد لي عندي الضغط ربي يحفظك حنونة دايما مبدعة

ربي يشفيك عزيزتي ما تنساش تنقصي في الملح في وجباتك, و مشكورة على تشجيعك الدايم أختي, جازاك الله كل خير. و جربي العصير هذا روعة.

maloo · 2012-05-20, 06:07

ما هو مشروب الروزاطة لم اعرفه من تعرف اسمه عندنا في الجزائر'هذا اذا اصلا موجود 'فلتتفضل باخبارنا مشكورة نحن نعرف القازوز وفقط. المهم اختي- انا امهم- مشكورة على الجهد الذي تبذلينه . جعله المولى في ميزان حسناتك. دمت بالف خير

أنا أمهم · 2012-05-20, 09:02

اقتباس:

المشاركة الأصلية كتبت بواسطة maloo

ما هو مشروب الروزاطة لم اعرفه من تعرف اسمه عندنا في الجزائر'هذا اذا اصلا موجود 'فلتتفضل باخبارنا مشكورة نحن نعرف القازوز وفقط. المهم اختي- انا امهم- مشكورة على الجهد الذي تبذلينه . جعله المولى في ميزان حسناتك. دمت بالف خير

ربي يفضلك أختي و يخليك, و بالنسبة لمركز اللوز (الروزاطة) نتخيل موجود في الجزائر, شوفي المحلات اللي يبيعو فيهم العصيرات المركزة أكيد تلاقيه.

omchifa · 2012-05-20, 07:02

يعطيك الصحة عصير اقتصادي ومفيد واكيد لديد جعله الله في ميزان حسناتك

أنا أمهم · 2012-05-20, 09:03

اقتباس:

المشاركة الأصلية كتبت بواسطة omchifa

يعطيك الصحة عصير اقتصادي ومفيد واكيد لديد جعله الله في ميزان حسناتك

جازاك الله كل خير أختي , انت جربيه و شوفي البنة

و الله راح تنسي القازوز ههههههههه

*أم كوثر* · 2012-05-20, 09:08

بارك الله فيك اختي الكريمة
مشروب اللوز المركز نقدرو نستغناو عليه ؟؟؟؟
وهل مشروب الرمان المركز كي نضيفوه في الاخير عند التقديم يغير من دوق العصير ؟؟؟؟
والف الف شكر

أنا أمهم · 2012-05-20, 09:17

اقتباس:

المشاركة الأصلية كتبت بواسطة *أم كوثر*

بارك الله فيك اختي الكريمة
مشروب اللوز المركز نقدرو نستغناو عليه ؟؟؟؟
وهل مشروب الرمان المركز كي نضيفوه في الاخير عند التقديم يغير من دوق العصير ؟؟؟؟
والف الف شكر

يااااااااااااااااه يا أم كوثر قريب نتحزم و نهبط نشطح كي لقيت ثاني موضوع يتحطلي في التثبيت هههههههههههههههه
جازاك الله كل خير و ربي يفضلك كوثر و يرزقك ونيسها

بالنسبة لمشروب اللوز تقدري تستغني عليه أغلب العائلات في تونس لا تضيفه (لكن إذا لقيتيه يكون أفضل لأنه يضيف طعم خاص يخلي ضيوفك يحتارو ههههههههه )

و بالنسبة لعصير الرمان لا يغير في طعم العصير , لكن وقت اللي تشربي الكأس كي توصلي للرشفات الأخيرة تفاجئين بطعم خفيف للرمان (شفتي الوصف الدقيق ههههههه)
و يمكن عصير النعناع يكون أفضل بما أنه النعناع و الليمون متناسقين برشة.

جربيه عزيزتي و ان شاء الله ينجحلك
على فكرة كمية السكر تقدري تتحكمي فيها حسب ذوق العائلة